Дәрс 14
Јеһованын Шаһидләри тәшкилатынын гурулушу
Јеһованын Шаһидләринин мүасир тарихи нә вахтдан башланыр? (1)
Јеһованын Шаһидләринин јығынҹаглары неҹә кечирилир? (2)
Хәрҹләр нәјин һесабына өдәнилир? (3)
Һәр бир јығынҹагда рәһбәрлији үзәринә кимләр ҝөтүрүр? (4)
Һәр ил һансы күтләви ҝөрүшләр кечирилир? (5)
Онларын мәркәзи идарәләриндә вә филиалларында һансы иш һәјата кечирилир? (6)
1. Јеһованын Шаһидләринин мүасир тарихи 1870-ҹи илдән башланыр. Онлар әввәлҹә Мүгәддәс Китабын Тәдгигатчылары адланырдылар. Лакин 1931-ҹи илдән онлар Мүгәддәс Китаба әсасән Јеһованын Шаһидләри адыны гәбул етдиләр (Ишаја 43:10). Башланғыҹда кичик олан тәшкилата, һал-һазырда 230-дан артыг өлкәдә фәал сурәтдә тәблиғ едән милјонларла Шаһидләр дахилдир.
2. Јеһованын Шаһидләринин јығынҹагларынын әксәријјәтиндә һәр һәфтә үч ҝөрүш кечирилир. Сизи бу ҝөрүшләрә ҝәлмәјә дә’вәт едирик (Ибраниләрә 10:24, 25). Өјрәнилән әсас мәнбә Мүгәддәс Китабдыр. Ҝөрүшләр дуа илә башланыр вә дуа илә баша чатыр. Ҝөрүшләрин чохунда сәмими “руһани... маһнылар” охунур (Ефеслиләрә 5:18, 19). Ҝириш сәрбәстдир вә пул јығылмыр (Матта 10:8).
3. Јығынҹагларын чоху өз ҝөрүшләрини Падшаһлыг Залларында кечирир. Адәтән бунлар, Шаһидләрин сыраларындан олан көнүллү ишчиләрин тикдикләри садә тикилиләрдир. Падшаһлыг Залынын ичәрисиндә сурәтләр, хачлар вә буна бәнзәр шејләр ҝөрмәк мүмкүн дејил. Хәрҹләр көнүллү ианә һесабына өдәнилир. Ианә етмәк арзусунда оланлар үчүн ианә гутулары вар (2 Коринфлиләрә 9:7).
4. Һәр бир јығынҹагда ағсаггаллар, јә’ни нәзарәтчиләр вар. Онлар јығынҹағын тә’лим ишинә рәһбәрлик едирләр (1 Тимотејә 3:1-7; 5:17). Онлара хидмәти көмәкчиләр көмәк едир (1 Тимотејә 3:8-10, 12, 13). Адлары чәкилән бу хидмәтчиләр јығынҹагдакы башга адамлардан үстүн дејилләр (2 Коринфлиләрә 1:24). Онларын хүсуси титуллары јохдур (Матта 23:8-10). Онлар ҝејимләри илә башгаларындан фәргләнмирләр. Ҝөрдүкләри ишә ҝөрә онлара мааш верилмир. Ағсаггаллар јығынҹағын руһани тәләбатларына көнүллү сурәтдә гајғы ҝөстәрирләр. Чәтинлик јаранан заман онлар тәсәлли вә мәсләһәт верә биләрләр (Јагуб 5:14-16; 1 Петер 5:2, 3).
5. Бундан әлавә, Јеһованын Шаһидләринин һәр ил күтләви ҝөрүшләри — конгресләри кечирилир. Бу ҝөрүшләр заманы бир чох јығынҹаглар бирликдә Мүгәддәс Китаба әсасланан тә’лимләрдән ибарәт хүсуси програма гулаг асырлар. Бир гајда олараг кечирилән һәр конгрес заманы јени шаҝирдләр вәфтиз олунур (Матта 3:13-17; 28:19, 20).
6. Јеһованын Шаһидләринин үмумдүнја мәркәзи идарәси Нју-Јоркда јерләшир. Орада Рәһбәрлик шурасы, јә’ни бүтүн дүнјада олан јығынҹаглара нәзарәт едән тәҹрүбәли ағсаггаллар ишләјир. Бундан әлавә, бүтүн дүнјада 100-дән артыг филиал фәалијјәт ҝөстәрир. Бу филиалларда Мүгәддәс Китаба әсасланан әдәбијјатын чап едилмәси вә лазым олан јерләрә ҝөндәрилмәси көнүллү ишчиләр тәрәфиндән јеринә јетирилир. Филиаллардан һәмчинин тәблиғ ишинә дә нәзарәт едилир. Нәјә ҝөрә јахынлыгда јерләшән филиала баш чәкмәји планлашдырмајасыныз?