Јеһованын Шаһидләринин ибадәт ҝөрүшләринин сизә фајдасы

Сизи нә вахтса Јеһованын Шаһидләринин ибадәт ҝөрүшләринә дәвәт едибләр? Әҝәр һеч вахт орада олмамысынызса, ола биләр, бу ҝөрүшләрә ҝетмәјә тәрәддүд едәсиниз. Сизи бу кими суаллар нараһат едә биләр: «Ибадәт ҝөрүшләри неҹә кечирилир? Бу ҝөрүшләр нә дәрәҹәдә ваҹибдир? Нәјә ҝөрә ора ҝетмәк лазымдыр?» Бу дәрсдә ҝөрәҹәксиниз ки, башгалары илә бир јердә ибадәт етмәк сизи Аллаһа јахынлашдыраҹаг вә сизә шәхсән көмәк едәҹәк.

1. Јеһованын Шаһидләринин бирҝә јығышмасынын ән ваҹиб сәбәби нәдир?

Ҝөрүн Мүгәддәс Китабы јазанлардан бири бирҝә јығышмағын ән ваҹиб сәбәбини неҹә ачыгламышды: «Бөјүк мәҹлисдә Јеһоваја алгыш едәрәм» (Зәбур 26:12). Јеһованын Шаһидләри дә бирҝә јығышмагдан севинҹ дујурлар. Дүнјанын һәр јериндә онлар Аллаһы мәдһ етмәк, Она һәмд нәғмәләри охумаг вә дуа етмәк үчүн һәр һәфтә бирҝә топлашырлар. Һәмчинин илдә бир нечә дәфә даһа бөјүк груплар шәклиндә јығышараг Аллаһа ибадәт едирләр.

2. Ибадәт ҝөрүшләримиздә нә өјрәнәҹәксиниз?

Ибадәт ҝөрүшләриндә Аллаһын Кәламыны өјрәнирик. Мүгәддәс Китабдан охунан ајәләр ајдын изаһ едилир, мәнасы ачыгланыр. (Нәһәмја 8:8 ајәсини охујун.) Бу ҝөрүшләрдә Јеһова барәдә, Онун ҝөзәл кејфијјәтләри һагда өјрәнәҹәксиниз. Јеһованын сизә олан мәһәббәти барәдә даһа чох өјрәндикҹә Она даһа да јахын олаҹагсыныз. Һәмчинин ҝөрәҹәксиниз ки, О, сизә һәјатдан мәмнунлуг дујмаға неҹә көмәк едә биләр (Әшија 48:17, 18).

3. Ибадәт ҝөрүшләриндә башгалары илә үнсијјәтин сизә һансы фајдасы олаҹаг?

Јеһова Аллаһ бујурур ки, «бир-биримизә гаршы диггәтли олуб бир-биримизи мәһәббәтә вә јахшы ишләрә тәшвиг едәк, јығынҹагларымыздан галмајаг» (Ибраниләрә 10:24, 25). Јығынҹаг ҝөрүшләримиздә бир-биринә сәмими гајғы ҝөстәрән вә сизин кими, Аллаһ һаггында даһа чох өјрәнмәк истәјән инсанларла таныш олаҹагсыныз. Онларын Мүгәддәс Китабдан сөјләдији руһландырыҹы фикирләри ешидәҹәксиниз. (Ромалылара 1:11, 12 ајәләрини охујун.) Һәмчинин чәтинликләрә бахмајараг, һәјатда севинҹини итирмәјән инсанларла таныш олаҹагсыныз. Бәли, бу вә диҝәр сәбәбләрә ҝөрә Јеһова истәјир ки, биз мүнтәзәм олараг бирҝә јығышаг.

Д Ә Р И Н Л И Ј Ә  В А Р Ы Н

4. Јеһованын Шаһидләринин ибадәт ҝөрүшләри

Биринҹи әсрдә мәсиһиләр мүнтәзәм олараг топлашыб Јеһоваја ибадәт едирдиләр (Ромалылара 16:3—5). Колослулара 3:16 ајәсини охујун вә нөвбәти суалы мүзакирә един:

• Биринҹи әсрдәки мәсиһиләр Јеһоваја неҹә ибадәт едирдиләр?

ВИДЕО: «Ибадәт ҝөрүшләримиз неҹә кечирилир?» (2:12)

• Ибадәт ҝөрүшләримизлә Колослулара 3:16 ајәси арасында һансы охшарлығы ҝөрдүнүз?

• Видеода вә ја шәкилдә ибадәт ҝөрүшләри илә бағлы сизә мараглы ҝәлән нә олду?

2 Коринфлиләрә 9:7 ајәсини охујун вә нөвбәти суалы мүзакирә един:

• Нәјә ҝөрә Јеһованын Шаһидләринин ибадәт ҝөрүшләриндә пул јығылмыр?

Сизә дәрс кечән инсанла бирҝә нөвбәти ибадәт ҝөрүшүнүн програмына нәзәр салын.

• Програмда нә хошунуза ҝәлди?

Билирсиниз?

jw.org сајтында бүтүн дүнјада кечирилән ибадәт ҝөрүшләринин вахтыны вә јерини өјрәнә биләрсиниз.

1. А) Ибадәт ҝөрүшләримиздә чыхышлар, сәһнәҹикләр вә видеолар олур. Ҝөрүшләрин әввәлиндә вә сонунда нәғмә охунур вә дуа едилир

2. Б) Ҝөрүшдә иштирак едәнләр програмын бәзи һиссәләриндә шәрһ верир

3. В) Ҝөрүшләрә һәр кәс — аиләләр, гоҹалар, ҹаванлар ҝәлә биләр

4. Г) Ҝөрүшләрдә пул јығылмыр

5. Ибадәт ҝөрүшләринә ҝәлмәк үчүн сәј ҝөстәрмәк лазымдыр

Ҝәлин Иса пејғәмбәрин аиләсинин нүмунәсинә нәзәр салаг. Онлар һәр ил Јерусәлимдә кечирилән мәрасимә ҝәлмәк үчүн јашадыглары Насирә шәһәриндән дағлы-дәрәли јолларла үч ҝүн, тәхминән јүз километр пијада јол ҝедирдиләр. Лука 2:39—42 ајәләрини охујун вә нөвбәти суаллары мүзакирә един:

• Сизҹә, онларын Јерусәлимә сәфәри асан баша ҝәлирди?

• Ибадәт ҝөрүшләринә ҝәлмәк сизин үчүн нәјә ҝөрә чәтин ола биләр?

• Сизҹә, чәтин олса да, бу ҝөрүшләрә ҝәлмәјә дәјәр? Нәјә ҝөрә белә дүшүнүрсүнүз?

• Нәјә ҝөрә јығынҹаг ҝөрүшләринә мүнтәзәм ҝәлмәлијик?

ИҸМАЛ

Јығынҹаг ҝөрүшләринә ҝәлмәјин сајәсиндә Јеһова барәдә билијиниз артаҹаг, Онунла мүнасибәтиниз мөһкәмләнәҹәк вә Она башгалары илә бирҝә ибадәт едәҹәксиниз.

Тәкрар

• Нәјә ҝөрә Јеһова бизи бирҝә јығышмаға сәсләјир?

• Јеһованын Шаһидләринин ибадәт ҝөрүшләриндә нә өјрәнәҹәксиниз?

• Сизҹә, ибадәт ҝөрүшләринин даһа һансы фајдалары вар?

Ә Л А В Ә  М Ә Л У М А Т

Ола билсин, јығынҹаг ҝөрүшүнә ҝетмәјә тәрәддүд едирсиниз. Ҝөрүн бу ҹүр һиссләр кечирән бир киши сонрадан ҝөрүшләри неҹә севди.

«Онларын бизи неҹә гаршыладығыны һеч вахт унутмајаҹағыг» (4:16)

Фикир верин ҝәнҹ оғланын ибадәт ҝөрүшләриндә нә хошуна ҝәлди вә о, ҝөрүшләрә мүнтәзәм ҝәлмәк үчүн нә етди.

«Ибадәт ҝөрүшләри чох хошума ҝәлди!» (4:33)

Башгаларынын ибадәт ҝөрүшләринә неҹә јанашдығыны өјрәнин.

«Ибадәт евиндәки ҝөрүшләрдә нәјә ҝөрә иштирак етмәлијәм?» (интернет мәгаләси)

Ҝөрүн гулдур дәстәсинин үзвү Јеһованын Шаһидләринин јығынҹаг ҝөрүшүндә иштирак едәндән сонра неҹә дәјишди.

«Мән һарада, силаһым да орада иди» («Ҝөзәтчи гүлләси», ијул—сентјабр 2014)