Натиглик вә мүәллимлик габилијјәтини инкишаф етдирмәк үчүн програм
БУ ПРОГРАМ ҝәнҹләрә вә јашлылара, гадынлара вә кишиләрә өз фикирләрини даһа јахшы ифадә етмәјә вә Аллаһын Кәламыны даһа мәһарәтлә өјрәтмәјә көмәк едәҹәк.
Теократик Хидмәт Мәктәбинин нәзарәтчиси мәктәбә јазыланлара тапшырыг верәҹәк. Нөвбәти үч сәһифәдә истифадә едә биләҹәјин шәхси мәсләһәт бланкы вар. Бәндләрин әввәлиндәки рәгәмләр нөвбәти сәһифәләрдәки дәрсләрин нөмрәләринә мүвафигдир. Һәмин дәрсләрдә натиглик вә мүәллимлик габилијјәтинин мүәјјән ҹәһәтләринә јијәләнмәјә нәјин дахил олдуғу вә онларын һәр биринин нә үчүн ваҹиб олдуғу әтрафлы изаһ олунур. Һәмчинин орада алдығын мәсләһәтләри тәтбиг етмәк барәдә фајдалы ҝөстәришләр тапа биләрсән.
Мәсләһәт бланкында һансы дәрсләрин 1) аудиторија гаршысында охумаға, 2) ики вә даһа артыг шәхсин иштирак етдији диалога, 3) јығынҹаг гаршысында сөјләнән нитгә аид олдуғу мүхтәлиф рәнҝләрлә ҝөстәрилир. Мәктәбин нәзарәтчиси үзәриндә ишләмәк үчүн сәнә дәрс верәҹәк. Јахшы олар ки, һәр дәфә бир дәрсин үзәриндә ишләјәсән. Дәрсин сонундакы чалышмалары етмәк сәнә бөјүк фајда ҝәтирәҹәк. Әҝәр һәмин дәрсдәки мәсләһәти уғурла јеринә јетирсән, онда мәсләһәт верән гардаш сәнә јени дәрс верәҹәк.
Әҝәр тапшырығын диалог шәклиндәдирсә, сәнин шәрти вәзијјәтә еһтијаҹын олаҹаг. 82-ҹи сәһифәдә шәрти вәзијјәтләрин сијаһысы ҝәтирилир. Буна бахмајараг, башга шәрти вәзијјәтләрдән дә истифадә етмәк олар. Мәсләһәт верән гардаш тәҹрүбә әлдә етмәјин үчүн сәнә мүәјјән шәрти вәзијјәт верә биләр, јахуд да сечими өз ихтијарына бураха биләр.
Мәктәбдә алдығын тапшырыглара һазырлашмагдан әлавә, бу китабы охумаг вә чалышмалары етмәк инкишафына чох бөјүк тәкан верәҹәк. Мәсәлән, һәр һәфтә бир дәрсин үзәриндә чалыша биләрсән.
Теократик Хидмәт Мәктәбиндә тәлим алдығын мүддәтдән вә ја хидмәтдә иштирак етдијин илләрдән асылы олмајараг, һәмишә нәдәсә инкишаф едә биләрсән. Гој Теократик Хидмәт Мәктәбиндә верилән тәлим сәнә там фајда ҝәтирсин.