Бизи һәјатда ән ваҹиб фәалијјәт үчүн һазырлајан Мәктәб

¹ Адәтән инсанлар, һәјатда өз мәгсәдләринә наил олмаг үчүн тәһсил алырлар. Лакин Һәјатверәнимизи иззәтләндирмәкдән вә башгаларына Онун нијјәтләри вә јоллары һагда өјрәнмәјә көмәк етмәкдән даһа дәјәрли мәгсәд вармы? Хејр. Биз, Теократик Хидмәт Мәктәбиндә Мүгәддәс Китабдан әлдә етдијимиз биликләри башгалары илә бөлүшмәји өјрәнирик. Буна ҝөрә дә һәр һәфтә Мәктәбә ҝәләрәк, бу ҝүнүмүздә ән ваҹиб олан фәалијјәтдә иштирак етмәк үчүн зәрури олан вәрдишләр әлдә едирик.

² “Бизим Падшаһлыг Хидмәтимиз”ин өтән сајында “Теократик Хидмәт Мәктәбинин 2003-ҹү ил үчүн програмы” верилмишдир. Һәмин програмда Мәктәбин неҹә кечириләҹәји тәфсилаты илә изаһ олунур. Сән ҝөрәҹәксән ки, програмы һәр һәфтә өзүнлә Теократик Хидмәт Мәктәбинә ҝәтирмәк практики фајда ҝәтирир. 2003-ҹү илдә кечиләҹәк Теократик Хидмәт Мәктәбинин бә’зи хүсусијјәтләрини нәзәрдән кечирәк.

³ Тапшырыг № 1. Тәдрис нитги илә чыхыш етмәк тапшырығы алан гардашлара хатырланыр ки, “диггәти мүзакирә олунан мә’луматын практики дәјәринә ҹәлб” етсинләр. Бу о демәкдир ки, јығынҹаг үзвләринә һәмин мә’луматы тәтбиг етмәјин үсулу ҝөстәрилмәлидир.

⁴ Мүгәддәс Китабын охунмасы графики. Әҝәр әввәлләр Мүгәддәс Китабы ҝүндәлик олараг охумаг графикинә риајәт етмәк сәнә мүјәссәр олмурдуса, нәјә ҝөрә бу ил һәмин графикә риајәт етмәјә гәрар вермәјәсән? Белә оларса, бир ил әрзиндә Јунанҹа Мүгәддәс Јазылары охујуб гуртара биләрсән.

⁵ Мүгәддәс Китабдан диггәтәлајиг фикирләр. Иштирак едәнләр Мүгәддәс Китабдан охудугларына даир өз фикирләрини сөјләјә билсинләр дејә, бу бәндә ајрылан вахт он дәгигәјә кими артырылыб. Бу тапшырыгла чыхыш едәнләр һәмин бәнд үчүн ајрылмыш вахта дәгигликлә риајәт етмәлидирләр. Диггәтәлајиг фикирләр һәр һәфтә, о ҹүмләдән шифаһи тәкрар кечирилән ҝүнләрдә дә тәгдим едиләҹәк. Тә’јин олунмуш фәсилләри охујаркән, аиләви өјрәнмә заманы, хидмәтдә вә ја башга јердә тәтбиг едә биләҹәјин фикирләри өзүн үчүн гејд ет. Инсанларла вә халгларла давранышында Јеһова һансы хүсусијјәтләри әкс етдирмишди? Охудугларын сәнин иманыны неҹә мөһкәмләтди вә Јеһоваја олан миннәтдарлығыны неҹә артырды? Тә’јин олунмуш фәсилләрдән, о ҹүмләдән 2 №-ли тапшырыг үчүн ајрылан фәсилдән истәдијин ајәләри сәрбәст мүзакирә едә биләрсән, чүнки һәмин тапшырыгла чыхыш едән гардаш ајәләрә шәрһ вермәјәҹәкдир.

⁶ Тапшырыг № 2. Һәр һәфтә тәдрис тапшырығынын биринҹиси уҹадан охумаг олаҹагдыр. Әсасән материал Мүгәддәс Китабын ҝүндәлик охунмасындан ҝөтүрүләҹәкдир. Ајын ахырынҹы һәфтәсиндә исә охумаг үчүн материал “Ҝөзәтчи Гүлләси”ндән ҝөтүрүләҹәкдир. Тәләбә тә’јин олунмуш материалы ҝириш вә сон сөзләрлә мүшајиәт етмәдән, јалныз охумалыдыр. Бу үсулла о, әсас диггәтини охумаг вәрдишини јахшылашдырмаға ҹәмләшдирә биләҹәкдир (1 Тим. 4:13).

⁷ Тапшырыг № 3 вә № 4. Бу тапшырыглардан бә’зиләри үчүн чох, бә’зиләри үчүн аз материал, диҝәрләри үчүн исә јалныз мөвзу верилмишдир. Кичик һәҹмли материал вә ја јалныз мөвзудан ибарәт тапшырыг аланлар, мәсиһчи нәшрләрини тәдгиг едәрәк чыхыш үчүн сәрбәст олараг материал тапмаг имканы әлдә едирләр. Еһтимал ки, бунун сајәсиндә баҹы үчүн өз көмәкчисинә ујғун ҝәлән тапшырығы сечмәк асан олаҹаг.

⁸ Шәрти вәзијјәтләр. Шәрти вәзијјәтләри Мәктәбин нәзарәтчиси тә’јин едә биләр. Әҝәр о тә’јин етмирсә, баҹылар шәрти вәзијјәти өзләри сечә биләрләр. Белә һалда јахшы оларды ки, баҹылар реал шәрти вәзијјәт кими тәблиғ хидмәтинә вә ја хидмәтин гејри-рәсми тәрздә шәһадәт етмәк үсулуна үстүнлүк версинләр. Шәрти вәзијјәти өзләри сечән баҹылар, ону “Мәктәб програмы үзрә тапшырыг” (С-89) бланкынын ја ашағы һиссәсиндә, ја да арха тәрәфиндә гејд етмәлидирләр.

⁹ Мәсләһәт бланкы. Мәсләһәт бланкы “Мә’рузә сөјләмәк вә тә’лим вермәк габилијјәтини јахшылашдырмаг” брошүрасынын 8-9-ҹу сәһифәләриндә јерләшир. Буна ҝөрә дә һәр чыхышдан сонра брошүраны Мәктәбин нәзарәтчисинә вермәли олаҹагсан. Нәзарәтчи, тәләбәнин һансы дәрс үзәриндә ишләдијини гејд етмәлидир.

¹⁰ Шифаһи тәкрар. Мәктәбдә кечирилән материалын тәкрары шифаһи олаҹагдыр. Бу тәкрар ики ајда бир дәфә, 30 дәгигә әрзиндә кечириләҹәк. Тәкрар үчүн суаллар әввәлләр олдуғу кими “Бизим Падшаһлыг Хидмәтимиз”дә дәрҹ олунаҹагдыр. Әҝәр шифаһи тәкрар кечириләҹәк һәфтәдә рајон конгреси олаҹагса вә ја јығынҹаға рајон нәзарәтчиси ҝәләҹәксә, нөвбәти һәфтәдә сөјләнәҹәк нитгләри бир һәфтә әввәлә, шифаһи тәкрары исә бир һәфтә сонраја кечирмәк лазымдыр.

¹¹ Әлавә синифләр. Әҝәр Мәктәбә 50-дән артыг тәләбә јазылыбса, ағсаггаллар әлавә синифләр јаратмаг һагда гәрар гәбул едә биләрләр. Синифләри ја бүтүн тәдрис нитгләри үчүн, ја да ики сонунҹу нитг үчүн тәшкил етмәк олар. Бу мәсләһәт, баҹыларын сајы чох, лакин охумаг үзрә тапшырыглары јеринә јетирмәк үчүн гардашларын сајы аз олан јығынҹаглара аиддир. Ағсаггаллар, бу синифләрдә мәшғәләләрә рәһбәрлик едәҹәк мүвафиг гардашлар сечмәлидирләр.

¹² Тәдрис нитгләринә мәсләһәт. Теократик Хидмәт Мәктәбинин програмында гејд олундуғу кими, ағсаггаллар шурасы, Мүгәддәс Китабдан диггәтәлајиг фикирләрлә вә тәдрис нитгләри илә чыхыш едән ағсаггаллара вә хидмәти көмәкчиләрә тәкликдә мәсләһәт верәҹәк гардаш тә’јин етмәлидир. О, мәсләһәтләринә башга ағсаггалларын диггәтлә јанашдыглары тәҹрүбәли бир гардаш олмалыдыр. Онун мәсләһәтләри практики олмалыдыр: о, чыхышында јахшы јеринә јетирдији бәндләрә ҝөрә натиги тә’рифләјә вә үзәриндә ишләмәк лазым ҝәлән бир-ики мәгама диггәт јетирә биләр. Тез-тез мә’рузәләрлә чыхыш едән гардаша һәр дәфә мәсләһәт вермәјә еһтијаҹ јохдур. Буна бахмајараг, мәсләһәт верән гардаш ҝөзүачыг олмалы вә баша дүшмәлидир ки, ачыг мә’рузәләрлә чыхыш едән гардашлара да даһа чох наилијјәтләр әлдә етмәјә көмәк етмәк олар (1 Тим. 4:15).

¹³ Иса Мәсиһ билирди ки, Аллаһын Падшаһлығы һаггында хош хәбәрин тәблиғ едилмәси — бир заманлар инсанлара ҝөстәрилмиш олан ән бөјүк шәрәфдир. Бу, онун јерә ҝәлмәсинин әсас мәгсәди иди (Марк 1:38). О деди: “Аллаһын Падшаһлығынын мүждәсини... тәблиғ етмәлијәм: чүнки, Мән бунун үчүн ҝөндәрилмишәм” (Лука 4:43, И–93). Исанын нүмунәсини тәглид едәрәк, биз дә хош хәбәрин тәблиғ едилмәси илә ҝүҹлү сурәтдә мәшғулуг вә “һәмд гурбанынын” кејфијјәтини һәмишә јахшылашдырмаға чалышырыг (Ибр. 13:15). Буна наил олмаг үчүн, ҝәлин һәмишә Теократик Хидмәт Мәктәбиндә — бизи һәјатда ән ваҹиб фәалијјәт үчүн һазырлајан Мәктәбдә мүнтәзәм олараг иштирак етмәјә гәти гәрарлы олаг.