Аилә сәадәти (II һиссә)

Өвладлар Јеһовадан пајдыр. О истәјир ки, валидејнләр бу һәдијјәни горусунлар. Бу ишдә онлара көмәк етмәк үчүн Јеһова һикмәтли мәсләһәтләр верир. Анҹаг О, тәкҹә валидејнләрә јох, өвладлара да мәсләһәтләр верир. Өвладлар бу мәсләһәтләрә әмәл етмәклә аиләнин хошбәхт олмасына төһфә верә биләрләр.

1. Јеһова валидејнләрә һансы мәсләһәти верир?

Јеһова истәјир ки, валидејнләр өвладларыны севсин, онларла мүмкүн гәдәр чох вахт кечирсин. О һәмчинин валидејнләрдән ҝөзләјир ки, өвладларыны горусунлар вә Мүгәддәс Китаб принсипләри әсасында онлара тәрбијә версинләр (Мәсәлләр 1:8). Аллаһ аталара ушагларыны Јеһованын өјүд-нәсиһәтилә бөјүтмәји бујурур. (Ефеслиләрә 6:4 ајәсини охујун.) Валидејнләр өвладларыны Јеһованын бујурдуғу кими бөјүдәндә, мәсулијјәтләрини башгаларынын үзәринә атмајанда Јеһова севинир.

2. Јеһова өвладлара һансы мәсләһәти верир?

Јеһова өвладлара бујурур: «Валидејнләринизин сөзүнә гулаг асын». (Колослулара 3:20 ајәсини охујун.) Ушаглар валидејнләринә һөрмәт едәндә, гулаг асанда һәм Јеһованы, һәм дә валидејнләрини севиндирирләр (Мәсәлләр 23:22—25). Иса ушаг оланда бу саһәдә ҝөзәл нүмунә гојмушду. О, камил олса да, валидејнләринә һөрмәт едир вә онлара табе олурду (Лука 2:51, 52).

3. Аиләликҹә Аллаһа неҹә јахынлаша биләрсиниз?

Әҝәр өвладларыныз варса, јәгин истәјирсиниз ки, онлар да Јеһованы сизин гәдәр севсин. Бунун үчүн нә едә биләрсиниз? Мүгәддәс Китабда дејилир: «Онлары [Јеһованын кәламларыны] өвладына ашыла, евдә отуранда, јол ҝедәндә... онлардан даныш» (Ганунун тәкрары 6:7). «Ашыламаг» тәкрарлајараг өјрәтмәк демәкдир. Јәгин өзүнүз дә ҝөрмүсүнүз: чох вахт ушаглара нәјисә тәкрар-тәкрар демәк лазым ҝәлир ки, ону јадда сахласынлар. Демәли, бу ајәјә әсасән, һәр фүрсәтдән истифадә едәрәк өвладларыныза Јеһова барәдә данышмалысыныз. Јахшы оларды ки, һәр һәфтә Јеһоваја аиләликҹә ибадәт етмәк үчүн вахт ајырасыныз. Әҝәр өвладыныз јохдурса, јенә дә һәр һәфтә Аллаһын Кәламыны өјрәнмәјә вахт ајырын. Бунун хејрини мүтләг ҝөрәҹәксиниз.

Д Ә Р И Н Л И Ј Ә  В А Р Ы Н

4. Өвладларынызы севҝи илә тәрбијә един

Ушағы тәрбијә етмәк чәтин ишдир. Бу ишдә Мүгәддәс Китаб неҹә көмәк едә биләр? Јагуб 1:19, 20 ајәләрини охујун вә нөвбәти суаллары мүзакирә един:

• Валидејнләр ушаглары илә үнсијјәт едәндә онлары севдикләрини неҹә ҝөстәрә биләр?

• Нәјә ҝөрә валидејн һирсли вахтында өвладыны ҹәзаландырмамалыдыр?a

5. Өвладларынызы горујун

Өвладларынызы горумаг истәјирсинизсә, онларын һәр биринә ҹинси тәрбијә вермәк сон дәрәҹә ваҹибдир. Бу, асан иш дејил. ВИДЕОЈА бахын вә нөвбәти суаллары мүзакирә един:

ВИДЕО: «Ушагларынызы пис шејләрдән горујун» (2:58)

• Нәјә ҝөрә бәзи валидејнләрә өвладлары илә ҹинси мүнасибәтләр барәдә данышмаг чәтиндир?

• Бәзи валидејнләр өвладларына ҹинси мүнасибәтләри неҹә баша салырлар?

Габагҹадан дејилдији кими, Шејтан дүнјасы ҝет-ҝедә даһа да бетәр олур. 2 Тимутијә 3:1, 13 ајәләрини охујун вә нөвбәти суалы мүзакирә един:

• 13-ҹү ајәдә дејилән пис адамлардан бәзиләри ушаглара ҹинси тәҹавүз едир. Демәли, нәјә ҝөрә валидејнләр өвладларына ҹинси мүнасибәтләр барәдә вә өзләрини тәҹавүзкарлардан горумаг барәдә данышмалыдыр?

Билирсиниз?

Јеһованын Шаһидләри валидејнләрә көмәк мәгсәдилә чохлу нәшрләр дәрҹ едиб. Бунун сајәсиндә валидејнләр өвладларына ҹинси тәрбијә вериб, онлары тәҹавүзкарлардан горуја биләр. Бу нәшрләрдән бәзиләри ашағыдакылардыр:

• «Ушагларынызы горујун» (видео)

• «Бөјүк Мүәллимдән өјрән», фәсил 10 вә 32

• «Ушағыныза ҹинси тәрбијә верин» («Ојанын!» № 5, 2016)

6. Валидејнләринизә һөрмәт един

ВИДЕО: «Валидејнләримлә неҹә сөһбәт едә биләрәм?» (2:19)

• Нәјә ҝөрә өвладлар валидејнләри илә һөрмәтлә данышмалыдыр?

• Өвладлар валидејнләри илә данышаркән онлара һөрмәт етдикләрини неҹә ҝөстәрә биләрләр?

Мәсәлләр 1:8 ајәсини охујун вә нөвбәти суалы мүзакирә един:

• Валидејн мәсләһәт верән заман ушаг неҹә давранмалыдыр?

7. Јеһоваја аиләликҹә ибадәт един

Јеһованын Шаһиди олан аиләләр һәр һәфтә вахт ајырыб бирҝә ибадәт едирләр. Бәс аиләви ибадәт неҹә кечирилмәлидир? ВИДЕОЈА бахын вә нөвбәти суаллары мүзакирә един:

ВИДЕО: «Аиләви ибадәт. Чәтинликләр вә бәһрәләр» (8:04)

• Аиләви ибадәти мүнтәзәм олараг неҹә кечирмәк олар?

• Валидејнләр аиләви ибадәти фајдалы вә мараглы шәкилдә кечирмәк үчүн нә едә биләр? (Бу дәрсин әввәлиндәки шәклә бахын.)

• Мүгәддәс Китабы аиләликҹә арашдырмаға сизә нә мане ола биләр?

Гәдимдә Јеһова Исраил халгына бујурмушду ки, һәр аиләдә мүнтәзәм олараг мүгәддәс кәламлар барәдә сөһбәтләр едилсин. Ганунун тәкрары 6:6, 7 ајәләрини охујун вә нөвбәти суалы мүзакирә един:

• Бу мәсләһәтә неҹә әмәл едә биләрсиниз?

Аиләви ибадәт үчүн тәклифләр:

• Јығынҹаг ҝөрүшләринә һазырлашын.

• Аилә үзвләринизин хошуна ҝәлән Мүгәддәс Китаб парчасыны охујун вә мүзакирә един.

• Әҝәр балаҹа ушағыныз варса, jw.org сајтындан ушаглар үчүн олан мәшғәлә вәсаитләрини јүкләјин, јахуд чап един.

• Әҝәр өвладыныз јенијетмәдирсә, jw.org сајтындан јенијетмәләр үчүн нәзәрдә тутулмуш бир мәгаләни мүзакирә един.

• Ушагларынызла Мүгәддәс Китаб әһвалатларыны сәһнәләшдирин.

• jw.org сајтында бир видеону изләјин вә мүзакирә един.

ИҸМАЛ

Јеһова истәјир ки, валидејнләр өвладларыны севсинләр, тәрбијә етсинләр вә горусунлар, ушаглар валидејнләринә һөрмәт етсинләр вә табе олсунлар, аиләләр Она бирликдә ибадәт етсинләр.

Тәкрар

• Валидејнләр өвладларыны неҹә тәрбијә едә вә горуја биләр?

• Өвладлар валидејнләринә һөрмәт етдикләрини неҹә ҝөстәрә биләр?

• Һәр һәфтә вахт ајырыб аиләликҹә ибадәт етмәјин һансы фајдасы вар?

Ә Л А В Ә  М Ә Л У М А Т

Ушагларынызы јеткин һәјата һазырламаға көмәк едән гајдаларла таныш олун.

«Тәрбијәдә алты гызыл гајда» («Ојанын!» № 2, 2019)

Јашлы валидејнинә баханлар үчүн ҝөрүн Мүгәддәс Китабда һансы мәсләһәтләр вар.

«Мүгәддәс Китабда гоҹа валидејнләрә бахмаг барәдә нә дејилир?» (интернет мәгаләси)

Тәҹрүбәсиз бир валидејнә јахшы ата олмаға нә көмәк етди?

«Јеһова бизә ушагларымыза дүзҝүн тәрбијә вермәји өјрәтди» (5:58)

Ҝөрүн аталар оғуллары илә неҹә мөһкәм мүнасибәт гура биләр.

«Ата оғлу илә мүнасибәтини неҹә мөһкәмләндирә биләр?» («Ҝөзәтчи гүлләси», 1 нојабр 2011)