ДӘРС 53

Јеһоваја мәгбул әјләнҹәләр

Чап версијасы

Јеһова хошбәхт Аллаһдыр (1 Тимутијә 1:11). О бизим хошбәхт олмағымызы, һәјатдан һәзз алмағымызы истәјир. Биз ишдән вахт ајырыб истираһәт едәндә Она хош ҝедир. Бу дәрсдән өјрәнәҹәјик ки, асудә вахтларымызы һәм хош, һәм дә Јеһоваја мәгбул тәрздә неҹә кечирә биләрик.

1. Әјләнҹә сечәркән нәји нәзәрә алмалыјыг?

Неҹә истираһәт етмәји хошлајырсыныз? Кимләрсә асудә вахтыны евдә сакит кечирмәји хошлајыр, мәсәлән, китаб охујур, мусиги динләјир, филм изләјир, јахуд интернетдә долашыр. Анҹаг кимләрсә актив әјләнҹәни севир, мәсәлән, достлары илә бирҝә ҝәзир, дәнизә ҝедир, јахуд ојунлар ојнајыр. Бунлардан һансына үстүнлүк веририксә верәк, сечдијимиз әјләнҹәнин Рәббә мәгбул олдуғуна әмин олмалыјыг (Ефеслиләрә 5:10). Бу, чох ваҹибдир. Чүнки бу ҝүн әјләнҹәләрин чохунда Јеһованын нифрәт етдији әмәлләр, мәсәлән, зоракылыг, әхлагсызлыг вә ја ҹиндарлыг јер алыр. (Зәбур 11:5 ајәсини охујун.) Бәс әјләнҹә мәсәләсиндә дүзҝүн сечим етмәјә бизә нә көмәк едә биләр?

Јеһованы севән кәсләрлә достлуг етсәк, онлар бизә вә әјләнҹә сечимимизә јахшы тәсир едәр. Әввәлки дәрсдә өјрәндијимиз кими, «һикмәтли илә отуруб-дуран һикмәтли олар». Амма Аллаһын ганунларыны севмәјән инсанларла отуруб-дурарыгса, бәдбәхт оларыг (Мәсәлләр 13:20).

2. Әјләнҹәјә ајырдығымыз вахта нәјә ҝөрә фикир вермәлијик?

Сечдијимиз әјләнҹә Аллаһа мәгбул олса да, фикир вермәлијик ки, бу әјләнҹә чох вахтымызы алмасын. Әкс һалда, даһа ваҹиб ишләрә вахтымыз галмаз. Мүгәддәс Китабда мәсләһәт ҝөрүлүр ки, вахтымызын гәдрини биләк. (Ефеслиләрә 5:15, 16 ајәләрини охујун.)

Д Ә Р И Н Л И Ј Ә В А Р Ы Н

Ҝөрүн әјләнҹә мәсәләсиндә неҹә дүзҝүн гәрарлар верә биләрсиниз.

3. Аллаһа мәгбул олмајан әјләнҹәләрдән гачын

Әјләнҹә сечәркән нәјә ҝөрә диггәтли олмалыјыг? ВИДЕОЈА бахын вә нөвбәти суаллары мүзакирә един:

ВИДЕО: «Сечдијим әјләнҹә неҹә олмалыдыр?» (4:39)

Гәдим гладиатор ојунлары илә бәзи мүасир әјләнҹә нөвләри арасында һансы охшарлыг вар?
Дени адлы бир ҝәнҹ әјләнҹә барәдә нәји өјрәнди?

Ромалылара 12:9 ајәсини охујун вә нөвбәти суалы мүзакирә един:

Бу ајә әјләнҹә сечәркән сизә неҹә көмәк едә биләр?

Јеһова һансы әмәлләрә нифрәт едир? Мәсәлләр 6:16, 17 вә Галатијалылара 5:19—21 ајәләрини охујун. Һәр ајәни охудугдан сонра нөвбәти суалы мүзакирә един:

Бу ајәләрдә ады чәкилән һансы әмәлләрә буҝүнкү әјләнҹәләрдә раст ҝәлинир?

Дүзҝүн әјләнҹәни неҹә сечмәли?

Дүшүнүн:

Бу әјләнҹәјә Јеһованын нифрәт етдији әмәл дахилдир?
Бу әјләнҹә даһа ваҹиб шејләрә ајырдығым вахты әлимдән алмыр?
Бу әјләнҹә вахты Јеһованы севмәјән инсанларла јахындан, јахуд мүнтәзәм тәмасда олурам?

Тәһлүкәдән нә гәдәр узаг дурсаг, бир о гәдәр јахшыдыр. Әјләнҹәнин јахшы олдуғуна үрәјимиздә шүбһә варса, ондан узаг дурмалыјыг

Автомобил дағ јолунун гырағы илә ҝедир. Автомобилин архасы артыг јолдан чыхыб.

4. Вахтынызын гәдрини билин

ВИДЕОЈА бахын вә нөвбәти суалы мүзакирә един:

ВИДЕО: «Вахтыныз нәјә ҝедир?» (2:45)

Видеодакы гардаш налајиг шејләрә бахмаса да, проблеми нәдә иди?

Филиппилиләрә 1:10 ајәсини охујун вә нөвбәти суалы мүзакирә един:

Әјләнҹәјә нә гәдәр вахт ајыраҹағымызы бу ајә әсасында неҹә мүәјјән едә биләрик?

5. Јеһоваја мәгбул әјләнҹә сечин

Бәзи әјләнҹәләр Јеһоваја мәгбул олмаса да, јахшы әјләнҹәләр дә чохдур. Ваиз 8:15 вә Филиппилиләрә 4:8 ајәләрини охујун. Сонра нөвбәти суалы мүзакирә един: