МӘСИҺИ ҺӘЈАТЫ

Әјләнҹә сечәркән ағылла давранын

Нәјә ҝөрә биз әјләнҹә сечәркән ағылла давранмалыјыг? Чүнки филм, мусиги, китаб, вебсајт, јахуд видео ојун сечәркән бејнимизи нә илә долдураҹағымыза гәрар веририк. Бизим сечимләримиз давранышымыза тәсир едир. Тәәссүфләр олсун ки, буҝүнкү әјләнҹәләрин чоху Јеһоваја ағыр ҝедән әмәлләри тәҹәссүм етдирир (Зб 11:5; Гт 5:19—21). Бу сәбәбдән Мүгәддәс Китаб тәшвиг едир ки, Јеһоваја шәрәф ҝәтирән шејләр барәдә дүшүнәк (Фп 4:8).

«СЕЧДИЈИМ ӘЈЛӘНҸӘ НЕҸӘ ОЛМАЛЫДЫР?» АДЛЫ ВИДЕОЈА БАХАНДАН СОНРА НӨВБӘТИ СУАЛЛАРА ҸАВАБ ВЕРИН:

Бәзи мүасир әјләнҹәләр гәдим гладиатор дөјүшләринә неҹә бәнзәјир?
Јығынҹағын үзвләри ҝәнҹләрә әјләнҹә сечәркән ағылла давранмаға неҹә көмәк едә биләр?
Ромалылара 12:9 ајәси әјләнҹә сечимимизә неҹә тәсир етмәлидир?
Әразиниздә Мүгәддәс Китаба зидд ҝетмәјән һансы әјләнҹәләр вар?

АКТИВ, ЈОХСА ПАССИВ ӘЈЛӘНҸӘ?

Бу ҝүн популјар әјләнҹәләрин чоху инсаны пассивләшдирир. Филмләр, китаблар, телевизија програмлары сизин јох, башгаларынын јарадыҹы идејаларыны тәгдим едир. Дүздүр, арада пассив әјләнҹә дә лазымдыр, амма актив әјләнҹә даһа фајдалыдыр. Мәсәлән, бәзиләри мусиги аләтиндә чалмағы, рәсм чәкмәји хошлајырлар. Бир башгаларына идманла мәшғул олмаг, хизәк сүрмәк, тәбиәт гојнуна ҝетмәк зөвг верир. Һансы әјләнҹәни сечириксә сечәк, ҝәлин һәр шеји Аллаһын шәрәфләнмәси үчүн едәк (1Кр 10:31).