ДӘРС 02
Мүгәддәс Китаб ҝөзәл ҝәләҹәк вәд едир
Бу дүнјада дәрдсиз адам јохдур. Һәрә бир проблемә ҝөрә мәјус олур, нараһатлыг кечирир, ағры-аҹы чәкир. Нә вахтса бу һиссләри јашамысыныз? Ола билсин, хәстәлик уҹбатындан, јахуд доғма инсаны итирдијинизә ҝөрә әзаб чәкирсиниз. Бәлкә дә дүшүнүрсүнүз: «Ҝөрәсән, нә вахтса хош ҝүн ҝөрәҹәјәм?» Мүгәддәс Китабын бу суала вердији ҹаваб сизә тәсәлли олаҹаг.
1. Мүгәддәс Китаб ҝәләҹәклә бағлы һансы үмиди верир?
Мүгәддәс Китабда бу дүнјанын нәјә ҝөрә әзабларла долу олдуғу изаһ олунур. Бунунла јанашы, бу китабда әзабларын мүвәггәти олдуғу, тезликлә онлара сон гојулаҹағы барәдә мүждә јазылыб. Мүгәддәс Китабдакы вәдләр «сизә ҝөзәл ҝәләҹәк, үмид» бәхш едә биләр. (Әрәмја 29:11, 12 ајәләрини охујун.) Бу вәдләр бизә индики һәјатын проблемләринә дөзмәјә, никбин олмаға көмәк едир. Һәмчинин әбәдијјән хошбәхт јашајаҹағымыза үмид верир.
2. Мүгәддәс Китаб ҝәләҹәји неҹә тәсвир едир?
Мүгәддәс Китабда дејилир ки, ҝәләҹәкдә «өлүм олмајаҹаг. Нә дәрд, нә фәрјад, нә дә ағры олмајаҹаг». (Вәһј 21:4 ајәсини охујун.) Бу ҝүн јохсуллуг, әдаләтсизлик, хәстәлик вә өлүм уҹбатындан ҝәләҹәјә үмидлә бахмаг чәтиндир. Амма ҝәләҹәкдә бүтүн бу проблемләрин изи-тозу да галмајаҹаг. Мүгәддәс Китабда вәд едилир ки, ҝәләҹәкдә јер үзү ҹәннәт олаҹаг вә инсанлар орада әбәдијјән фираван өмүр сүрәҹәкләр.
3. Мүгәддәс Китабдакы бу вәдләрин јеринә јетәҹәјинә неҹә әмин ола биләрсиниз?
Чохлары ҝәләҹәјә үмидлә бахса да, үмидләринин нә вахтса ҝерчәкләшәҹәјинә әмин дејилләр. Амма Мүгәддәс Китабдакы вәдләр мүтләг јеринә јетәҹәк. Бу вәдләрә етибар етмәк үчүн «Мүгәддәс Јазылары... диггәтлә» арашдырмаг ҝәрәкдир (Һәвариләрин ишләри 17:11). Мүгәддәс Китабы арашдырдыгҹа өзүнүз ҝөрәҹәксиниз ки, ҝәләҹәклә бағлы дејиләнләрә етибар етмәк олар, ја јох.
Д Ә Р И Н Л И Ј Ә В А Р Ы Н
Мүгәддәс Китабын ҝәләҹәклә бағлы бәзи вәдләри илә таныш олун. Ҝөрүн ҝәләҹәјә үмид бу ҝүн инсанлара неҹә көмәк едир.
4. Мүгәддәс Китаб әбәди, дәрд-сәрсиз һәјат вәд едир
Ашағыда Мүгәддәс Китабдан ҝәтирилмиш вәдләрә нәзәр салын. Һансы вәдин јеринә јетмәсини лап чох истәјәрдиниз? Нә үчүн?
Вәдләрин гаршысындакы ајәләри охујун вә нөвбәти суаллара ҹаваб верин:
Бу ајәләр сиздә үмид јаратды? Аиләнизә вә достларыныза да үмид верә биләр?
Ҝәләҹәкдәки һәјаты бир тәсәввүр един:
ҺЕЧ КӘС... |
ҺӘР КӘС... |
|---|---|
|
|
|
|
|
|
|
|
|
|
5. Мүгәддәс Китабдакы вәдләр инсанларын һәјатыны јахшылыға доғру дәјишир
Әксәр инсанлар һәјатын чәтинликләриндән тәнҝә ҝәлир, бәзиләриндә исә бу, гәзәб ојадыр. Кимләрсә дүнјаны дәјишмәк үчүн мүбаризәјә галхыр. Ҝөрүн Мүгәддәс Китабын ҝөзәл ҝәләҹәклә бағлы вәди инсанлара бу ҝүн неҹә көмәк едир. ВИДЕОЈА бахын вә нөвбәти суаллары мүзакирә един.
Рафиканы һансы әдаләтсизлик инҹидирди?
Бу әдаләтсизлик арадан галхмаса да, Мүгәддәс Китаб она неҹә көмәк етди?
Мүгәддәс Китабын ҝәләҹәклә бағлы вәдләри бизә руһдан дүшмәмәјә вә проблемләр гаршысында севинҹимизи итирмәмәјә көмәк едир. Мәсәлләр 17:22 вә Ромалылара 12:12 ајәләрини охујун вә нөвбәти суаллары мүзакирә един:
Мүгәддәс Китабдакы вәдләр бу ҝүн сизин һәјатынызы јахшылыға доғру дәјишә биләр? Нәјә ҝөрә белә дүшүнүрсүнүз?
БӘЗИ ИНСАНЛАР ДЕЈИР: «Мүгәддәс Китабдакы вәдләр бош хүлјадан башга бир шеј дејил».
Сизҹә, бу вәдләрин јеринә јетмәси илә бағлы сүбутлары арашдырмаг нәјә ҝөрә ваҹибдир?
ИҸМАЛ
Мүгәддәс Китабда ҝәләҹәкдә һәјатын ҝөзәл олаҹағына даир чохлу вәдләр вар. Бу бизә үмид верир вә индидән һәјатымыза рәнҝ гатыр.
Тәкрар
Нәјә ҝөрә инсанларын Мүгәддәс Китабдакы вәдләри билмәјә еһтијаҹы вар?
Мүгәддәс Китабда ҝәләҹәклә бағлы нә дејилир?
Ҝәләҹәјә даир үмид сизә индидән неҹә көмәк едә биләр?
Ә Л А В Ә М Ә Л У М А Т
Ҝөрүн үмид инсана неҹә ҝүҹ верир.
Хроники хәстәлији олан адама ҝөрүн ҝәләҹәјә олан үмиди неҹә көмәк едир.
«Хроники хәстәлији олан адама Мүгәддәс Китабын көмәји дәјә биләрми?» (интернет мәгаләси)
Бу клипә бахаркән өзүнүзү вә аиләнизи Мүгәддәс Китабын вәд етдији Ҹәннәтдә тәсәввүр един.
Иҹтимаи тәшкилатын фәал үзвүнә Мүгәддәс Китабдакы вәдин неҹә көмәк етдији барәдә охујун.
«Даһа дүнјаны дәјишмәли олдуғуму дүшүнмүрәм» («Ҝөзәтчи гүлләси», 1 ијул 2013)