ДӘРС 03
Мүгәддәс Китаба нәјә ҝөрә етибар етмәк олар?
Мүгәддәс Китабда чохлу вәдләр вә мәсләһәтләр јер алыр. Бәлкә дә орада нә јазылдығыны билмәк истәјирсиниз, амма еһтијат едирсиниз. Ҝөрәсән, белә гәдими китабын вәдләринә вә мәсләһәтләринә етибар етмәк олар? Мүгәддәс Китабдакы мәсләһәтләрин бу ҝүн бизә хејри дәјә биләр? Орада ҝәләҹәклә бағлы дејиләнләрә инанмаг олар? Милјонларла инсан бу суаллара «бәли» дејә ҹаваб верир. Арашдырын ҝөрүн сиз дә Мүгәддәс Китаба етибар едә биләрсиниз, ја јох.
1. Мүгәддәс Китабда јазыланлар әфсанәдир, јохса һәгигәт?
Мүгәддәс Китабда дејилир ки, ону јазанлар «һәгигәт сөзләрини дүзҝүн» гәләмә алыблар (Ваиз 12:10). Бу китабда ҝерчәк һадисәләрдән, ҝерчәк инсанлардан данышылыр. (Лука 1:3; 3:1, 2 ајәләрини охујун.) Бир чох тарихчиләр вә археологлар Мүгәддәс Китабда ады чәкилән инсанларын вә јерләрин мөвҹудлуғуну, һадисәләрин, гејд олунан тарихләрин дәгиглијини тәсдиг едибләр.
2. Бу гәдими китабын көһнәлмәдијини нә ҝөстәрир?
Мүгәддәс Китаб бир чох саһәләрдә өз дөврүнү габаглајыб. Мәсәлән, орада елми мөвзулара да тохунулур. Бу мөвзулара даир орада јазыланлары һәмин вахт инсанлар гәбул етмирди. Анҹаг мүасир елм Мүгәддәс Китабда јазыланларын дәгиглијини тәсдиг едир. Бәли, Мүгәддәс Китаб «етибарлыдыр... индидән та әбәдијјәтәдәк сабитдир» (Зәбур 111:7, 8).
3. Мүгәддәс Китабда ҝәләҹәклә бағлы дејиләнләрә нәјә ҝөрә етибар етмәк олар?
Мүгәддәс Китабда «баш вермәмиш һадисәләри әзәлдән» хәбәр верән пејғәмбәрликләрa вар (Әшија 46:10). Орада бир чох тарихи һадисәләр вар ки, баш вермәздән хејли әввәл дәгигликлә тәсвир олунуб. Һәмчинин дүнјанын буҝүнкү вәзијјәти хырдалығына кими јазылыб. Бу дәрсдә Мүгәддәс Китабдакы бәзи пејғәмбәрликләри нәзәрдән кечирәҹәјик. Онларын дәгиглијинә һејран галаҹагсыныз!
Д Ә Р И Н Л И Ј Ә В А Р Ы Н
Мүасир елмин Мүгәддәс Китабла неҹә узлашдығыны вә бир нечә мараглы пејғәмбәрлији арашдырын.
4. Елм Мүгәддәс Китабла узлашыр
Гәдимдә әксәр инсанлар инанырды ки, Јер күрәси нәјинсә үзәриндә дуруб. ВИДЕОЈА бахын.
Ҝөрүн тәхминән 3500 ил әввәл «Әјјуб» китабында нә јазылмышды. Әјјуб 26:7 ајәсини охујун вә нөвбәти суалы мүзакирә един:
Ајәдәки «Јери һечликдә асыб» сөзләри нәјә ҝөрә диггәтә лајигдир?
1800-ҹү илләрә гәдәр тәбиәтдә су дөвранынын неҹә баш вердији елмә там мәлум дејилди. Амма ҝөрүн мин илләр өнҹә Мүгәддәс Китабда бу һагда нә јазылмышды. Әјјуб 36:27, 28 ајәләрини охујун вә нөвбәти суаллары мүзакирә един:
Бу ајәләрдә су дөвранынын белә садә тәсвир олунмасы нәјә ҝөрә һејрәтамиздир?
Охудуғунуз бу ајәләр Мүгәддәс Китаба етибарынызы артырыр?
5. Бәзи мүһүм һадисәләр барәдә Мүгәддәс Китабда габагҹадан дејилмишди
Әшија 44:27—45:2 ајәләрини охујун вә нөвбәти суалы мүзакирә един:
Бабил ишғал едилмәздән 200 ил әввәл Мүгәддәс Китабда онунла бағлы һансы тәфәррүатлар гәләмә алынмышды?
Тарих сүбут едир ки, б. е. ә. 539-ҹу илдә Фарс шаһы Курушун ордусу Бабил шәһәрини ишғал етдиb. Онлар шәһәри горујан чајын сәмтини дәјишдиләр. Ачыг галмыш дарвазадан шәһәрә дахил олуб, ораны дөјүшсүз зәбт етдиләр. Һәмин һадисәнин үстүндән 2500 илдән чох вахт кечиб. Бу ҝүн Бабил шәһәриндән јалныз харабалыглар галыб. Ҝөрүн Мүгәддәс Китабда бу барәдә габагҹадан нә јазылмышды.
Әшија 13:19, 20 ајәләрини охујун вә нөвбәти суалы мүзакирә един:
Бу пејғәмбәрлик неҹә јеринә јетди?
Мүасир Ирагда јерләшән Бабилин харабалыглары
6. Мүгәддәс Китабда буҝүнкү һадисәләр габагҹадан јазылмышды
Мүгәддәс Китабда јашадығымыз дөвр «ахырзаман» адланыр (2 Тимутијә 3:1). Диггәт јетирин орада ахырзаманла бағлы габагҹадан нә дејилмишди:
Мәтта 24:6, 7 ајәләрини охујун вә нөвбәти суалы мүзакирә един:
Мүгәддәс Китаба әсасән, ахырзаманын әламәти олан һадисәләр һансыдыр?
2 Тимутијә 3:1—5 ајәләрини охујун вә нөвбәти суаллары мүзакирә един:
Мүгәддәс Китаб ахырзаманда јашајан инсанлары неҹә тәсвир едир?
Инсанларда бу хүсусијјәтләрдән һансыларыны мүшаһидә едирсиниз?
БӘЗИ ИНСАНЛАР ДЕЈИР: «Мүгәддәс Китаб әфсанәләр топлусудур».
Мүгәддәс Китабын етибарлы олдуғуна сизи ән чох нә әмин етди?
ИҸМАЛ
Тарих, елм вә пејғәмбәрликләр сүбут едир ки, Мүгәддәс Китаба етибар етмәк олар.
Тәкрар
Мүгәддәс Китабда јазыланлар әфсанәдир, јохса һәгигәт?
Елм һансы саһәләрдә Мүгәддәс Китабла узлашыр?
Сизҹә, Мүгәддәс Китаб ҝәләҹәкдән хәбәр верир? Нәјә ҝөрә белә дүшүнүрсүнүз?
Ә Л А В Ә М Ә Л У М А Т
Мүгәддәс Китабда елмә зидд ҝедән фикирләр вар?
Ахырзаманда јашадығымыза һансы сүбутлар вар?
«6 ваҹиб пејғәмбәрлик ҝөзүнүзүн өнүндә јеринә јетир» («Ҝөзәтчи гүлләси», ијул—сентјабр 2011)
Јунан империјасы илә бағлы пејғәмбәрликләр бахын неҹә јеринә јетиб.
Мүгәддәс Китаб пејғәмбәрликләри бир нәфәрин бу китаба олан мүнасибәтини ҝөрүн неҹә дәјишди.
«Аллаһын варлығына инанмырдым» («Ҝөзәтчи гүлләси» № 5, 2017)
a Ҝәләҹәкдә баш верәҹәк һадисәләр барәдә Аллаһдан назил олан хәбәрләрә пејғәмбәрлик дејилир.
b Б. е. ә. — бизим ерадан әввәл; б. е. — бизим ера.