Ваҹиб бир е’лан
ҜӨЗӘТЧИ Гүлләси, Мүгәддәс Китаб вә трактатлар Ҹәмијјәтинин (Пенсилванија), 2000-ҹи ил октјабрын 7-дә кечирилән иллик јығынҹағынын сонунда, Рәһбәрлик шурасынын үзвү, јығынҹағын сәдри олан Ҹон Барр ваҹиб бир е’лан етди. Бу е’лан, Теодор Јарач вә Дениел Сидликин һәмин ҝүн сөјләдикләри мә’рузәләрин давамы олду. (Бу журналын 29—32-ә гәдәр олан сәһифәләринә бахын.)
Гардаш Барр, чох мүһүм бир мәсәләјә диггәт јетирәрәк деди: ““Садиг вә ағыллы гула” вә онун Рәһбәрлик шурасына, һәр һансы һүгуги шәхсләрә верилән тапшырыгдан даһа јүксәк вә бөјүк тәләбатларын гајғысына галмаг тапшырылмышдыр. Һәр бир һүгуг органынын низамнамәсиндә, һәмин органын фәалијјәт саһәсини мәһдудлашдыран мәгсәдләри вардыр. Лакин Рәббимиз Иса Мәсиһ, садиг гулу бүтүн “маликанәси”, јә’ни Падшаһлығын јер үзүндәки мәнафеләри үзәринә гојмушдур” (Матта 24:45—47).
Пенсилванија корпорасијасы илә әлагәдар гардаш Барр әлавә етди: “Ҝөзәтчи Гүлләси, Мүгәддәс Китаб вә трактатлар Ҹәмијјәти (Пенсилванија), 1884-ҹү илдә гејдијјата алындығы вахтдан е’тибарән, мүасир тарихимиздә мүһүм рол ојнајырды. Бунунла јанашы бу орган, “садиг вә ағыллы гулун” садәҹә лазым ҝәлдикдә истифадә етдији һүгуги васитәдир”.
Сидлик вә Јарач гардашларын өз мә’рузәләриндә изаһ етдикләри кими, Рәббин јер үзү маликанәсинин бүтүн гајғыларынын “садиг вә ағыллы гул”а тапшырылмасы о демәк дејил ки, гул синфи “башга гојунлар” сырасындан олан мүнасиб инсанлара инзибати тәләбатларын гејдинә галмаға имкан вермәмәлидир (Јәһја 10:16). Бундан әлавә, Јегованын Шаһидләринин һүгуг органлары директорларынын һамысынын вә ја онлардан һансынынса мәсһ едилмиш мәсиһчи олмасыны иддиа етмәјә Мүгәддәс Китаб һеч бир әсас вермир.
Гардаш Барр билдирди ки, Јегованын Шаһидләринин Рәһбәрлик шурасынын, директорлар вә рәсми шәхсләр кими хидмәт едән бә’зи үзвләри, Бирләшмиш Штатларда “садиг вә ағыллы гул”ун истифадә етдији бүтүн корпорасијаларын директорлар шурасы вәзифәләрини көнүллү олараг тәрк етдиләр. Онларын јеринә, “башга гојунлар” сырасындан мәс’улијјәтли гардашлар сечилди.
Бу гәрар һәгигәтән дә фајдалы олаҹагдыр. Чүнки инди, руһани гиданы һазырламагла вә бејнәлхалг гардашлығын руһани еһтијаҹларынын гајғысына галмагла әлагәли башга ишләрә Рәһбәрлик шурасынын үзвләри даһа чох вахт ајыра биләҹәкләр.
Јығынҹағын сәдри ахырда севинҹ ичиндә олан динләјиҹиләрә деди: “Мүхтәлиф һүгуги вә инзибати вәзифәләрин тәҹрүбәли гардашлара һәвалә олунмасына бахмајараг... онларын һамысы Рәһбәрлик шурасынын руһани рәһбәрлији алтында хидмәт едирләр. [...] Биз Јеговадан, Онун ирадәсини јеринә јетирмәкдә, бөјүк адына иззәт вә шәрәф ҝәтирмәкдә бирҝә ҹәһдләримизи хејир-дуаландырмасыны диләјирик”.