Нә үчүн? “Аллаһ, Сән буна нә үчүн јол вердин?!”
РИКАРДО арвады Марија илә бирликдә һәкимин гәбулунда отурдугларыны индијә гәдәр хатырлајырa. Маријанын сонунҹу мүајинәсинин ҹавабыны охумаға онларын һеч биринин ҹәсарәти чатмырды. Нәһајәтдә Рикардо зәрфи ачды вә онлар тибби терминләрлә долу мәтни ҝөздән кечирдиләр. “Хәрчәнҝ” сөзүнү ҝөрдүкдә вә онун там мә’насыны баша дүшдүкдә һәр икиси ағладылар.
Рикардо хатырлајыр: “Һәким чох хејирхаһ иди, лакин о, вәзијјәтин чох ҹидди олдуғуну баша дүшүр вә јенә дә дејирди ки, Аллаһа үмид едәк”.
Маријаны мүалиҹә едән һәким шүа терапијасындан әввәл мүшаһидә етди ки, онун сағ ајағы гејри-ихтијари олараг тәрпәнир. Јени мүајинә ҝөстәрди ки, хәрчәнҝ бејиндә јајылмышдыр. Ҹәми бир һәфтә кечдикдән сонра терапијаны дајандырдылар. Марија комаја дүшдү вә ики һәфтәдән сонра өлдү. Рикардо данышыр: “Маријанын изтираблары сона чатдығына ҝөрә севинирдим, лакин мән онун үчүн чох дарыхырдым вә мәндә дә өлмәк истәји јаранды. Мән тез-тез Аллаһа нида едирдим: “Сән буна нә үчүн јол вердин?!”
Фәлакәтләр чохсајлы суаллар доғурур
Рикардо кими, сајсыз-һесабсыз инсанлар изтирабларла гаршылашмалы олурлар. Чох вахт һеч бир тәгсири олмајан инсанлар изтираб чәкирләр. Сонсуз силаһлы тоггушмаларын ҝәтирдији бәдбәхтликләри јада салаг. Јахуд тәһгирләрә дөзән ушагларын, зорламанын гурбаны олан чохсајлы инсанларын чәкдикләри аҹыны, аиләдәки зоракылығы вә диҝәр бәдбәхтликләри фикирләшәк. Тарих бојунҹа инсанлар о гәдәр һагсызлыглар төрәтмиш вә бир-бирләринә о гәдәр ишҝәнҹә вермишләр ки, сөзлә ифадә етмәк мүмкүн дејил (Ваиз 4:1-3). Тәбии фәлакәтләрин гурбаны оланлар һансы әзијјәтләрә гатлашыр, нә гәдәр инсан руһән әзаб чәкир, психи вә физики хәстәликләрдән изтираб чәкирләр! Тәәҹҹүблү дејил ки, бир чохлары белә суалла мүраҹиәт едирләр: “Ахы нә үчүн Аллаһ белә изтираблара јол верир?”
Изтираблара дөзмәк, һәтта Аллаһа үрәкдән иман ҝәтирән инсанлар үчүн дә асан дејил. Ола биләр сизә дә мараглыдыр ки, нә үчүн мәрһәмәтли, Гадир Аллаһ инсан изтирабларына јол верир? Бу чәтин суала ганеедиҹи вә дүзҝүн ҹаваб тапмаг олдугҹа ваҹибдир, чүнки бизим рифаһымыз вә Аллаһла олан мүнасибәтимиз бу суалын ҹавабындан асылыдыр. Белә ҹавабы Мүгәддәс Китаб верир. Бу һагда Мүгәддәс Китабин дедикләри нөвбәти мәгаләдә мүзакирә олунаҹаг.
[Һашијә]
a Адлар дәјишдирилиб.
[3-ҹү сәһифәдәки шәкилләр]
“Һәким јенә дә дејирди ки, Аллаһа үмид едәк”.