Сизин үчүн әһәмијјәт кәсб едән унудулмаз һадисә
ИСА МӘСИҺ јер үзүндә оланда, өз давамчыларына Аллаһа иззәт ҝәтирән унудулмаз бир һадисәни гејд етмәји бујурду. Бу, Исанын давамчыларына гејд етмәји бир баша бујурдуғу јеҝанә дини мәрасимдир. Сөһбәт, ејни заманда Мәхфи ахшам кими дә мә’лум олан Рәббин Хатирә Ҝеҹәсиндән ҝедир.
Тәсәввүр един ки, сиз ҝизлинҹә һәмин Ҝеҹәдән габаг баш верән һадисәләри мүшаһидә едирсиниз. Иса вә онун һәвариләри јәһуди Пасхасыны гејд етмәк үчүн Јерусәлимдә үст отагда топлашыблар. Онлар гызардылмыш гузу, аҹы отлар, мајасыз чөрәк вә гырмызы шәрабдан ибарәт олан ән’әнәви Пасха јемәјини баша чатдырырлар. Иса, тезликлә өз Мүәллимини әлә верәҹәк олан сатгын һәвариси Јәһуда Искарјотун ҝетмәсинә изн верир (Матта 26:17-25; Јәһја 13:21, 26-30). Мәсиһ 11 садиг һәвариси илә бирликдә тәк галыр. Онларын арасында Матта да вардыр.
Һәмин һадисәләрин шаһиди олан Матта Исанын Рәббин Хатирә Ҝеҹәсини тә’сис етмәсинә даир нөвбәти сөзләри дејир: “Иса [мајасыз] чөрәк ҝөтүрдү, шүкран дуасы едиб, ону парчалады вә шаҝирдләрә вериб, деди: “Алын, јејин! Бу Мәним бәдәнимдир”. [Шәрабла долу] бир каса да ҝөтүрүб шүкүр етди вә онлара верәрәк деди: “Бундан һамыныз ичин! Чүнки бу, Мәним ганым, ҝүнаһларын бағышланмасы үчүн бир чохлары уғрунда төкүлән Әһди-Ҹәдидин ганыдыр” (Матта 26:26-28).
Иса Рәббин Хатирә Ҝеҹәсини нә үчүн тә’сис етмишдир? Бу мәрасим заманы о, нәјә ҝөрә мајасыз чөрәкдән вә гырмызы шәрабдан истифадә етмишдир? Бу символлардан онун бүтүн давамчылары гәбул етмәлидирләрми? Бу мәрасими илдә нечә дәфә гејд етмәк лазымдыр? Вә бу мәрасим сизин үчүн һәгигәтән дә бир әһәмијјәт кәсб едирми?