Рәһбәрлик шурасынын јени үзвләри
ЧӘРШӘНБӘ ҝүнү сәһәр, 2005-ҹи ил августун 24-ү һәјәҹанландырыҹы хәбәри чатдырмаг үчүн сәһәр ибадәти видео васитәсилә Бруклиндән Бирләшмиш Штатларда вә Канадада јерләшән бүтүн Бет-Ел комплексләриндә бирбаша јајымланды. 2005-ҹи ил сентјабрын 1-дән е’тибарән Ҹефри У. Ҹексон вә Ентони III Морис Јеһованын Шаһидләринин Рәһбәрлик Шурасына јени үзв тә’јин едилдиләр.
Ҹексон гардаш 1971-ҹи илин феврал ајындан Австралијанын ада штаты Тасманијада пионер хидмәтинә башламышды. 1974-ҹү илдә Ҹанет (Ҹенни) илә аилә гурандан аз сонра онлар хүсуси пионер тә’јин едилдиләр. 1979-2003-ҹү илләрдә онлар Сакит океанын ҹәнубунда јерләшән ада дөвләтләриндә — Тувалу, Самоа вә Фиҹидә миссионер кими хидмәт етмишләр. Һәлә бурада хидмәт едәркән Ҹексонларын Мүгәддәс Китаб әдәбијјатларынын тәрҹүмәсиндә чох бөјүк көмәкликләри олмушдур. Ҹексон гардаш 1992-ҹи илдән Самоа, 1996-ҹы илдән исә Фиҹи филиалынын Комитәсиндә хидмәт етмишдир. 2003-ҹү илин апрел ајындан е’тибарән о, Ҹенни илә бирликдә Бирләшмиш Штатларын Бет-Ел аиләсинин үзвү олду вә Тәрҹүмәчи групларына хидмәт үзрә шө’бәдә ишләмәјә башлады. Чох кечмәмиш Ҹексон гардаш Рәһбәрлик шурасынын Тә’лим Комитәсиндә көмәкчи тә’јин олунду.
Морис гардаш 1971-ҹи илдә Бирләшмиш Штатларда пионер хидмәтинә башламышды. Һәмин илин декабрында о, Сузан адлы баҹы илә евләнди. Илк оғуллары Ҹеси дүнјаја ҝәләнәдәк онлар тәхминән дөрд ил әрзиндә пионер хидмәтини давам етдирдиләр. Бир мүддәтдән сонра онларын икинҹи оғуллары Пол анадан олду. Морис гардаш 1979-ҹу илдә даими пионер хидмәтини бәрпа етди. Ушаглары мәктәбә ҝедәндә һәјат јолдашы да она гошулду. Аилә даһа чох еһтијаҹ олан јерләрдә — Бирләшмиш Штатларын Шимали Каролина вә Род-Ајленд штатларында хидмәт етмишди. Морис гардаш Шимали Каролинада рајон нәзарәтчисинин мүавини кими хидмәт етмиш, оғуллары исә даими пионер хидмәтинә башламышлар. Ҹеси вә Пол 19 јашлары тамам олдугдан сонра Бирләшмиш Штатлардакы филиалда хидмәт етмәјә дә’вәт алдылар. Һәмин арада Морис гардаш сәјјар хидмәтә башлады. Сонра 2002-ҹи илдә онлар Сузан илә бирликдә Бет-Елә дә’вәт олундулар вә августун 1-дән јени тә’јинатларында чалышмаға башладылар. Морис гардаш Патерсонда Хидмәти шө’бәдә, сонра исә Рәһбәрлик шурасынын Хидмәти Комитәсиндә көмәкчи кими ишләмишди.
Бу ики јени үзв дә дахил олмагла Рәһбәрлик шурасынын үзвләри ашағыдакылардыр: К. У. Барбер, Ҹ. Е. Барр, С. Ф. Һерд, М. С. Летт, Г. Лјош, Т. Јарач, Г. Пирс, А. Д. Шредер, Д. Һ. Сплејн вә Д. Сидлик. Рәһбәрлик шурасынын бүтүн үзвләри мәсһ олунмуш мәсиһчиләрдир.