Аллаһ пислијә нә үчүн јол верир?
ҺАРА бахсаг һәр јердә пислик вә әзаб-әзијјәт һөкм сүрүр. Мүһарибәләрдә һәм әсҝәрләр, һәм дә динҹ әһали һәлак олур. Ҹинајәт вә зоракылыг ҝениш јајылыб. Ола билсин, сиз дә бу јахынларда габагҹадан јаранмыш мәнфи рә’јин, јахуд әдаләтсизлијин гурбаны олмусунуз. Ҝөрдүјүнүз вә јашадығыныз һадисәләр, ҝүман ки, сизи өзүнүздән «Аллаһ пислијә нә үчүн јол верир?» дејә сорушмаға вадар етмишдир.
Бу суал инсанлары та гәдимдән нараһат едир. Тәхминән 3 600 ил бундан әввәл, Аллаһын садиг хидмәтчиси Әјјуб сорушмушду: «Писләр нә үчүн јашајыр?» (Әјјуб 21:7). Ерамыздан әввәл једдинҹи әсрдә өз мүасирләринин пис әмәлләринә ҝөрә нараһат олан Јеремја пејғәмбәр суал вермишди: «Нә үчүн пис адамлар әмәлләриндә уғур газаныр, бүтүн хаинләр динҹ јашајыр?» (Јеремја 12:1). Әјјуб да, Јеремја да Аллаһын әдаләтли олдуғуну билирди. Буна бахмајараг, пислијин бу гәдәр ҝениш јајылмасы онларда чашгынлыг јарадырды. Ола билсин, сиз дә ејни вәзијјәтдәсиниз.
Бә’зи инсанлар бүтүн пислик вә әзабда Аллаһы ҝүнаһландырырлар. Диҝәрләри сорушурлар: «Әҝәр Аллаһ һәр шејә гадир, әдаләтли вә севәндирсә, онда нәјә ҝөрә пислијә вә әзаба сон гојмур? Нәјә ҝөрә пислијин индијәдәк давам етмәсинә јол верир?» Нөвбәти мәгаләдә бу вә диҝәр ваҹиб суаллара ҹаваб вериләҹәк.
[Иҹазә илә]
AP Photo/Adam Butler