Ушагларынызы өјрәдин

Балаҹа гыз көмәк етмәк истәјирди

АҒЫР хәстәлијә тутулан бир кимсәни ҝөрмүсәнми? ~ Она көмәк етмәк истәмисәнми? ~ Әҝәр о, башга өлкәдән, јахуд башга диндән олсајды, онда неҹә? Јенә дә она көмәк етмәк истәрдинми? ~ Тәхминән 3 000 ил бундан әввәл Исраилдә јашајан балаҹа бир гыз белә адама көмәк етмишди. Ҝәл ҝөрәк бу неҹә баш верди.

Һәмин балаҹа гызын јашадығы гәдим Исраил илә јахынлыгда јерләшән Арам (Сурија) өлкәси арасында тез-тез мүһарибә олурду (1 Падшаһлар 22:1). Ҝүнләрин бир ҝүнү суријалылар Исраилә һүҹум едиб бу балаҹа гызы әсир апарырлар. О, Суријаја ҝәтирилир вә Суријанын орду башчысы Нааманын арвадынын гуллугчусу олур. Нааман пис хәстәлик олан ҹүзама тутулмушду. Бу хәстәлик инсанын бәдәнини ејбәҹәр һала салыр.

Һәмин гуллугчу гыз Нааманын арвадына дејир ки, онун әри өз хәстәлијиндән сағала биләр. О дејир: ‘Нааман Самаријаја ҝетсәјди, Јеһованын пејғәмбәри Елиша ону ҹүзамдан сағалдарды’. Гуллугчу гызын Елиша һагда әминликлә данышмасы Нааманы инандырыр ки, пејғәмбәр һәгигәтән дә ону сағалда биләр. Буна ҝөрә дә, Суријанын падшаһы Бен-Һададын разылығы илә Нааман бир нечә адам ҝөтүрүб јола дүшүр вә Елишаны тапмаг үчүн тәхминән 150 километр мәсафәни гәт етмәли олур.

Илк өнҹә онлар Исраил падшаһы Јеһорамын јанына ҝәлирләр. Онлар падшаһ Бен-Һададын Наамана көмәк етмәк барәдә хаһиш мәктубуну она ҝөстәрирләр. Лакин Јеһорам нә Јеһоваја, нә дә Онун пејғәмбәри Елишаја инаныр. Јеһорам дүшүнүр ки, Бен-Һадад онунла дава етмәк үчүн бәһанә ахтарыр. Бу хәбәри ешидән Елиша падшаһ Јеһорама дејир: «Гој инди о мәним јаныма ҝәлсин». Елиша Нааманы ҹүзамдан сағалтмагла Аллаһын ҝүҹүнү нүмајиш етдирмәк истәјир (2 Падшаһлар 5:1-8).

Нааман атлары вә дөјүш арабалары илә Елишанын евинә ҝәләндә Елиша онун јанына гасид ҝөндәриб дејир: «Ҝет, Иордан чајында једди дәфә јујун ки, бәдәнин сағалыб тәр-тәмиз олсун». Буну ешидән Нааман бәрк гәзәбләнир. О фикирләширди ки, Елиша бајыра чыхаҹаг вә әлини ҹүзамлы јерин үзәриндә јелләдиб она шәфа верәҹәк. Бунун әвәзиндә исә гаршысында бир гасиди ҝөрүр! Буна ҝөрә Нааман һирсләниб евинә јола дүшүр (2 Падшаһлар 5:9-12).

Нааманын гуллугчуларындан бири олсајдын нә едәрдин? ~ Ҝөр гуллугчулар нә дејир: ‘Елиша сәнә чәтин бир шеј десәјди, она әмәл етмәздинми? Нәјә ҝөрә бу садә шеји етмәјәсән — садәҹә јујун вә тәмиз ол’. Нааман онларын сөзүнә гулаг асыр. ‘Нааман Иордан чајына ениб једди дәфә суја баш вурур. Онун бәдәни көрпә бәдәни кими тәр-тәмиз олур’.

Нааман Елишанын јанына гајыдыб дејир: «Бах инди билдим ки, Исраилдән башга, дүнјанын һеч бир јериндә Аллаһ јохдур». О, Елишаја вәд едир ки, «артыг башга аллаһлара дејил, јалныз Рәббә [Јеһоваја] јандырма гурбанлары вә тәгдимләр ҝәтирәҹәк» (2 Падшаһлар 5:13-17).

О балаҹа гыз кими, сән дә кимәсә Јеһова вә Онун ишләри һаггында өјрәнмәјә көмәк етмәк истәрдинми? ~ Иса јер үзүндә оланда она иман едән бир ҹүзамлы деди: ‘Әҝәр истәсән, мәнә көмәк едә биләрсән’. Билирсән Иса неҹә ҹаваб верди? ~ «Истәјирәм». Јеһова Нааманы сағалтдығы кими, Иса да о адамы сағалтды (Матта 8:2, 3).

Сән Јеһованын тезликлә јени дүнја јарадаҹағыны вә инсанларын орада сағлам вә әбәди јашајаҹагларыны билирсәнми? ~ (2 Петер 3:13; Вәһј 21:3, 4). Онда, шүбһәсиз ки, сән бу ҝөзәл шејләр һагда башгаларына да данышмаг истәјирсән!

Суаллар:

○ Әсҝәрләри тәрәфиндән әсир ҝөтүрүлән балаҹа гыз Наамана неҹә көмәк етди?

○ Нәјә ҝөрә Нааман әввәлҹә Елишанын дедикләринә әмәл етмәк истәмәди, амма нә үчүн сонра фикриндән дашынды?

○ Сән бу балаҹа гыз кими олмаг истәјирсәнсә, нә етмәлисән?

○ Иса нә етмәк истәди вә нәјә ҝөрә Аллаһын јени дүнјасында һәјат ҝөзәл олаҹаг?