Тәрс адамдан дәрс ал

ҺЕЧ олуб ки, тәрслик едиб сөзә бахмамысан? ~a Ола билсин, атан, јахуд анан сәни һансыса верилишә бахмаға гојмајыб, сән исә онларын сөзүндән чыхыб хәлвәти бахмысан. Амма сонрадан сөзә бахмадығын үчүн утанмысан. Билирсән, бир дәфә Нааман адлы бир киши дә тәрслик етмишди. Ҝәл бахаг ҝөрәк, о, тәрслијиндән неҹә әл чәкди.

Ҝәл хәјалән 3000 ил бундан габагкы дөврә сәјаһәт едәк. Бу Нааман Сурија ордусунда һөрмәтли сәркәрдәдир. О, бујруглар верир, әсҝәрләр дәрһал јеринә јетирирләр. Ҝүнләрин бир ҝүнү Нааман дәһшәтли ҹүзам хәстәлијинә тутулур. Бу хәстәлик ону ејбәҹәр һала салыр вә ағры верир.

Нааманын евиндә балаҹа гуллугчу гыз вар. Бу гыз исраилли гызыдыр. Бир ҝүн гызҹығаз өз ханымына, Нааманын арвадына дејир ки, онун вәтәниндә Елиша адлы бир киши вар, о, Нааманы сағалда биләр. Нааман буну ешитҹәк тез ҝедиб Елишаны ҝөрмәк истәјир. О, өзү илә чохлу һәдијјәләр вә әсҝәрләрини ҝөтүрүб Исраил мәмләкәтинә јола дүшүр. Ҝәлиб бу өлкәјә чатанда әввәлҹә падшаһын јанына ҝедир вә ҝәлишинин мәгсәдини она данышыр.

Бу әһвалат ҝедиб чатыр Елиша пејғәмбәрә. Пејғәмбәр дә падшаһа хәбәр јоллајыр ки, Нааманы онун јанына ҝөндәрсин. Нааман ҝәлиб Елиша пејғәмбәрин евинә чатанда пејғәмбәр ону гаршыламаға чыхмыр, әвәзиндә адам ҝөндәриб Наамана билдирир ки, ҝетсин једди дәфә Иордан чајында чимсин. О дејир ки, Нааман белә етсә сағалаҹаг. Бәс, сәнҹә, Нааман нә едир? ~

Нааман бәрк һирсләнир. О тәрслијинә салыб Аллаһын пејғәмбәринә гулаг асмыр вә әсҝәрләринә дејир: «Мәҝәр өлкәмиздә чиммәк үчүн чај јохдур?» Тәрслији тутмуш Нааман чыхыб ҝетмәк истәјир, амма әсҝәрләри ону сахлајыр. Билирсән, онлар нә дејирләр? ~ «Пејғәмбәр сәнә чәтин бир иш десәјди, еләмәздин? Онда бу асан иши нијә етмирсән?»

Нааман онларын сөзүнә гулаг асыр. О, алты дәфә суја ҝириб-чыхыр, једдинҹи дәфә чыханда ҝөзләринә инанмыр — хәстәлик јох олуб, дәриси сапсағламдыр! Нааман дәрһал ҝери гајыдыб Елиша пејғәмбәрин евинә ҝедир ки, она миннәтдарлыг етсин. Елишанынса еви һәмин јердән 48 километр аралыда иди. Нааман Елиша пејғәмбәрә баһалы һәдијјәләр тәгдим едир, амма пејғәмбәр ҝөтүрмүр.

Онда Нааман Елиша пејғәмбәрдән бир хаһиш едир. Билирсән, нә? ~ О дејир ки, өзү илә апармаг үчүн ики гатыр јүкү торпаг ҝөтүрмәк истәјир. Ҝөрәсән, о, торпағы нејләјир? ~ Нааман изаһ едир ки, Аллаһа гурбан ҝәтирмәк истәјир, амма Аллаһын халгынын мәмләкәтиндән ҝәтирилмиш торпағын үстүндә. Сонра о сөз верир ки, даһа Јеһовадан башга һеч бир танрыја ситајиш етмәјәҹәк. Бәли, о, артыг тәрслијиндән әл чәкиб вә һәгиги Аллаһа табе олмаға һазырдыр.

Бәс сән Наамандан һансы дәрси ҝөтүрә биләрсән? ~ Әҝәр сәндә дә арабир тәрслик етмәк хасијјәти варса, Наамандан дәрс ҝөтүр. Бөјүкләрин сөзүнә гулаг асыб өзүнү дүзәлтмәјә чалыш.

Мүгәддәс Китабдан нөвбәти ајәләри оху

2 Падшаһлар 5:1—19

Лука 4:27

[Һашијә]