Ҝөзәтчи гүлләсинин ОНЛАЈН КИТАБХАНАСЫ
Ҝөзәтчи гүлләсинин
ОНЛАЈН КИТАБХАНАСЫ
Aзәрбајҹан (кирил әлифбасы)
Ә
  • Ғ
  • ғ
  • Ә
  • ә
  • Ј
  • ј
  • Ҝ
  • ҝ
  • Ө
  • ө
  • Ү
  • ү
  • Һ
  • һ
  • Ҹ
  • ҹ
  • МҮГӘДДӘС КИТАБ
  • НӘШРЛӘР
  • ИБАДӘТ ҜӨРҮШЛӘРИ
  • w12 15/3 с. 25—29
  • «Архадакы шејләрә» бахма

Бу сечим үчүн видео мөвҹуд дејил.

Тәәссүф едирик, видеону јүкләмәк мүмкүн олмады.

  • «Архадакы шејләрә» бахма
  • Ҝөзәтчи гүлләси 2012
  • Јарымбашлыг
  • Охшар материал
  • ӨТӘН ҜҮНЛӘРИН ҺӘСРӘТИНДӘ
  • КЕЧМИШДӘ ВЕРДИЈИМИЗ ГУРБАНЛАР
  • КЕЧМИШИМИЗИН АҸЫ ХАТИРӘЛӘРИ
  • Ҝөзләриниз дүз ҝәләҹәјә бахсын
    Ҝөзәтчи гүлләси 2020
  • Ардымҹа ҝәл. Неҹә?
    Мәсиһи һәјаты вә ибадәти. Иш дәфтәри 2018
  • Лутун арвадыны јадына сал
    Мүгәддәс Китаб дүнјасына сәјаһәт
  • Лутун арвадыны һеч вахт јадыныздан чыхармајын
    Мәсиһи һәјаты вә ибадәти. Иш дәфтәри 2018
Әлавә
Ҝөзәтчи гүлләси 2012
w12 15/3 с. 25—29

«Архадакы шејләрә» бахма

«Әлини хышын үстүнә гојуб архадакы шејләрә бахан адам Аллаһын падшаһлығына лајиг дејил» (ЛУКА 9:62).

НЕҸӘ ҸАВАБ ВЕРӘРДИН?

Нәјә ҝөрә Лутун арвадыны һеч вахт јадымыздан чыхартмамалыјыг?

Һансы үч шејә диггәт јетирмәкдән гачынмалыјыг?

Јеһованын тәшкилаты илә неҹә ајаглаша биләрик?

1. Иса һансы хәбәрдарлығы вермишди вә бу, һансы суалы доғурур?

«ЛУТУН арвадыны һеч вахт јадыныздан чыхармајын» (Лука 17:32). Тәхминән 2000 ил бундан әввәл Иса Мәсиһ тәрәфиндән верилән бу хәбәрдарлыг бизим ҝүнләрдә һәмишәкиндән даһа ваҹибдир. Иса нәјә ҝөрә бу хәбәрдарлығы верди? Онун динләјиҹиләри јәһудиләр олдуғу үчүн артыг изаһата еһтијаҹ јох иди. Онлар Лутун арвады илә нә баш вердијиндән аҝаһ идиләр. Аиләси илә Содомдан гачаркән бу гадын итаәтсизлик ҝөстәрәрәк дөнүб архаја бахды вә дуз сүтунуна чеврилди. (Јарадылыш 19:17, 26 ајәләрини оху.)

2. Нәјә ҝөрә Лутун арвады дөнүб архаја бахды вә бу, она нәјин баһасына баша ҝәлди?

2 Лутун арвадынын дөнүб архаја бахмасынын сәбәби нә иди? Бәлкә, һәмин ан шәһәрдә баш верәнләр онда мараг доғурмушду? Вә ја шәһәрин мәһв олдуғуна шүбһә едирди? Јахуд да үрәји Содомда гојдуғу шејләрин јанында галмышды? (Лука 17:31). Сәбәб нә олурса-олсун, итаәтсизлик онун һәјаты баһасына баша ҝәлди. Бир анлыг фикирләш! Бу гадын Содом вә Һоморранын позғун сакинләри илә ејни ҝүндә өлдү. Буна ҝөрә дә Исанын: «Лутун арвадыны һеч вахт јадыныздан чыхармајын», — демәси тәәҹҹүблү дејил.

3. Иса бизим мәҹази мәнада ҝеријә бахмалы олмадығымызы неҹә вурғуламышды?

3 Јашадығымыз зәманә еләдир ки, мәҹази диллә десәк, бизә дөнүб архаја бахмаг олмаз. Иса бу фикри онун шаҝирди олмаг арзусунда олан, амма өнҹә аиләси илә видалашмаг истәјән бир инсанла сөһбәтиндә вурғуламышды. Иса демишди: «Әлини хышын үстүнә гојуб архадакы шејләрә бахан адам Аллаһын падшаһлығына лајиг дејил» (Лука 9:62). Исанын бу ҹавабы кобуд вә ја дүшүнҹәсиз идими? Јох, чүнки о билирди ки, бу адам онун шаҝирди олмаг мәсулијјәтиндән бојун гачырмаг үчүн садәҹә олараг бәһанә ҝәтирир. Иса онун бу иши тәхирә салмасыны «архадакы шејләрә» бахмаг кими гијмәтләндирди. Јери шумлајан адамын бир анлыға дөнүб архаја бахмасы илә хышы јерә гојуб архаја бахмасы арасында фәрг вармы? Хејр, чүнки һәр ики һалда о, ишиндән јајыныр вә бу, онун ҝөрдүјү ишин кејфијјәтинә мәнфи тәсир ҝөстәрә биләр.

4. Биз диггәтимизи нәјә ҹәмләмәлијик?

4 Биз кечмишә јох, ҝәләҹәјә бахмалыјыг. Ҝөрүн бу фикир Сүлејманын мәсәлләри 4:25 ајәсиндә неҹә ифадә олунуб: «Ҝөзләрин ирәлијә бахсын, дүппәдүз гаршына нәзәр сал».

5. Архаја бахмамаг үчүн һансы сәбәбимиз вар?

5 Бизим архаја бахмамағымыз үчүн тутарлы сәбәбимиз вар. Һансы сәбәб? «Ахыр ҝүнләрдә» јашамағымыз (2 Тим. 3:1). Тезликлә Аллаһ јалныз һансыса ики шәһәри јох, бүтүн бу пис системи јерлә јексан едәҹәк. Биз дә Лутун арвадынын агибәтинә дүчар олмамаг үчүн нәдән гачынмалыјыг? Илк өнҹә архада гојдуғумуз һансы шејләрин бизим үчүн тәлә ола биләҹәјини мүәјјән етмәлијик (2 Кор. 2:11). Ҝәлин ҝөрәк бунлар нә ола биләр вә диггәтимизи онлара ҹәмләмәмәк үчүн нә етмәлијик.

ӨТӘН ҜҮНЛӘРИН ҺӘСРӘТИНДӘ

6. Нәјә ҝөрә јаддашымыза һәмишә архаланмаг олмур?

6 «Каш ки, өтән ҝүнләрими гајтарајдылар», — дејә онларын һәсрәтини чәкмәк өзү бир тәһлүкәдир. Бу, јанлыш вә тәһриф олунмуш дүшүнҹәдир. Чүнки јаддаша һәр заман архаланмаг олмур. Биз гејри-ихтијари олараг кечмишдәки проблемләримизин ҹиддилијини азалтмаға вә ејни заманда, хош анлары шиширтмәјә мејиллијик, башга сөзлә, бизә елә ҝәлә биләр ки, әввәлләр һәр шеј әслиндә олдуғундан даһа јахшы иди. Етибарсыз јаддашымыз бизи өтән ҝүнләримизин һәсрәтини чәкмәјә вадар едә биләр. Лакин Мүгәддәс Китаб бизә хәбәрдарлыг едир: «“Нијә кечән ҝүнләр бу ҝүндән јахшы иди?” демә, чүнки вердијин суал һикмәтли суал дејил» (Ваиз 7:10). Бу ҹүр дүшүнмәк нәјә ҝөрә тәһлүкәлидир?

7-9. а) Мисирдә исраиллиләрин башына нәләр ҝәлмишди? б) Исраиллиләрин севинмәләринә сәбәб нә иди? в) Исраиллиләр нәјә ҝөрә дејинмәјә башладылар?

7 Мусанын ҝүнләриндә исраиллиләрин башына ҝәләнләри јадымыза салаг. Исраиллиләр Мисирә тәзәҹә ҝәләндә онлары гонаг кими гаршыласалар да, Јусифин өлүмүндән сонра мисирлиләр «Исраил өвладларына әзијјәт вермәк үчүн онларын үзәринә зүлмкар иш нәзарәтчиләри гојдулар» (Чых. 1:11). Фирон онларын сајыны азалтмаға ҹәһд ҝөстәрди, бу, әсил сојгырым иди (Чых. 1:15, 16, 22). Буна ҝөрә дә Јеһова Мусаја деди: «Һәгигәтән, Мән Мисирдә олан халгымын әзијјәтини ҝөрдүм, нәзарәтчиләрин әлиндән етдикләри фәрјадларыны ешитдим вә дәрдләринә нәзәр салдым» (Чых. 3:7).

8 Исраиллиләр онлары көлә едән өлкәдән азад бир халг кими чыханда кечирдикләри севинҹ һиссини бир тәсәввүр ет. Јеһова тәкәббүрлү фиронун вә халгынын үзәринә Он бәла ҝөндәрәндә бүтүн Исраил халгы Онун гүдрәтинин шаһиди олмушду. (Чыхыш 6:1, 6, 7 ајәләрини оху.) Сонда мисирлиләр нәинки исраиллиләрин ҝетмәсинә изин вердиләр, һәтта онлара гызыл-ҝүмүш верәрәк Мисирдән ҝетмәләри үчүн тәләсдирдиләр; Мүгәддәс Китабда дејилдији кими, исраиллиләр «мисирлиләри сојдулар» (Чых. 12:33—36). Һәмчинин Аллаһын халгы фирон вә онун гошунунун Гырмызы дәниздә мәһв олдугларыны ҝөрәндә дә севинирди (Чых. 14:30, 31). Бу ҹүр һәјәҹанландырыҹы һадисәләри өз ҝөзләри илә ҝөрмәк онларын иманыны мөһкәмләндирмәли иди.

9 Бу, инанылмаз ҝөрүнсә дә, мөҹүзәли гуртулушларындан чох кечмәмиш мәһз һәмин исраиллиләр шикајәт етмәјә вә дејинмәјә башладылар. Онлар нәдән наразы идиләр? Јемәкдән! Јеһованын вердији јемәји бәјәнмәјән халг ҝилејләнирди: «Мисирдә мүфтә једијимиз балыглары, хијарлары, гарпызлары, кәвәрләри, соғанлары вә сарымсаглары јадымыза салырыг. Анҹаг инди иштаһамыз күсүб; јемәјә маннадан башга бир шеј ҝөрмүрүк» (Сај. 11:5, 6). Исраиллиләрин дүшүнҹәләри о дәрәҹәдә тәһриф олунмушду ки, онлар һәтта гул олдуглары өлкәјә гајытмаг фикринә дүшдүләр! (Сај. 14:2—4). Архаја бахан исраиллиләр Јеһованын лүтфүндән мәһрум олдулар (Сај. 11:10).

10. сраиллиләрин нүмунәсиндән өзүмүз үчүн һансы ибрәт дәрси ҝөтүрә биләрик?

10 Биз бундан өзүмүз үчүн һансы ибрәт дәрси ҝөтүрүрүк? Чәтинликләр вә проблемләрлә үзләшәндә ҝәлин һеч вахт диггәтимизи кечмишдә, һәтта ола билсин, һәгигәтә ҝәлмәмишдән өнҹә һәјатымызда баш верән вә ҝөзүмүздә јахшы ҝөрүнән шејләрә ҹәмләмәјәк. Кечмишдә олан һадисәләрдән өјрәндијимиз ибрәт дәрсләри үзәриндә дүшүнмәк вә ја әзиз хатирәләри горујуб сахламаг гәбаһәт олмаса да, биз кечмишә таразлы вә реал ҝөзлә бахмалыјыг. Әкс һалда, индики вәзијјәтимиздән даһа да наразы олаҹағыг вә үрәјимиздә кечмиш һәјат тәрзимизә гајытмаг истәји баш галдыра биләр. (2 Петер 2:20—22 ајәләрини оху.)

КЕЧМИШДӘ ВЕРДИЈИМИЗ ГУРБАНЛАР

11. Бәзиләри кечмишдә вердикләри гурбанлара һансы ҝөзлә бахырлар?

11 Әфсуслар олсун ки, бәзиләри кечмишдә вердикләри гурбанлара әлдән бурахылмыш имканлар кими бахырлар. Ола билсин, сәнин вахтилә али тәһсил алмаг, ад-сан газанмаг вә ја ҝәлирли ишдә ишләмәк кими имканларын олуб, амма сән онлардан имтина етмисән. Бир чох баҹы-гардашларымыз бизнес, әјләнҹә, тәһсил вә ја идман саһәсиндә јахшы газанҹ мәнбәји олан вәзифәләриндән имтина едибләр. Бу гәрары вермәләриндән хејли вахт өтсә дә, сон һәлә ҝәлмәјиб. «Әҝәр буну етмәсәјдим, ҝөрәсән, инди һәјатым неҹә оларды?» — дејә хәјаллара далырсанмы?

12. Павел архада гојдуғу шејләрә неҹә бахырды?

12 Һәвари Павел Мәсиһин давамчысы олмаг хатиринә чох шејдән имтина етмишди (Филип. 3:4—6). Бәс о, архада гојдуғу шејләрә неҹә бахырды? О дејир: «Мәним үчүн газанҹ олан шејләри Мәсиһ уғрунда зәрәр сајдым». Нәјә ҝөрә? Павел сөзүнә давам едир: «Мән... һәр шеји Ағам Мәсиһ Иса һаггындакы мисилсиз биликлә мүгајисәдә һеч сајырам. Ағама ҝөрә бунларын һамысындан кечдим вә һәр шеји зибил һесаб едирәм. Бәли, буну Мәсиһи газанмаг... үчүн етдим»a (Филип. 3:7—9). Зибили атдыгдан сонра, санки, нәсә итирибмиш кими инсан отуруб ҝөз јашы төкмәдији кими, Павел дә архада, јәни бу дүнјада гојдуғу имканлара ҝөрә һејфсиләнмирди. Артыг бунларын онун үчүн һеч бир дәјәри јох иди.

13, 14. Биз Павелин нүмунәсини неҹә изләмәлијик?

13 Имтина етдијин имканлар барәдә фикирләр сәни раһат бурахмырса, нә етмәлисән? Павелин нүмунәсини излә. Неҹә? Һал-һазырда малик олдуғун шејләрин нә гәдәр гијмәтли олдуғуну фикирләш. Сәнин Јеһова илә чох дәјәрли мүнасибәтин вар вә нечә мүддәтдир ки, Јеһова сәни Она садиг олан бир инсан кими таныјыр (Ибр. 6:10). Бу дүнјанын тәклиф етдији һансы имканлар бизим һал-һазырда малик олдуғумуз вә ҝәләҹәкдә алаҹағымыз имканларла мүгајисә олуна биләр? (Марк 10:28—30 ајәләрини оху.)

14 Павел бизә хидмәтимизи сәдагәтлә давам етдирмәјә көмәк едәҹәк даһа бир шеји хатырладыр. О демишди: «Архада галан шејләри унудуб, ирәлидәки шејләрә ҹан атырам» (Филип. 3:13). Фикир вер ки, Павел бурада ики мәгамы вурғулајыр вә онларын һәр икиси чох ваҹибдир. Биринҹиси, биз архада гојдугларымызы унудуб дәјәрли вахт вә ҝүҹүмүзү бу кими шејләрин фикрини чәкмәјә сәрф етмәмәлијик. Икинҹиси, финиш хәттини кечмәк үзрә олан гачышҹы кими, биз диггәтимизи ҝәләҹәјә ҹәмләјәрәк ирәли ҝетмәлијик.

15. Аллаһын садиг хидмәтчиләринин нүмунәси үзәриндә дүшүнәндә биз һансы фајданы әлдә едирик?

15 Аллаһын һәм кечмишдә, һәм дә инди јашајан хидмәтчиләринин нүмунәси үзәриндә дүшүн. Онларын нүмунәси сәни тәшвиг едәҹәк ки, архада гојдугларына бојланмајасан, әксинә, даима ирәлијә доғру ҝедәсән. Мисал үчүн, әҝәр Ибраһимлә Сара отуруб-дуруб Ур шәһәри барәдә дүшүнсәјдиләр, онда «фүрсәт дүшән кими, ора гајыдардылар» (Ибр. 11:13—15). Анҹаг онлар ҝери гајытмадылар. Јахуд да Мусаны ҝөтүрәк. Һәр бир исраиллинин ајры-ајрылыгда Мисирдә гојдуғу илә мүгајисәдә онун гојуб ҝетдикләри гат-гат чох иди. Мүгәддәс Китабын һеч бир јериндә онун бу шејләрин һәсрәтини чәкдији дејилмир. Әксинә, биз охујуруг ки, «о, бир мәсһ олунмуш кими, дөздүјү тәһгирләри Мисирин бүтүн хәзинәләриндән даһа гијмәтли бир сәрвәт һесаб етди, чүнки ҝөзүнү алаҹағы мүкафатдан чәкмирди» (Ибр. 11:26).

КЕЧМИШИМИЗИН АҸЫ ХАТИРӘЛӘРИ

16. Кечмишлә бағлы хатирәләр бизә неҹә тәсир едә биләр?

16 Бәзән кечмишлә бағлы хатирәләр аҹы олур. Ола билсин, нә вахтса бурахдығымыз сәһвләр вә етдијимиз ҝүнаһлар барәдә фикирләшәндә үрәјимиздән гара ганлар ахыр (Мәз. 51:3). Јахуд да вахтилә алдығымыз ҹидди мәсләһәтә ҝөрә һәлә дә аҹыглы вә ја кәдәрлијик (Ибр. 12:11). Еләҹә дә һагсызлыглар вә ја ҝөзүмүздә һагсызлыг кими ҝөрүнән шејләр дә бизә раһатлыг вермәјә биләр (Мәз. 55:2). Һәјатымызда баш верән бу һадисәләрин уҹбатындан архаја бојланмамаг үчүн биз нә едә биләрик? Үч нүмунәјә бахаг.

17. а) Нәјә ҝөрә Павел өзүнү «мүгәддәсләрин һамысындан ән [кичији]» адландырырды? б) Мәнфи дүшүнҹәләрин Павелә һаким кәсилмәмәсинә нә көмәк етди?

17 Кечмишдәки сәһвләр. Һәвари Павел өзүнү «мүгәддәсләрин һамысындан ән [кичији]» адландырырды (Ефес. 3:8). Нә үчүн? О, сәбәбини изаһ едир: «Чүнки Аллаһын јығынҹағына зүлм етмишәм» (1 Кор. 15:9). Тәсәввүр едирсән, вахтилә тәгиб етдији инсанларла үз-үзә ҝәләндә Павел һансы һиссләри кечирирди? Анҹаг о јол вермәди ки, бу кими мәнфи дүшүнҹәләр она һаким кәсилсин. Әксинә, Павел бүтүн диггәтини лајиг олмадығы һалда Аллаһын она ҝөстәрдији хејирхаһлыға јөнәлтди (1 Тим. 1:12—16). Аллаһа олан миннәтдарлыг һисси Павели Она хидмәтини давам етдирмәјә тәшвиг едирди. Онун унутмаг истәдији шејләрин арасында кечмишдә етдији ҝүнаһлар да вар иди. Әҝәр биз дә диггәтимизи Аллаһын ҝөстәрдији мәрһәмәтә ҹәмләсәк, ҝүҹүмүзү кечмишдә етдијимиз вә дәјишә билмәдијимиз сәһвләрдән өтрү фикир чәкмәјә сәрф етмәјәҹәјик. Биз бу ҝүҹүмүзү Јеһованын ишиндә истифадә едә биләрик.

18. а) Нә вахтса алдығымыз мәсләһәтә ҝөрә һәлә дә инҹиклик һисси илә архаја бахырыгса, нә баш верә биләр? б) Мәсләһәти гәбул етмәк барәдә Сүлејманын дедији сөзләрә неҹә әмәл едә биләрик?

18 Гәлбимизи јаралајан мәсләһәтләр. Ола билсин, сән нә вахтса алдығын мәсләһәтә ҝөрә һәлә дә инҹиклик һисси илә архаја бахырсан. Бу, бизә үрәк ағрысы вермәклә јанашы, һәм дә зәифләдә биләр вә руһдан дүшмәјимизә ҝәтириб чыхарар (Ибр. 12:5). Истәр верилән мәсләһәти гулагардына вураг, истәрсә дә ону гәбул етдијимиз үчүн руһдан дүшәк, нәтиҹә ејни олараг галыр — биз мәсләһәтин бизә фајда ҝәтирмәсинә вә дүзәлиш етмәсинә имкан вермирик. Сүлејманын сөзләринә диггәт јетирмәк неҹә дә јахшы оларды! О јазыр: «Алдығын тәрбијәјә бағлан, ајрылма, ону сахла, о сәнин һәјатындыр» (Сүл. мәс. 4:13). Јол ишарәләринә риајәт едән сүрүҹү кими, ҝәлин мәсләһәтләри гәбул едиб онлары тәтбиг едәрәк ирәли ҝедәк! (Сүл. мәс. 4:26, 27; Ибраниләрә 12:12, 13 ајәләрини оху.)

19. Һабаггуг вә Јеремјанын иманыны неҹә тәглид едә биләрик?

19 Һагсызлыглар вә ја ҝөзүмүздә һагсызлыг кими ҝөрүнән шејләр. Бәзән өзүмүзү Аллаһын нәјә ҝөрә һагсызлыглара јол вердијини баша дүшмәјәрәк Она фәрјад едән Һабаггуг пејғәмбәр кими һисс едә биләрик (Һаб. 1:2, 3). «Мән јенә Рәбдә севинҹ тапаҹағам. Хиласымын Аллаһы илә шадлыгдан ҹошаҹағам!» — дејән пејғәмбәрин иманыны тәглид етмәјимиз неҹә дә ваҹибдир (Һаб. 3:18). Әҝәр биз, кечмишдә јашајан Јеремја пејғәмбәр кими, әдаләтли Аллаһ олан Јеһованы там иманла ҝөзләмәјә гәти гәрарлы олсаг, әмин ола биләрик ки, О, мүнасиб вахтда һәр шеји өз гајдасына гојаҹаг (Мәрс. 3:19—24).

20. Лутун арвадыны јадымыздан чыхартмадығымызы неҹә ҝөстәрә биләрик?

20 Биз чох мараглы бир зәманәдә јашајырыг. Һал-һазырда мөһтәшәм һадисәләр баш верир вә јахын ҝәләҹәкдә бизи бундан да мараглы һадисәләр ҝөзләјир. Һәр биримиз Јеһованын тәшкилаты илә ајаглашараг ирәли ҝетмәлијик. Ҝәлин бундан сонра да Аллаһын Кәламындакы мәсләһәтләрә диггәт јетирәрәк ҝеријә јох, ирәли бахаг. Бунунла биз ҝөстәрәҹәјик ки, Лутун арвадыны јадымыздан чыхартмамышыг.

[Һашијә]

a Бурада «имтина етмәк» кими тәрҹүмә олунан сөзүн орижинал дилдә һәмчинин «итләрин габағына атмаг», «пејин» вә «нәҹис» мәналары да вар. Мүгәддәс Китабы тәдгиг едән бир алим дејир ки, Павелин бу сөзү истифадә етмәкдә мәгсәди инсанын бирдәфәлик имтина етдији бир шеји тәсвир етмәк иди. Артыг һәмин шејин онун ҝөзүндә һеч бир дәјәри јохдур вә онда икраһ доғурур; инсан һәмин шејә бир дә гајытмаг истәмир.

    Азәрбајҹан (кирил) нәшрләри (2000—2025)
    Чыхыш
    Дахил ол
    • Aзәрбајҹан (кирил әлифбасы)
    • Пајлаш
    • Параметрләр
    • Copyright © 2025 Watch Tower Bible and Tract Society of Pennsylvania
    • Истифадә шәртләри
    • Мәхфилик гајдалары
    • Настройки конфиденциальности
    • JW.ORG
    • Дахил ол
    Пајлаш