«Лутун арвадыны һеч вахт јадыныздан чыхармајын»

Нәјә ҝөрә Лутун арвады Сәдумдан гачанда чеврилиб архаја бахды? Мүгәддәс Китабда бу барәдә һеч нә дејилмир (Јр 19:17, 26). Исанын бу хәбәрдарлыгдан габаг дедији сөзләрдән белә гәнаәтә ҝәлмәк олар ки, гадын архада гојдуғу шејләрә һејифсиләнирди (Лк 17:31, 32). Лутун арвады кими, Аллаһын рәғбәтини итирмәмәк үчүн нә едә биләрик? Јол вермәмәлијик ки, мал-мүлк бизим үчүн һәјатда һәр шејдән ваҹиб олсун (Мт 6:33). Иса өјрәдирди ки, «һәм Аллаһын, һәм дә вар-дөвләтин гулу» олмаг мүмкүн дејил (Мт 6:24). Бәс ҝөрсәк ки, мадди шејләр руһани шејләри һәјатымыздан сыхышдырыб чыхармаға башлајыр, онда нә етмәлијик? Јеһоваја дуа едәрәк дәрракә истәмәлијик ки, ҝөрәк нәдә дәјишиклик етмәлијик. Һәмчинин бу дәјишиклији едә билмәк үчүн Јеһовадан ҹәсарәт вә ҝүҹ истәмәлијик.

«ЛУТУН АРВАДЫНЫ ҺЕЧ ВАХТ ЈАДЫНЫЗДАН ЧЫХАРМАЈЫН» АДЛЫ ҮЧҺИССӘЛИ ФИЛМИ ЈАДЫНЫЗА САЛАРАГ АШАҒЫДАКЫ СУАЛЛАРА ҸАВАБ ВЕРИН:

• 

  Чох пул газанмаг арзусу Глоријанын дүшүнҹәсинә, данышығына вә һәрәкәтләринә неҹә тәсир етмишди?

• Лутун арвадындан һансы ибрәти ҝөтүрә биләрик?

• Мүгәддәс Китаб принсипләри Ҹоу илә аиләсинә неҹә көмәк етди?

• Аннанын иш јолдашлары онун руһанилијинә неҹә тәсир едирдиләр?

• Пулу һәр шејдән үстүн тутмаг тәзјигинә ујмамаг үчүн нәјә ҝөрә ҹәсарәт лазымдыр?

• Брајн вә Глорија јенидән руһани ишләрә үстүнлүк вермәк үчүн нә етдиләр?

• Бу видеода Мүгәддәс Китабдакы һансы принсипләри ҝөрә билдиниз?