Јадыныздадырмы?

«Ҝөзәтчи гүлләси»нин сон сајларыны диггәтлә охумусунузму? Елә исә ашағыдакы суаллара ҹаваб вермәјә чалышын.

Дүшүнҹәсиз данышығын «аловуну» неҹә сөндүрә биләрик?

Биз үрәјимизи јохламалыјыг. Гардашымыза тәнгиди јанашмаг әвәзинә, нә үчүн она бу ҹүр мүнасибәт ҝөстәрдијимизин сәбәбини ҝөтүр-гој етмәјәк? Бәлкә, биз ону алчалдараг өзүмүзү јүксәлтмәјә чалышырыг? Бундан әлавә, тәнгиди јанашмаг вәзијјәти даһа да ҝәрҝинләшдирир (15/8, сәһифә 21).

Јеһованын ҝүнүнүн јахынлашдығы мүддәтдә һансы һадисәләр баш верәҹәк?

«Сүлһ вә тәһлүкәсизлик» елан олунаҹаг. Милләтләр Бөјүк Бабилә һүҹум едиб ону мәһв едәҹәкләр. Аллаһын халгы һүҹума мәруз галаҹаг. Һар- Маҝедон мүһарибәсиндә Шејтан вә онун ҹинләри дибсиз үммана атылаҹаглар (15/9, сәһифә 4).

Сонун нә заман ҝәләҹәјини билмәмәјимиз бизә һансы фајданы ҝәтирир?

Дәгиг ҝүнү вә сааты билмәмәјимиз үрәјимиздә оланлары үзә чыхарыр. Бу, бизә Јеһованын үрәјини севиндирмәк имканы верир вә бизи фәдакар һәјат сүрмәјә тәшвиг едир. Аллаһа вә Онун Кәламына ҝүвәнмәјимизә көмәк едир. Бундан әлавә, бу мүддәт әрзиндә үзләшдијимиз сынаглар иманымызы сафлашдырыр (15/9, сәһифә 24, 25).

Ҹәһәннәмә инанан инсанла сөһбәт едәркән Јарадылыш 3:19 ајәсини неҹә истифадә едә биләрик?

Ајәдә Адәмин ҹәһәннәмә ҝедәҹәји јох, торпаға гајыдаҹағы дејилир (1/10, сәһифә 13).

Вәһј 1:16, 20 ајәләриндә хатырланан Исанын әлиндә тутдуғу «једди улдуз» кимләри тәмсил едир?

Онлар јығынҹаглардакы мәсһ олунмуш нәзарәтчиләри, ҝениш мәнада исә бүтүн нәзарәтчиләри тәмсил едир (15/10, сәһифә 14).

Јешаја 50:4, 5 ајәләриндә јазыланлара әсасән, Иса тәвазөкар олдуғуну ајдын шәкилдә неҹә ҝөстәрди?

Ајәдә дејилир ки, савадлыларын дилинә јијәләнән шәхс ҝери чәкилмәз. Иса тәвазөкарлыг ҝөстәрир вә Атасынын өјрәтдикләринә диггәтлә гулаг асырды. Иса сидг-үрәкдән Јеһовадан өјрәнмәјә һазыр иди, о, Јеһованын ҝүнаһлы бәшәријјәтә һәлимликлә мәрһәмәт ҝөстәрдијини диггәтлә мүшаһидә едирди (15/11, сәһифә 11).