Јеһоваја һансы бәхшиши верә биләрик?

ИСА МӘСИҺ демишди: «Вермәк алмагдан даһа чох хошбәхтлик ҝәтирир» (Һәв. 20:35). Бу сөзләр Јеһова илә мүнасибәтләримизә дә аиддир. Јеһова бизә чохлу немәтләр бәхш едиб вә онлар бизә хошбәхтлик ҝәтирир. Лакин биз Јеһоваја бәхшиш верәрәк даһа чох хошбәхтлик дуја биләрик. Бәс биз Јеһоваја һансы бәхшишләри верә биләрик? Мәсәлләр 3:9 ајәсиндә јазылыб: «Сәрвәтинлә, мәһсулунун нүбарилә Јеһованы шәрәфләндир». Бизим сәрвәтимизә вахтымыз, баҹарыгларымыз, ҝүҹүмүз вә мадди вәсаитләримиз дахилдир. Имканларымызы һагг дини дәстәкләмәјә сәрф едәндә Јеһоваја бәхшиш веририк. Бу исә нәтиҹәдә бизә бөјүк хошбәхтлик ҝәтирир.

Мадди вәсаитләримизи Јеһоваја бәхш етмәк мәсәләсинә бармагарасы јанашмамаға бизә нә көмәк едә биләр? Һәвари Булус Коринфдәки мәсиһиләрә ианә етмәк үчүн «пул ајырыб» гыраға гојмағы мәсләһәт ҝөрмүшдү (1 Кор. 16:2). Әразиниздә мөвҹуд олан ианә үсуллары һагда даһа чох мәлуматы һарадан ала биләрсиниз? Ашағыдакы чәрчивәјә бахын.

Бүтүн өлкәләрдән онлајн ианә етмәк мүмкүн дејил. Амма башга үсулларла ианә етмәк үчүн ианә сәһифәсиндә мәлумат тапа биләрсиниз. Бәзи өлкәләр үчүн һәмин сәһифәдә ианәләрлә бағлы тез-тез верилән суалларын ҹаваблары олан бир сәнәд јерләшдирилиб.