Суаллар гутусу

◼ Падшаһлыг Залына јерләшдијиндән артыг адам ҝәләндә, јығынҹағы исә бөлмәк һәлә тез олдуғундан нә етмәк олар?

Јығынҹагларын чохунда, хүсусән дә базар ҝүнләри иштирак едәнләрин сајы елә сүр’әтлә артыр ки, һамы үчүн јер чатмыр. Јени јығынҹағын јаранмасы һәмишә проблемин һәллинә хидмәт етмир. Тәҹрүбә ҝөстәрир ки, јығынҹағын тәләсик бөлүнмәси мәнфи нәтиҹәләрә ҝәтириб чыхара биләр. Ашағыда, ағсаггаллар шурасынын нәзәрдән кечирә биләҹәкләри бә’зи принсипләр гејд олунур.

Јығынҹаг бөлүнәндә, јахшы олар ки, јени тәшкил олунан һәр ики јығынҹагда 75-80 нәфәр фәал тәблиғчи олсун. Бундан әлавә, нәзарәт үзрә вәзифәләри јеринә јетирә билән кифајәт гәдәр мүвафиг гардашлар олмалыдыр. Әҝәр зал јалныз базар ҝүнләри долу олурса, онда јығынҹагла ики ачыг ҝөрүш вә ики “Ҝөзәтчи Гүлләси” өјрәнмәси кечирмәк мәсәләсини мүзакирә етмәк олар. Бу ҝөрүшләрә ҝәлмәк үчүн јығынҹағы китабөјрәнмәләрә бөлмәк олар. Һәр ики мә’рузә илә ејни гардаш чыхыш едә биләр, “Ҝөзәтчи Гүлләси”нин өјрәнмәсини исә мүхтәлиф гардашлара һәвалә етмәк јахшы оларды. Бунунла да Падшаһлыг Залынын долмасындан гачынмаг олар, ејни заманда тәблиғчиләр дә хидмәти ҝөрүшүн бүтүн бәндләриндән вә Хидмәт Мәктәбиндән фајда әлдә едәрләр. Сонрадан, јығынҹаг даһа да бөјүјәндә, јени јығынҹаг јаратмаг барәдә дүшүнмәк олар.

Әҝәр тәблиғчиләрин әксәријјәти башга шәһәрдә јашајырларса вә ҝөрүшләрә ҝәлмәк үчүн бөјүк мәсафә гәт етмәли олурларса, јахуд башга истисна вәзијјәтләр дә мөвҹуддурса, һәтта сајы јухарыда мәсләһәт ҝөрүлдүјүндән аз олса да, јәгин ки, јени јығынҹаг тәшкил етмәк мәгсәдәујғун оларды. Белә һалларда, һәмин јығынҹаға нөвбәти дәфә рајон нәзарәтчиси ҝәләндә, ағсаггаллар шурасы вәзијјәти онунла мүзакирә едә биләр.