Үзвү олдуғун китабөјрәнмәнин нәзарәтчиси илә әмәкдашлыг ет

¹ Јығынҹағын китабөјрәнмәси бизләрдән һәр биримизә бөјүк фајда ҝәтирир. Кечән ај китабөјрәнмә нәзарәтчисинин вәзифәләрини нәзәрдән кечирдик. Бәс онунла шәхсән биз неҹә әмәкдашлыг едә биләрик вә бунунла һәм өзүмүзә, һәм дә башгаларына һансы фајданы ҝәтирә биләрик?

² Китабөјрәнмәдә һәр һәфтә иштирак етмәклә. Китабөјрәнмә груплары бөјүк олмадығындан, бу ҝөрүшдә һәр бир кәсин иштирак етмәси ваҹибдир. Бу ҝөрүшдә һәр һәфтә иштирак етмәји гаршына мәгсәд гој. Һәмчинин сәнин ҝөрүшә вахтында ҝәлмәјин дә нәзарәтчи үчүн бөјүк көмәк олаҹагдыр, белә ки, бунун сајәсиндә ҝөрүш интизамлы тәрздә башланаҹагдыр (1 Кор. 14:40).

³ Инкишафетдириҹи шәрһләр. Сәнин јахшы һазырланмыш, инкишафетдириҹи шәрһләрин нәзарәтчи илә әмәкдашлыг етмәјин даһа бир үсулудур. Адәтән шәрһ верәркән јалныз бир фикрә тохунмаг јахшы олар. Бу исә башгаларыны да өз сөзләрини сөјләмәјә тәшвиг едәр. Абзасда јазылан бүтүн фикирләри тәкрар етмәјә чалышма. Өјрәниләҹәк мәгаләдә үрәјинә јатан бир шеј варса, фикирләрини башгалары илә бөлүш. Бу, мүзакирәни даһа да зәнҝинләшдирәр (1 Пет. 4:10).

⁴ Әҝәр сәнә абзаслары охумаг үстүнлүјү верилибсә, бу тапшырығы баҹардығын гәдәр јахшы јеринә јетирмәјә чалыш. Јахшы охумаг, өјрәнмәнин мүвәффәгијјәтли кечмәсинә сәбәб олур (1 Тим. 4:13).

⁵ Груп һалында шәһадәт етмәк. Чох вахт тәблиғ хидмәти үчүн ҝөрүшләр китабөјрәнмә кечирилән јерләрдә кечирилир вә сәнин бу ҝөрүшләрдә иштиракын, хош хәбәрин тәблиғ ишини тәшкил етмәкдә нәзарәтчијә көмәк едир. Бундан әлавә сән гардашларла даһа јахындан таныш олар вә онлары руһландыра биләрсән.

⁶ Тәблиғ хидмәти һаггында һесабатлар. Һәр ајын ахырында хидмәт һаггында һесабат вермәк — нәзарәтчи илә әмәкдашлыг етмәјин даһа бир үсулудур. Сән һесабатыны ја бирбаша онун өзүнә верә биләр, ја да ки, Падшаһлыг Залында һесабатлар үчүн олан гутуја сала биләрсән. Катиб бу гутуну, китабөјрәнмә нәзарәтчиләринин тәблиғчиләрдән топладыглары һесабатлары ораја атмалары үчүн истифадә едә биләр.

⁷ Сәнин китабөјрәнмәнин нәзарәтчиси илә етдијин әмәкдашлыг нәзәрдән јајынмајаҹаг. Ән әсасы исә әмин ола биләрсән ки, Јеһова ‘әкс етдирдијин руһла’ олаҹаг (Филип. 4:23, ЈД).