Јығынҹағын китабөјрәнмәсинә нә үчүн еһтијаҹ дујуруг?
1. Јығынҹағын китабөјрәнмәси неҹә јаранды?
1 Мүгәддәс Китабын Тәдгигатчылары (инди Јеһованын Шаһидләри), 1895-ҹи илдә “Шәфәг” адлы Мүгәддәс Китаб дәрнәји кими танынмаға башладылар. Онлар тәдгигат үчүн “Миниллијин шәфәги” әсәриндән истифадә едирдиләр. Сонрадан бу ҝөрүшләр Мүгәддәс Китаб өјрәнилмәси үзрә Верија дәрнәкләри адланмаға башлады (Һәв. иш. 17:11). Кичик груплардан ибарәт олан бу ҝөрүшләр ахшамлар, һамыја әлверишли олан вахтда киминсә евиндә кечирилирди. Бу груплар мүасир китабөјрәнмә групларынын башланғыҹы олду.
2. Китабөјрәнмәдә “үмуми иман васитәсилә” бир-биримизә неҹә тәсәлли верә биләрик?
2 Тәсәлли вә көмәк. Китабөјрәнмәләр мүәјјән мәгсәддән ирәли ҝәләрәк кичик групларла тәшкил едилирди ки, орада баҹы-гардашларын мүзакирәдә даһа чох иштирак етмәк имканлары олсун. Бу, “үмуми иман васитәсилә тәсәлли” тапмағымыза көмәк едир (Ром. 1:12, И–93).
3, 4. Јығынҹағын китабөјрәнмәси хидмәтимизи иҹра етмәкдә бизә неҹә көмәк едир?
3 Китабөјрәнмәнин нәзарәтчисинин мүзакирәни неҹә кечирдијини мүшаһидә етмәклә биз “һәгигәт сөзүнү доғрулугла” өјрәтмәји өјрәнирик (2 Тим. 2:15). Материалын Мүгәддәс Китаба әсасландығыны онун неҹә гејд етдијинә фикир вер. Әҝәр өјрәнилән нәшр јол верирсә, о, мүзакирәнин сонунда материалы билаваситә Мүгәддәс Китабын көмәклији илә тәкрар едә биләр. Онун нүмунәсини тәглид едәрәк, биз мәсиһчи хидмәтимизин кејфијјәтини јахшылашдыра биләрик (1 Кор. 11:1).
4 Китабөјрәнмәнин нәзарәтчиси һәфтәлик мүзакирә кечирмәкдән савајы, тәблиғ хидмәтиндә дә група нүмунә верир. О, хидмәти нәзарәтчи илә әмәкдашлыг едәрәк, тәблиғчиләрин әксәријјәти үчүн әлверишли олан вахтда тәблиғ үчүн ҝөрүшләр тәшкил едир. Китабөјрәнмәнин нәзарәтчиси групда оланларын һамысына хош хәбәри тәблиғ етмәк вә шаҝирдләр һазырламаг ишиндә мәсиһчи вәзифәсини јеринә јетирмәјә көмәк едир (Мат. 28:19, 20; 1 Кор. 9:16).
5. Китабөјрәнмәдә биз шәхсән һансы көмәји ала биләрик?
5 Китабөјрәнмәнин нәзарәтчиси групдакы тәблиғчиләрин һәр биринин руһани рифаһы үчүн гајғы ҝөстәрир. О, јығынҹаг ҝөрүшләриндә вә һәмчинин бирҝә хидмәтә ҝедән заман онлара гајғы ҝөстәрир. Гардашлара евләриндә баш чәкәрәк, онларла руһани ән’амлары бөлүшмәјә чалышыр. Биз руһани көмәјә еһтијаҹ дујдуғумуз һәр вахт сәрбәст шәкилдә китабөјрәнмәнин нәзарәтчисинә мүраҹиәт едә биләрик (Иш. 32:1, 2).
6. а) Бә’зи өлкәләрдә кичик груп шәклиндә кечирилән ҝөрүшләр гардашларымызы неҹә мөһкәмләндирирди? б) Јығынҹағын китабөјрәнмәси шәхсән сәнә һансы фајданы ҝәтирир?
6 Бир-биримизи мөһкәмләндиририк. Аллаһын халгынын фәалијјәти гадаған олунан өлкәләрдә гардашлар адәтән кичик групларла јығылырлар. Бир гардаш хатырлајыр: “Фәалијјәтимиз гадаған олунса да, имкан дүшән кими, 10-15 нәфәрдән ибарәт групларла һәфтәлик ҝөрүшләри кечирирдик. Мүгәддәс Китабын өјрәнилмәси, һабелә онлардан сонра кечирдијимиз үнсијјәт ҝөрүшләри бизә руһани ҹәһәтдән ҝүҹ верирди. Бир-биримизлә бизи нараһат едән мәсәләләри бөлүшүр, бу исә мүбаризәдә бәрабәр олдуғумузу дәрк етмәјә көмәк едирди” (1 Пет. 5:9). Ҝәлин јығынҹағын китабөјрәнмәсини там шәкилдә дәстәкләјәрәк, бир-биримизи мөһкәмләндирәк! (Ефес. 4:16).