Суаллар гутусу

◼ Јашадығымыз әразидә олан јығынҹаға ҝетмәјин һансы фајдасы вар?

Јығынҹагда руһланырыг, орада бизи “мәһәббәтә вә хејирли ишләрә” тәшвиг едирләр (Ибр. 10:24, 25). Јығынҹагда Мүгәддәс Китаб биликләри әлдә едир вә шаҝирдләр һазырламаг тапшырығыны иҹра етмәк үчүн тәҹһиз едилирик (Мат. 28:19, 20). Ҝөрүшләр бизә, сынаглара сәдагәтлә таб ҝәтирмәк үчүн ҝүҹ верир, гајғыкеш ағсаггаллар исә артан чәтинликләрин вә проблемләрин өһдәсиндән ҝәлмәкдә көмәк едирләр. Ајдындыр ки, руһани ҹәһәтдән өлмәјиб сағ галмаг үчүн јығынҹагларда иштирак етмәк олдугҹа ваҹибдир. Лакин мәһз јашадығымыз әразидә олан јығынҹаға ҝетмәјин һансыса фајдасы вармы?

Мүхтәлиф инсанлар мүхтәлиф шәраитләрдә јашајырлар вә бизим һансы јығынҹаға ҝетмәк истәјимиз ишимиздән, нәглијјатдан вә иманымыза шәрик олмајан һәјат јолдашымызын мәсиһчи ҝөрүшләринә мүнасибәтиндән асылы ола биләр. Лакин тәблиғчинин јашадығы әразидә олан јығынҹаға ҝетмәсиндә истәр руһани, истәрсә дә башга фајдалар вар. Мәсәлән, фөвгәладә вәзијјәтләрдә ағсаггаллар тәблиғчиләрин һамысы илә јубанмадан әлагә сахлаја биләрләр. “Бизим Падшаһлыг Хидмәтимиз”ин 1991-ҹи ил ијул (рус.), һәмчинин 1976-ҹы илин март (инҝ.) вә 1967-ҹы илин јанвар (инҝ.) сајларында дәрҹ олунан “Суаллар гутусу”нда диҝәр фајдалар да ајдынлашдырылыр.

Үмумијјәтлә, ҝөрүшләр евимизин јахынлығында кечирилдији үчүн бу даһа раһатдыр. Һәмчинин үнсијјәтдә олмаг вә лазым олан ишләрин гајғысына галмаг үчүн биз бу ҝөрүшләрә вахтындан әввәл ҝәлә биләр, башланғыҹ маһныда вә дуада иштирак едә биләрик. Һәгигәтлә марагланан инсанлар гоншулуғумузда јашајырса марагларыны дәстәкләмәк, онларла Мүгәддәс Китаб өјрәнмәси кечирмәк вә онлара даһа раһат олан јығынҹаға ҝетмәјә көмәк етмәк бизим үчүн асан олур.

Биз әминик ки, аилә башчылары дуада Аллаһдан рәһбәрлик истәјәрәк бүтүн амилләри өлчүб-бичиб, бу мәсәлә илә әлагәдар аиләләринин руһани вә практики рифаһы үчүн ән јахшы гәрары гәбул едәҹәкләр (1 Тим. 5:8).