Јығынҹағын китабөјрәнмәси бизә неҹә көмәк едир?
1 Һәфтә әрзиндә олан беш ҝөрүшүмүз кечирилмә тәрзи вә мәгсәдиндә бир-бириндән фәргләнир. Буна бахмајараг, онларын һамысы бизә, ‘бир-биримизи мәһәббәтә вә хејирли ишләрә неҹә тәшвиг едәҹәјимизин гајғысына галмаға’ көмәк етмәкдә ваҹибдир (Ибр. 10:24, 25). Бәс јығынҹағын китабөјрәнмәсинин өзүнәмәхсус вә фајдалы саһәләриндән бә’зиләри һансылардыр?
2 Руһани инкишафа көмәк едир. Китабөјрәнмәдә оланларын сајы, јығынҹағын диҝәр ҝөрүшләриндә иштирак едәнләрин сајындан адәтән аз олур. Бу, руһани ҹәһәтдән инкишаф етмәјимизә көмәк едән достлуг мүнасибәтләринин јаранмасыны асанлашдырыр (Сүл. мәс. 18:24). Сән өз китабөјрәнмә групундакы мәсиһчиләрин һәр биринә сәнинлә хидмәтә ҝетмәји тәклиф едәрәк, онларла таныш олмаға чалышырсанмы? Һәмчинин китабөјрәнмәдә имкан јараныр ки, китабөјрәнмәнин нәзарәтчиси групун һәр бир үзвүнүн вәзијјәти илә таныш олсун вә онлары руһландырсын (Сүл. мәс. 27:23).
3 Мүгәддәс Китабы өјрәтдијин инсаны сәнинлә китабөјрәнмәјә ҝетмәјә дә’вәт едирсәнми? Марагланан, амма бизим бөјүк ҝөрүшләрә ҝәлмәјә чәкинән инсанлар, хүсусилә дә евдә кечирилән кичик ҝөрүшдә өзләрини даһа сәрбәст һисс едә биләрләр. Китабөјрәнмәдә олан сәмими мүһит һәм ҝәнҹләрин, һәм дә јени ҝәләнләрин шәрһләр вермәсини асанлашдырыр. Бу груп кичик олдуғу үчүн шәрһләр вермәјә, бунунла да Јеһованы иззәтләндирмәјә даһа чох имканымыз јараныр (Мәз. 111:1).
4 Китабөјрәнмәләр адәтән тәблиғчиләрә мүнасиб олан јерләрдә кечирилир. Китабөјрәнмәнин кечирилдији јер һамыја јахын олмаса да, тә’јин олундуғумуз китабөјрәнмәјә ҝетмәк үчүн јығынҹағын диҝәр ҝөрүшләринә ҝетмәкдән даһа аз мәсафә тәләб олуна биләр. Китабөјрәнмәнин кечирилдији јер тәблиғ ҝөрүшү үчүн дә әлверишли јер кими истифадә едилә биләр.
5 Хидмәтә көмәк едир. Китабөјрәнмәнин нәзарәтчиси һәр бир мәсиһчинин хидмәтдә мүнтәзәм, сәмәрәли вә севинҹлә иштирак етмәсинә көмәк ҝөстәрмәк марағындадыр. Буна ҝөрә дә, о, хидмәтин мүхтәлиф нөвүндә шәхсән көмәк едәрәк, групун һәр бир үзвү илә әмәкдашлыг етмәјә сә’ј ҝөстәрир. Әҝәр хидмәтин хүсуси бир саһәсиндә, мәсәлән, тәкрар башчәкмәдә чәтинлијин варса, өз китабөјрәнмәнин нәзарәтчисинә бу барәдә мә’лумат вер. О, ејни групда олдуғун тәҹрүбәли тәблиғчиләрдән биринин сәнинлә әмәкдашлыг етмәсинин гејдинә гала биләр. Китабөјрәнмә нәзарәтчисинин ҝөрүшү апараркән ҝөзәл тә’лимвермә тәрзини диггәтлә изләмәк сајәсиндә, сәнин Мүгәддәс Китаб өјрәнмәси кечирмәк габилијјәтин тәкмилләшәҹәк (1 Кор. 4:17).
6 Јығынҹағын китабөјрәнмәси доғрудан да хејир-дуадыр! Јеһованын мәһәббәтлә тәгдим етдији бу гурулуш, јашадығымыз чәтин зәманәдә руһән мөһкәм дајанмағымыза көмәк едир (Мәз. 26:12).
[Өјрәнилмә үчүн олан суаллар]
1. Һәфтәдә кечирилән беш ҝөрүш бизә неҹә көмәк едир?
2. Китабөјрәнмәнин кичик груп олмасынын фајдасы нәдир?
3. Китабөјрәнмә Мүгәддәс Китабы өјрәнәнләрә шәрһләр вермәјә неҹә көмәк едир?
4. Китабөјрәнмә һансы саһәләр үчүн мүнасиб ола биләр?
5. Тәблиғ хидмәтиндә китабөјрәнмә нәзарәтчисиндән неҹә көмәк ала биләрик?
6. Биз нә үчүн китабөјрәнмәдән там сурәтдә фајдаланмаға чалышмалыјыг?