Башгаларына тәмиз дил өјрәтмәк
1 Јеһованын Шаһидләри — ән мүхтәлиф “милләтдән, бүтүн гәбиләләрдән, халглардан вә дилләрдән” олан инсанларын дахил олдуғу јеҝанә бејнәлхалг гардашлыгдыр (Вәһј 7:9). Бу ҝүн парчаланмагда олан дүнјада буну мө’ҹүзә адландырмаг олар. Бу бирлијә, бизә верилән “тәмиз додаг [“дил”, ЈД]” сајәсиндә наил олмушуг (Тсеф. 3:9).
2 Мө’ҹүзәли нәтиҹә. Тәмиз дил нәдир? Бу, хүсусән дә Аллаһын Падшаһлығы һаггындакы һәгигәтләри дахил етмәклә, Јеһова вә Онун нијјәтләри һаггында Мүгәддәс Китабын дүзҝүн анлајышыдыр. Исанын габагҹадан дедији кими, Аллаһын Кәламында олан һәгигәтләр јер үзүндәки каналын — “садиг вә ағыллы гул”ун васитәсилә чатдырылыр. Бунун нәтиҹәсиндә исә, “милләтләрин һәр чешид дилләриндән” олан адамлар һәгиги ибадәти гәбул едирләр (Мат. 24:45; Зәк. 8:23).
3 Тәмиз дили өјрәнмәк бир чох инсанлары, һәјатларыны Јеһованын нормаларына мүвафиг етмәјә тәшвиг едир. Онлар “бир фикирдә вә ејни рә’јдә” бирләшмәји өјрәнирләр (1 Кор. 1:10). Аллаһын тә’лими инсанларда һәмчинин дүзҝүнлүјү дә тәрбијә едир, онларын нитги, хүсусән дә башгаларына хош хәбәри чатдыранда, фајдалы вә инкишафетдириҹи олур (Тит. 2:7, 8; Ибр. 13:15). Бу ҹүр мө’ҹүзәли нәтиҹәләр Јеһоваја шәрәф ҝәтирир.
4 Мисал үчүн, бир киши хош хәбәри ешидән кими чохлу суаллар вермәјә башлады. Бүтүн суалларына ҹавабы Мүгәддәс Китабдан алды. Бу ону, Мүгәддәс Китабы һәфтәдә ики дәфә өјрәнмәјә вә ҝөрүшләрә ҝәлмәјә тәшвиг етди. Падшаһлыг Залында оланларын әксәријјәти башга иргдән олсалар да, ону неҹә меһрибанлыгла гаршыламалары кишини тәәҹҹүбләндирди. Бир гәдәр вахтдан сонра һәмин киши вә онун һәјат јолдашы һәјатларында лазыми дәјишикликләр етдиләр вә вәфтиз олундулар. Һәмин гардашын көмәји сајәсиндә, әксәријјәти онун аилә үзвләри олан 40-а јахын инсан Јеһоваја хидмәт етмәјә башлады. Зәиф олмасына бахмајараг, гардаш бу јахынларда пионер хидмәтинә башламышдыр.
5 Башгаларыны өјрәтмәк. Дүнјада баш верән һадисәләр бир чох инсанлары өз дүшүнҹәләрини јенидән јохламаға вә һәјатлары үзәриндә дүшүнмәјә тәшвиг едир. Исаја бәнзәр тәрздә биз дә бу ҹүр инсанлара көмәк етмәк истәјәрдик. Еффектли тәкрар башчәкмәләр вә Мүгәддәс Китаб өјрәнмәләри, сәмими инсанлара тәмиз дил өјрәтмәк үчүн ҝөзәл үсулдур.
6 Вахты мәһдуд олан адамлары өјрәтмәјин ән еффектли үсулу — елә гапынын ағзындаҹа гыса Мүгәддәс Китаб өјрәнмәси кечирмәкдир (км 5/02 сәһ. 1). Бу ҹүр өјрәнмә кечирмәјә ҹәһд ҝөстәрмисәнми? Тәкрар баш чәкмәјә һазырлашаркән, “Бизим Падшаһлыг Хидмәтимиз”ин 2002-ҹи ил јанвар сајынын әлавә вәрәгәсиндән һәмин адамы марагландыраҹаг тәгдимә сеч. Әлавә вәрәгәдәки бу тәгдимәләрин әксәријјәти, билаваситә “Аллаһ тәләб едир” брошүрасынын вә ја “Билик” китабынын мүзакирәсинә јол ачыр. Тәгдимәни елә мәшг елә ки, илк сөзләрдән сонра асанлыгла брошүрадакы вә ја китабдакы абзаслардан биринин мүзакирәсинә кечә биләсән. Һәмин абзасда охунмасы вә мүзакирә едилмәси мүмкүн олан бир вә ја ики Мүгәддәс Китаб ајәси сеч вә ҝәлән дәфә нөвбәти абзасы мүзакирә етмәк үчүн һансы суалы ачыг гојаҹағын һагда дүшүн.
7 Тәмиз дили өјрәнмәк Јеһованын халгына чохлу хејир-дуалар ҝәтирир. Ҝәлин бизимлә бирликдә “бир үрәклә Рәббә гуллуг етмәк үчүн һамысы Рәббин исмини чағырсынлар дејә”, башгаларына сәмими гәлбдән көмәк етмәјә давам едәк (Тсеф. 3:9).