Әҹнәбиләрә тәблиғ етмәлијик

1. Әразимиздә тәблиғ едәркән һансы имкан јараныр?

¹ Иса Мәсиһ габагҹадан демишди ки, хош хәбәр «халгларын һамысына шәһадәт олараг бүтүн дүнјада тәблиғ олунаҹагдыр». Тәблиғ вә тәлим ишиндә иштирак едән һәр бир хидмәтчи бу сөзләрин нә гәдәр ваҹиб олдуғуну дәрк едир (Мат. 24:14; 28:19, 20). Тәблиғ вә шаҝирд һазырламаг ишини иҹра едәндә башга дилдә данышан инсанларла растлаша биләрик. Јеһованын горхунҹ ҝүнү ҝәлмәздән әввәл онларын да Падшаһлыг хәбәрини ешитмәјә вә һәгигәтдән мөһкәм јапышмаға һаггы вар (Мал. 3:18). Бәс әразимиздә олан әҹнәбиләрә неҹә тәблиғ едә биләрик?

2. Башга дилдә данышан инсанлара тәблиғ едәркән Јеһованы неҹә тәглид едә биләрик?

² Јеһованын әҹнәбиләрә гаршы мүнасибәтини әкс етдир. Биз үзҝөрәнлик етмәдән саһәмиздә олан һәр кәсә гаршы Јеһованын мәһәббәтини әкс етдирмәлијик. Бунун үчүн һансы дилдә данышмаларындан асылы олмајараг, һәгиги Аллаһ Јеһованын дәгиг билијини өјрәнмәкдә инсанлара көмәк етмәји үрәкдән арзуламалыјыг (Мәз. 83:18; Һәв. иш. 10:34, 35). Диггәтимизи әсасән аид олдуғумуз јығынҹағын дилиндә данышан инсанлара јөнәлтсәк дә, башга дилдә данышанларын да тәләбатларына гаршы диггәтли олмалы вә Аллаһын Падшаһлыг хәбәрини онларла бөлүшмәјин јолларыны ахтармалыјыг. Башга дилдә данышан инсана јухарыдан ашағы бахмаг Јеһованын бүтүн халглара шәһадәтлик верилмәси илә бағлы нијјәтинә зиддир. Бәс онда бу инсанлара неҹә көмәк едә биләрик?

3. Әлимиздә һансы фајдалы вәсаит вар вә ондан истифадә етмәјә неҹә һазырлаша биләрик?

³ «Бүтүн халглардан олан инсанлар үчүн хош хәбәр» брошүрасындан истифадә ет. Бу брошүра бизимлә ејни дилдә данышмајан инсанларла гаршылашанда истифадә етмәјимиз үчүн нәзәрдә тутулуб. Ону һәмишә өзүнлә ҝөтүрүрсәнсә, бу брошүранын мүхтәлиф сәҹијјәви хүсусијјәтләри илә јахындан таныш ол вә ондан истифадә етмәјә һазыр ол. Илк нөвбәдә, әразиниздә гаршылашдығын мүхтәлиф дилләри гејд ет. Әҝәр бу дилләрдә әдәбијјат әлдә етмәк мүмкүндүрсә, брошүра васитәсилә инсанла хош хәбәри бөлүшдүкдән сонра она бир нечә әдәбијјат вермәк јахшы оларды.

4. «Бүтүн халглардан олан инсанлар үчүн хош хәбәр» брошүрасыны хидмәтдә неҹә истифадә едә биләрик?

⁴ Әҝәр хидмәтдә башга дилдә данышан инсанла гаршылашырсанса вә онун һансы дилдә данышдығыны билмирсәнсә, онда брошүранын үз габығыны она ҝөстәр. Онун һансы өлкәдән олдуғуну өјрәнмәк үчүн брошүранын үз габығынын ичәри сәһифәсинә чевир вә орада тәсвир олунан дүнјанын хәритәсини она ҝөстәр. Бу, ев саһибинә ҝөстәрәҹәк ки, сән онун һарадан олдуғуну вә һансы дилдә данышдығыны билмәк истәјирсән. Сонра исә, мүндәриҹата нәзәр сал, мүвафиг сәһифәни тап, ев саһибинин диггәтини сәһифәнин үст тәрәфиндә гара һәрфләрлә јазылмыш ҹүмләјә јөнәлт вә сонра орадакы мәлуматы охумасыны истәдијини билдир. Охујуб гуртарандан сонра ев саһибинә ја һәмин дилдә трактат вер, ја да онун диггәтини әдәбијјат ҝәтирмәк үчүн јенидән ҝәләҹәјини билдирән боз рәнҝдә олан ҹүмләјә јөнәлт. Сонра исә гара һәрфләрлә јазылмыш «мәним адым» ифадәсини ҝөстәр вә адыны ајдын шәкилдә сөјлә. «Сизин адыныз» ифадәсинә дә диггәт јетир вә ев саһибинин ҹавабыны ҝөзлә. Нөвбәти башчәкмә үчүн дәгиг гејдләр ет.

5. Һәгигәтлә сәмими марагланан әҹнәбиләрә даһа неҹә хүсуси диггәт ҝөстәрә биләрик?

⁵ Баш чәкмәк үчүн тәдбирләр ҝөр. Марагланан инсанлара Падшаһлыг хәбәрини өз ана дилләриндә чатдырмаг үчүн һәр бир үсулдан истифадә етмәлијик. Илк әввәл биз онларда Аллаһа вә Онун Кәламына, Мүгәддәс Китаба мараг ојатмалы, «Зәһмәт олмаса, бу адама баш чәк» (С-43) бланкыны долдурмалы вә бу бланкы дәрһал јығынҹағын катибинә вермәлијик ки, о да өз нөвбәсиндә, ону филиала ҝөндәрсин. Бунун сајәсиндә марагланан кәсә онун дилиндә данышан тәблиғчи баш чәкә биләр. Сонра исә филиал бланкы һәмин дилдә данышан мүвафиг група ҝөндәрәҹәк. Бу бланк һәмин група чатанда марагланан кәсә тәхирәсалынмадан баш чәкиләҹәк. Катиб бланкын бир нүсхәсини хидмәти нәзарәтчијә верә биләр ки, һәмин дил групуна аид олан марагланан кәс һаггында онун мәлуматы олсун. Бу бланкдан јалныз инсан һәгигәтән мараг ҝөстәрдији тәгдирдә истифадә едилмәлидир.

6. Һәгигәтә мараг ҝөстәрән әҹнәбиләрлә гаршылашаркән үзәримизә һансы мәсулијјәт дүшүр?

⁶ С-43 бланкы ҝөндәрилдији вахтдан марагланан адамла ејни дилдә данышан тәблиғчинин она баш чәкәҹәји вахта гәдәр мүәјјән мүддәт кечә биләр. Буна ҝөрә дә С-43 бланкыны долдуран тәблиғчи бу вахт әрзиндә онун марағыны артырмаға давам едә биләр. Бәзи һалларда марагланан кәслә Мүгәддәс Китаб өјрәнмәси кечирмәк олар. Анҹаг буну мүвафиг тәблиғчи онунла әлагә сахлајанадәк етмәк олар. Бәс тәблиғчи мараглананын ана дилиндә әдәбијјаты һарадан әлдә едә биләр?

7. Гаршылаша биләҹәјимиз дилләрдә әдәбијјат әлдә етмәјимиз үчүн һансы вәсаит вар?

⁷ Башга дилләрдә әдәбијјат. Јығынҹагларын еһтијатында башга дилләрдә олан чохлу сајда әдәбијјат олмамалыдыр. Амма бизим әразимиздә һәгигәтә мараг ҝөстәрән инсанын ана дилиндә груп вә ја јығынҹаг јохдурса, онда хидмәти нәзарәтчи тәблиғчиләрин истифадә етмәси үчүн јығынҹағын еһтијатында бу дилдә лазыми сајда әдәбијјатын олмасынын гајғысына гала биләр. Әҝәр јығынҹагда һәмин дилдә әдәбијјат јохдурса, бу заман сифариш етмәк олар. Сифариш олунан әдәбијјат ҝәләнәдәк мүәјјән вахт кечә биләр. Буна ҝөрә дә тәшкилатын рәсми сајтындан (www.wатҹһтоwер.орҝ) әдәбијјатын нүсхәсини чыхармаг олар. Орада тәблиғчиләрин вә мараглананларын истифадә едә биләҹәкләри јүзләрлә дилдә чохлу әдәбијјатлар јерләшир. Шүбһәсиз, бу вәсаитин көмәји илә мүхтәлиф дилләрдә данышан инсанларын марағыны артыраҹағыг.

8. Башга дилдә данышанын марағынын артырылмасында јығынҹаг һансы ролу ојнајыр?

⁸ Јығынҹағын ролу. Бәзи һалларда хариҹи дилдә данышан инсанларын сајынын чох олдуғу әразинин јахынлығында һәмин дилдә јығынҹаг кечирилмир. Буна ҝөрә дә һәгигәтлә марагланан әҹнәбиләри өз јығынҹағымыза дәвәт етмәлијик. Бу инсанлары сәмими гаршыламагла вә шәхсән марагланмагла онлары мүнтәзәм олараг јығынҹаг ҝөрүшләринә ҝәлмәјә тәшвиг едә биләрик. Илк әввәл дил вә мәдәнијјәт сәдди јарана биләр, лакин Јеһованын Шаһидләринин үмумдүнја тәшкилатында һәгиги мәсиһчиләрин мәһәббәтинә һеч бир сәдд мане ола билмәз (Сеф. 3:9; Јәһ. 13:35). Башга дилдә сәлис даныша билирсәнми? Ҹавабын мүсбәтдирсә вә һәмин дилдә данышанлара баш чәкә биләрсәнсә, онда бу һагда јығынҹағын катибинә хәбәр вер ки, о да өз нөвбәсиндә, мәлуматы филиала чатдыра билсин. Филиал марагланан кәслә әлагә сахлаја биләҹәк тәблиғчи ахтаранда бу мәлуматын бөјүк көмәји олаҹаг.

9. Дил өјрәнмә курслары нә вахт тәшкил олуна биләр вә буна неҹә јанашылмалыдыр?

⁹ Дилин тәдриси. Мүәјјән дилдә данышан инсана едә биләҹәјимиз ән јахшы көмәк ону өз ана дилиндә олан јығынҹагда (әҝәр јахынлыгда варса) иштирак етмәјә тәшвиг етмәкдир. Лакин бу, мүмкүн олмајанда бәзи тәблиғчиләр башга дил өјрәнмәк гәрарына ҝәлирләр, бунун да сајәсиндә марагланан кәсләрә даһа јахшы көмәк етмәк мүмкүн олур. Әҝәр јахынлыгда һансыса дилдә јығынҹаг јохдурса, һәмчинин бу дилдә данышан мүһаҹирләрин вә јерли әһалинин сајы чохдурса, онда филиал дил курслары тәшкил етмәк гәрарына ҝәлә биләр. Белә олан һалда, филиал јахынлыгда олан јығынҹаглара ҝөстәриш верә биләр ки, дил курсларынын кечириләҹәји һагда елан етсинләр. Бу курсларда иштирак едәнләр гаршыларына һәмин дилдә данышан инсанлара тәблиғ етмәк үчүн група вә ја јығынҹаға кечмәк мәгсәдини гојмалыдырлар.

10. Әҹнәбидилли груп нә вахт тәшкил олуна биләр вә гәрар неҹә верилмәлидир?

¹⁰ Групун тәшкил олунмасы. Мүәјјән дилдә груп тәшкил едәркән дөрд әсас тәләб нәзәрә алынмалыдыр. 1) Һәмин дилдә данышан инсанлар тәрәфиндән кифајәт гәдәр мараг ҝөстәрилмәлидир. 2) Тәблиғчиләрин аз бир һиссәси бу дили билмәли вә ја өјрәнмәлидир. 3) Мүнасиб ағсаггал, јахуд хидмәти көмәкчи һәфтәдә ән азы бир дәфә һәмин дилдә олан јығынҹаг ҝөрүшүнә нәзарәт етмәли вә кечирмәлидир. 4) Ағсаггаллар шурасы груп тәшкил етмәјә һазыр олмалыдыр. Бу тәләбләрә дүшүнүлмүш шәкилдә риајәт олунанда ағсаггаллар шурасы филиала груп һаггында мәлумат верир вә јығынҹағын рәсми олараг әҹнәбидилли груп тәшкил етмәси үчүн иҹазә алырлар. («Тәшкил олунмушуг» китабынын 106, 107-ҹи сәһифәләринә (рус.) бах.) Ағсаггал вә ја хидмәти көмәкчи нәзарәт етмәлидир ки, груп нәзарәтчиси вә ја хидмәтчиси групун гајғысына галмаг ишинә мәсулијјәтлә јанашсын.

11. Әразимиздәки әҹнәбиләрә тәблиғ етмәк нәјә ҝөрә бу гәдәр шәрәфлидир?

¹¹ Әразимиздә олан әҹнәбиләрә тәблиғ етмәк нүмунәмиз олан Иса Мәсиһин башладығы вә һал-һазырда бүтүн дүнјада һәјата кечирилән тәблиғ ишинин ваҹиб һиссәсидир. Ҝәлин бизә дүшән иши сәјлә јеринә јетирмәклә јанашы, Јеһованын милләтләри неҹә силкәләдијинә вә көнүллү олараг Өзүнә ҹәлб етдијинә бахаг (Һаг. 2:7). Бу ишдә һәмиманлыларымызла там шәкилдә әмәкдашлыг етмәк неҹә дә мәмнунедиҹидир! Гој Јеһова јығынҹағымызын әразисиндә олан әҹнәбиләрә тәблиғ етмәк үчүн ҝөстәрдијимиз бирҝә сәјләри хејир-дуаландырсын! Ҝәлин һәмишә јадда сахлајаг ки, дилдә олан сәддләрә рәғмән, Аллаһ һәгигәти инсанларын үрәјиндә бөјүдә биләр (1 Кор. 3:6-9).