Јеһованы бирликдә иззәтләндиририк
1. Конгресин мөвзусу нәдир вә Јеһова иззәтимизә нәјә ҝөрә лајигдир?
1 Јеһова бөјүк гүдрәтә, дәркедилмәз һикмәтә, мүкәммәл әдаләтә саһибдир вә О, мәһәббәтин тәҹәссүмүдүр. Јарадан, Һәјатверән, Каинатын Али Һөкмдары олдуғу үчүн, јалныз О, бизим иззәтимизә лајигдир (Мәз. 36:9; Вәһј 4:11; 15:3, 4). Бу јај кечириләҹәк “Аллаһа иззәт верин” адлы вилајәт конгреси, Јеһованы јеганә һәгиги Аллаһ кими иззәтләндирмәк гәтијәтимизи мөһкәмләндирәҹәк (Мәз. 86:8-10).
2, 3. Јахшы планлашдырмаг програмдан там фајдаланмағымыза неҹә көмәк едәҹәк?
2 Јахшы планлашдырмаг лазымдыр. Јеһованын бизим үчүн һазырладығы руһани зијафәтдән там ләззәт ала биләк дејә, јахшы планлашдырмаг ваҹибдир (Ефес. 5:15, 16). Конгресә неҹә ҝедәҹәјинә вә һарада јашајаҹағына даир бүтүн мәсәләләри һәлл етмисәнми? Иш јериндән вә ја дәрсләриндән иҹазә алмысанмы? Бу ваҹиб мәсәләләрин һәллини тә’хирә салма. Әкс тәгдирдә, иҹазә алмаг ҝеҹ ола биләр вә сән ҝөзәл руһани зијафәтин бир һиссәсини бурахмалы оларсан. Бизим һамымыз програмын һәр бир һиссәсиндә иштирак етмәлијик.
3 Конгресә һәр ҝүн габагҹадан ҝәлмәји гаршына мәгсәд гој. О заман ҝириш маһнысы башланмамыш өзүн үчүн раһат јер тапа биләҹәксән вә фикрини Мүгәддәс Китабдан верилән нәсиһәтә мәркәзләшдирәҹәксән. Конгресә ҝириш һәр ҝүн саат 8.00-дан ачыг олаҹаг. Хаһиш олунур ки, јалныз өз аилә үзвләрин вә сәнинлә ҝәләнләр үчүн јер тутасан.
4. Нәјә ҝөрә конгресә наһары һамы өзү илә ҝәтирмәлидир?
4 Фасилә заманы конгрес кечирилән јердән чыхыб гида алмаг әвәзинә, һамы наһары өзү илә ҝәтирсә даһа јахшы олар. Бу мәсләһәтә риајәт етсән, һеч һара тәләсмәзсән вә һәмиманлыларынла үнсијјәтдә олмаг үчүн даһа чох вахтын олар (Мәз. 133:1-3). Хаһиш олунур унутма ки, конгресә шүшә габлар вә спиртли ичкиләр ҝәтирмәк олмаз.
5. Конгресин програмыны динләмәк үчүн үрәјимизи неҹә мејлләндирә биләрик?
5 Динлә вә өјрән. Аллаһын Кәламыны гаврамаг үчүн Езра дуада “үрәјини һазырламышды” (Езра 7:10). О, үрәјини Јеһованын тә’лимләринә мејлләндирмишди (Сүл. мәс. 2:2). Әҝәр конгресин мөвзусунун үзәриндә дүшүнсәк вә аиләмизлә бирликдә мүзакирә етсәк, артыг евдә үрәјимизи конгресин програмыны динләмәјә мејлләндирә биләрик.
6. Диггәтимизи програма мәркәзләшдирмәкдә бизә нә көмәк едә биләр? (Чәрчивәјә бах.)
6 Конгресдә мүхтәлиф һәрәкәт вә сәсләр диггәтимизи јајындыра биләр. Әҝәр фикримизин јајынмасына јол версәк, мә’рузәчинин сөјләдикләринин бир гисмини нәзәрдән гачырар вә гијмәтли мә’луматдан мәһрум оларыг. Бу сәһифәдәки чәрчивәдә програмы диггәтлә динләмәјә көмәк едәҹәк мәсләһәтләр вар.
7, 8. Башгаларына гаршы неҹә диггәтли ола биләрик?
7 Башгаларына гаршы диггәтли ол. Башгаларына мане олмамаг үчүн, програм заманы фотоапарат вә видеокамераларла јалныз өз јериндән чәкә биләрсән. Ҹиб телефонлары вә пејҹерләр елә режимдә гурулмалыдыр ки, башгаларыны нараһат етмәсин. Һеч бир шәхси тәҹһизат конгресин електрик вә ја сәс шәбәкәсинә гошулмалы дејил.
8 Биз бирликдә топлашыб Јеһованы иззәтләндирмәк мәгамыны сәбирсизликлә ҝөзләјирик! Ҝәлин програмын бүтүн һиссәләриндә олмагла, диггәтлә динләмәклә вә өјрәндикләримизи тәтбиг етмәклә Јеһоваја иззәт вермәјә гәтијјәли олаг! (Тәс. 31:12).
[3 сәһифәдәки чәрчивә]
Програмы динләјәркән...
▪ Мә’рузәләрин ады үзәриндә дүшүн.
▪ Мүгәддәс Јазылардан ајәләри ач оху.
▪ Гыса гејдләр ет.
▪ Тәтбиг едәҹәјин мәсләһәтләри гејдә ал.
▪ Өјрәндијин шејләри тәкрарла.