Суаллар гутусу

◼ Телефон васитәсилә тәблиғ едәркән, көнүллү ианәләр барәдә хатырлатмаға дәјәрми?

Бир адама шәхсән шаһидлик етдијимиз заман, Јеһованын Шаһидләринин маарифләндирмә ишинин бүтүнлүклә көнүллү ианәләр һесабына тә’мин едилдијини вә бу ҹүр ианәләри мәмнунијјәтлә гәбул етдијимизи изаһ етмәк тамамилә јериндә олар. Лакин телефон васитәсилә тәблиғ едәркән, көнүллү ианәләр барәдә хатырлатмаға дәјмәз, чүнки јанлыш олараг елә баша дүшә биләрләр ки, биз телефон васитәсилә ианәләр топлајырыг. Јеһованын Шаһидләринин хидмәти коммерсија характери дашымыр (2 Кор. 2:17).

◼ Телефон васитәсилә тәблиғ едәркән, кимсә, Јеһованын Шаһидләринин бир даһа она зәнҝ вурмамасыны хаһиш едәрсә, нә етмәли?

Һәмин адамын арзусуну нәзәрә алмаг лазымдыр. Тәблиғчиләрин бу үнвана зәнҝ вурмамалары үчүн, һәмин адамын адыны, имтина етдији тарихи гејд етмәк вә бу мә’луматы әразинин карточкасына бәркитмәк лазымдыр. Илдә бир дәфә, бу ҹүр инсанларын сијаһысыны нәзәрдән кечирмәк лазымдыр. Бундан сонра хидмәти нәзарәтчи тәҹрүбәли, нәзакәтли тәблиғчиләрдән бу инсанлара зәнҝ вуруб, онларын фикирләринин дәјишиб-дәјишмәдијини мүәјјән етмәләрини хаһиш едәҹәк. (1994-ҹү илин јанвар ајы үчүн “Суаллар гутусу”на бах, рус.)