Тиббин ваҹиб саһәсинә ајдынлыг ҝәтирән филм
Һүгугшүнаслар вә тибб ишчиләри етик принсипләрә вә хәстәнин һүгугларына даһа чох диггәт јетирирләр. Бунун сајәсиндә Јеһованын Шаһидләри үчүн дә мүнасиб олан јени мүалиҹә үсуллары јараныб (Һәв. иш. 15:28, 29). “Тибдә гансыз мүалиҹә үсулу. Хәстәнин һүгугларыны позмадан она неҹә јардым етмәк олар?” адлы видеофилмдә дә мәһз бу үсуллар һаггында данышылыр. Бу филмә бахын вә өјрәндикләринизи нәзәрдән кечирин. (Гејд: Филмдә ҹәрраһијјә әмәлијјаты ҝөстәрилән кадрлар олдуғундан, валидејнләр филмә ушагларла бирликдә бахаркән еһтијатлы олмалыдырлар.)
1. Нәјә ҝөрә тибб саһәсиндә чалышанлар ганкөчүрмә мәсәләсини јенидән нәзәрдән кечирирләр? 2. Ган көчүрүлмәдән едилән мүрәккәб әмәлијјатлара даир үч нүмунә ҝәтирин. 3. Бүтүн дүнјада нә гәдәр һәким вә ҹәрраһлар артыг гансыз мүалиҹә үсулундан истифадә едирләр? Онлар буну нә үчүн едирләр? 4. Сонунҹу клиник тәдгигатлар ганкөчүрмәјә даир нә ҝөстәрди? 5. Ганкөчүрмәдә тәһлүкәли олан нәдир? 6. Бир чох мүтәхәссисләр ганкөчүрмәнин алтернативләри һагда һансы нәтиҹәјә ҝәлмишләр? 7. а) Ганазлығына сәбәб олан нәдир? б) Инсан бәдәни нә дәрәҹәдә ҹидди ганазлығына таб ҝәтирә биләр? ҹ) Онун өһдәсиндән неҹә ҝәлмәк олар? 8. Хәстәнин организминдә ганјаранманы неҹә тәнзимләмәк олар? 9. Ҹәрраһијјә әмәлијјаты заманы ган итирилмәсини неҹә азалтмаг олар? 10. Көрпә ушагларын мүалиҹәсиндә вә ја тә’ҹили вәзијјәтләрдә ган әвәзедиҹиләриндән истифадә етмәк олармы? 11. Кејфијјәтли мүалиҹәнин ән ваҹиб етик принсипләриндән бири һансыдыр? 12. Мәсиһчиләрин һансы алтернатив мүалиҹә үсулу илә разылашдыгларыны габагҹадан мүәјјән етмәләри нәјә ҝөрә ваҹибдир? Биз буну неҹә едә биләрик?
Мүәјјән мүалиҹә үсулу илә разылашыб-разылашмамағы хәстә өзү Мүгәддәс Китаб әсасында тәрбијә олунмуш виҹданына мүвафиг олараг гәрар гәбул едир. Сәнин вә ушагларын үчүн һансы алтернатив үсулларын мүнасиб олдуғу барәдә гәрар гәбул етмисәнми? Әҝәр сәнин аиләндә Шаһид олмајанлар варса, онлара һансы гәрарлары гәбул етдијини билдирмәк вә нәјә ҝөрә мәһз бу ҹүр гәрар гәбул етдијини изаһ етмәк лазымдыр. (“Ҝөзәтчи Гүлләси” журналынын 2000-ҹи ил 15 ијун (рус.) вә 15 октјабр сајларында “Охуҹуларын суаллары”на бах.)