Сән һәлә дә тәхирә салырсан?

Сөһбәт нәдән ҝедир? Вәфтиз олунмуш Шаһидләр үчүн нәзәрдә тутулан тибби сәнәди долдурмагдан. Сабаһ бизимлә ‘нә баш верәҹәјини билмирик’, буна ҝөрә дә, тәҹили тибби јардыма еһтијаҹ јарандыгда һансы мүалиҹә үсуллары вә тибби проседуралары гәбул едиб-етмәјәҹәјимизи габагҹадан гәрара алмалыјыг (Јаг. 4:14; Һәв. иш. 15:28, 29). «Тибдә гансыз мүалиҹә үсулу. Хәстәнин һүгугларыны позмадан она неҹә јардым етмәк олар?» адлы филмдә мәһз бу үсуллардан данышылыр. Бу филмә бахын, сонра ашағыдакы суалларын көмәји илә вә дуа едәрәк өјрәндикләринизи нәзәрдән кечирин. (Гејд: филмдә ҹәрраһијјә әмәлијјаты ҝөстәрилән кадрлар олдуғундан, валидејнләр филмә ушагларынын бахмасына иҹазә вериб-вермәјәҹәкләринә өзләри гәрар вермәлидирләр.)

1) Нәјә ҝөрә тибб саһәсиндә чалышанлар ганкөчүрмә мәсәләсини јенидән нәзәрдән кечирирләр? 2) Ган көчүрүлмәдән едилән мүрәккәб әмәлијјатлара даир үч нүмунә ҝәтирин. 3) Бүтүн дүнјада нә гәдәр һәким вә ҹәрраһ артыг гансыз мүалиҹә үсулундан истифадә едир? Онлар буну нә үчүн едирләр? 4) Сонунҹу клиник тәдгигатлар ганкөчүрмәјә даир нә ҝөстәрди? 5) Ганкөчүрмәдә тәһлүкәли олан нәдир? 6) Бир чох мүтәхәссисләр ганкөчүрмәнин алтернативләри һагда һансы нәтиҹәјә ҝәлмишләр? 7) Ганазлығына нә сәбәб олур? Инсан бәдәни нә дәрәҹәдә ҹидди ганазлығына таб ҝәтирә биләр? Онун өһдәсиндән неҹә ҝәлмәк олар? 8) Хәстәнин организминдә ганјаранманы неҹә стимуллашдырмаг олар? 9) Ҹәрраһијјә әмәлијјаты заманы ганитирмәни неҹә азалтмаг олар? 10) Балаҹа ушагларын мүалиҹәсиндә вә ја тәҹили вәзијјәтләрдә ган әвәзедиҹиләриндән истифадә етмәк олармы? 11) Кејфијјәтли мүалиҹәнин ән ваҹиб етик принсипләриндән бири һансыдыр? 12) Мәсиһчиләрин һансы алтернатив мүалиҹә үсулу илә разылашдыгларыны габагҹадан мүәјјән етмәләри нәјә ҝөрә ваҹибдир? Биз буну неҹә едә биләрик?

Филмдә ҝөстәрилән мүәјјән мүалиҹә үсулу илә разылашыб-разылашмамағы Мүгәддәс Китаб әсасында тәрбијә олунмуш виҹданына мүвафиг олараг хәстә өзү сечир. Сәнин вә ушагларын үчүн һансы алтернатив мүалиҹә үсулунун вә проседураларын мүнасиб олдуғу барәдә гәрар гәбул етмисәнми? Бу суалы дәриндән арашдырмаг үчүн нөвбәти мәгаләләрдән истифадә етмәк олар: «Ҝөзәтчи Гүлләси» 2004-ҹү ил 15 ијун (рус.) вә 1 феврал 2001-ҹи ил сајларында «Охуҹуларын суаллары», һәмчинин «Бизим Падшаһлыг Хидмәтимиз»ин 2006-ҹы ил нојабр сајынын әлавә вәрәгәсиндәки «Мән ганын фраксијаларына вә өз ганымдан истифадә едиләрәк апарылан тибби проседуралара неҹә јанашырам?» мәгаләси. Тибби сәнәддә ҝөстәрилән шәхсләрин вә Шаһид олмајан аилә үзвләринин сәнин гәрарын барәдә там мәлуматы олмалыдыр.