“Әбәди һәјата мејлли оланлар”а көмәк ет!
1. Бизим ҝүнләрдә Јеһова кимләри топлајыр?
1 Һәр бир инсанын фәргли әһвал-руһијјәси вә ја мејли вардыр (Мат. 12:35). Мисал үчүн, Мүгәддәс Китабда даваја мејлли оланлар һаггында хатырланыр (Мәз. 55:21). Ким исә тез гәзәбләнир (Сүл. мәс. 29:22). Лакин еләләри дә вар ки, “әбәди һәјата мејлли”дирләр (Һәв. иш. 13:48). Бизим ҝүнләрдә Јеһова мәһз белә инсанлары топлајыр (Һаг. 2:7). Биз онлара Јеһованын хидмәтчиси олмагда неҹә көмәк едә биләрик?
2. Шаҝирдләр һазырламаг тапшырығына нәләр дахилдир?
2 Инсанлара тәкрар-тәкрар баш чәк. Шаҝирдләр һазырламаг тапшырығыны јеринә јетирмәк үчүн тәкрар башчәкмәләрә дүзҝүн јанашмағымыз ваҹибдир (Мат. 28:19, 20). Инсанларын ҝөстәрдикләри марағы виҹданламы инкишаф етдиририк? Әдәбијјат ҝөтүрән вә ја хош хәбәрлә марагланан инсанларын һамысына тәкрар баш чәкирикми? Онларын руһән инкишаф етмәләринә көмәк етмәк үчүн лазыми гәдәрми гүввә сәрф едирик? Сөһбәт инсанларын һәјатындан ҝетдији үчүн биз ҝөстәрилән һәр бир марағы инкишаф етдирмәлијик.
3. Хидмәтдә киминләсә сөһбәт етдикдән сонра нә етмәк лазымдыр?
3 Марагланан инсанла сөһбәт етдикдән сонра дәрһал онун адыны вә үнваныны јаз. Мүзакирә етдијиниз мөвзуну, охудуғун Мүгәддәс Китаб ајәләрини вә сахладығын әдәбијјаты гејд ет. Инди имкан јаранан кими она тәкрар баш чәкмәк лазымдыр.
4. Тәкрар башчәкмәнин сәмәрәли олмасы үчүн нә етмәк лазымдыр?
4 Тәкрар башчәкмәни неҹә кечирмәк лазымдыр? Инсанлара тәкрар баш чәкдијин заман мүлајим, хејирхаһ олмағын вә һәмчинин һәмсөһбәтинә гаршы сәмими мараг ҝөстәрмәјин чох ваҹибдир. Чалыш ки, сөһбәтиниз садә вә Мүгәддәс Китаб әсасында олсун. Мүзакирә үчүн мараглы Мүгәддәс Китаб мөвзусу һазырла вә сөһбәтин сонунда ҝәлән дәфә мүзакирә едәҹәјиниз суала тохун. Мүмкүн гәдәр чалыш ки, диггәти һәмсөһбәтинин Мүгәддәс Китаба әсасланмајан фикирләрини тәкзиб етмәјә дејил, даһа чох сизи бирләшдирән шејләрдән данышмаға јөнәлдәсән (Колос. 4:6).
5. Бир пионер һансы сә’ји ҝөстәрди вә бунунла нәјә наил олду?
5 Тәкрар башчәкмәләр сә’ј тәләб едир, анҹаг чох вахт јахшы нәтиҹәләр верир. Јапонијада јашајан бир пионер һәр ај даһа чох тәкрар башчәкмә етмәји гаршысына мәгсәд гојмушдур. О, евдән-евә тәблиғ едәркән гаршылашдығы һәр бир кәс һаггында гејдләр апарыр вә једди ҝүн әрзиндә онлара јенидән баш чәкирди. О, нә дејәҹәкләринә јахшы һазырлашыр вә чалышырды ки, ҝәтирдији хәбәрин инсанлара лазым олдуғуна даир әминлијини горусун. Тәкрар башчәкмәләрин бириндә бир нәфәр киши илә Мүгәддәс Китаб өјрәнмәси башлады, һәмин адам белә сөзләр демишдир: “Әввәлләр мән һеч вахт сизинкиләрә гулаг асмаздым. Биринҹи дәфәдир ки, мән Јеһованын Шаһидини динләјирәм”. Пионер исрарлы олмасынын сајәсиндә бәһрәләр әлдә етди. Ајын ахырында онун һесабатында он Мүгәддәс Китаб өјрәнмәси гејд олунмушду.
6. Нәјә ҝөрә биз инсанларын јанына тәкрар-тәкрар ҝәлмәлијик?
6 Инсанларын һәјат шәраити даима дәјишир (1 Кор. 7:31). Чох вахт елә олур ки, марагланан адамы бир нечә дәфә ҹәһд ҝөстәрдикдән сонра евдә тапмаг олур. Бунунла белә, биз инсанларын јанына тәкрар-тәкрар ҝәлмәјә давам едириксә, “әбәди һәјата мејлли оланлар”ын “һәјата апаран... јол”у тапмаларына көмәк едәрик (Мат. 7:13, 14).