Һазырлашмаг — сәмәрәли тәкрар башчәкмәнин ачары

¹ Иса шаҝирдләрини ‘Сәлтәнәт Мүждәсинин’ јахшы тәблиғчиләри олмаг үчүн һәртәрәфли һазырламышды (Мат. 4:23; 9:35). Иса онлары өјрәдән заман тәблиғ иши јалныз Фәләстиндә апарылырды. Анҹаг ҝөјә галхмаздан әввәл о билдирди ки, мәсиһчи хидмәти бүтүн халглар арасындан шаҝирдләр һазырламаг үчүн ҝениш вүсәт алаҹаг (Мат. 28:19, 20).

² Һәмин иш Аллаһын Падшаһлығы һаггында хош хәбәрә мараг ҝөстәрәнләрә јенидән баш чәкмәји вә Мәсиһин әмр етдији һәр шејә әмәл етмәји өјрәтмәји өзүнә дахил едәҹәкди. Белә сәмәрәли тәкрар башчәкмәләр етмәк үчүн биздән јахшы һазырлашмаг тәләб олунур.

³ Габагҹадан планлашдыр. Бәзи тәблиғчиләр илк ҝәлишләринин ахырында суал галдырмаға чалышыр, сонра исә јенидән ҝәлиб ҹавабы арашдырмаға сөз верирләр. Онлар ҝөрмүшләр ки, тәкрар башчәкмә заманы «Мүгәддәс Китаб өјрәдир» китабына истинад етмәк сајәсиндә дәрһал Мүгәддәс Китаб өјрәнмәсинә башламаг мүмкүн олур.

⁴ Әлимиздә журналларын аз олмасы о демәк дејил ки, тәкрар баш чәкмәк үчүн нөвбәти ајын бурахылышыны ҝөзләмәк лазымдыр. Инсанын артыг алдығы журналдакы мәлуматы мүзакирә етмәклә онда мараг ојатмаг олар.

⁵ Гаршына мәгсәд гој. Тәкрар баш чәкмәздән әввәл гејдләрини нәзәрдән кечирмәк вә нә етмәк истәдијини мүәјјәнләшдирмәк үчүн бир нечә дәгигә вахт ајыр. Мәсәлән, бу, вердијин әдәбијјатдан һансыса фикри мүзакирә етмәк, јахуд әввәлки сөһбәтлә әлагәдар башга әдәбијјат вермәк ола биләр. Әҝәр кечән дәфә суал галдырмысанса, мәгсәдинә, сөзсүз ки, һәмин суала ҹаваб вермәк дә дахил олаҹаг. Һәмин фикри ачыглајан ајәдән данышаркән, чалыш ону бирбаша Мүгәддәс Китабдан охујасан.

⁶ Мәгсәдимиз. Сөзсүз ки, бизим мәгсәдимиз Мүгәддәс Китаб өјрәнмәсинә башламагдыр. Бир гардаш тәкрар башчәкмә заманы Мүгәддәс Китабы өјрәнмәји тәклиф едәндә һәмсөһбәти имтина етди. Гардаш нөвбәти дәфә журналын ахырынҹы бурахылышыны она ҝәтириб деди: «Бу ҝүн нә гәдәр ки бурадајыг, инсанлар үчүн Мүгәддәс Китаба аид бир суалын ҹавабыны ачыглајырыг». Кишинин фикрини биләндән сонра гардаш бир ајә вә Мүгәддәс Китабы өјрәнмәк үчүн истифадә едилән әдәбијјатдан мүнасиб абзас охуду. Нәтиҹәдә, мүнтәзәм кечирилән Мүгәддәс Китаб өјрәнмәси башланды.

⁷ Тәкрар башчәкмәјә һазырлашмаға вахт ајырмаға дәјәр. Бунун сајәсиндә севинҹимиз артаҹаг вә биз ‘әбәди һәјата мејлли оланлара’ көмәк едә биләҹәјик (Һәв. иш. 13:48, ЈД).

[Өјрәнилмә үчүн олан суаллар]

1. Еркән мәсиһчи хидмәти неҹә ҝениш јајылаҹагды?

2. Исанын шаҝирд һазырламаг әмрини јеринә јетирмәк өзүнә нәји дахил едир?

3. Артыг илк ҝәлишдә тәкрар башчәкмәјә неҹә јол ача биләрик?

4. Тәкрар баш чәкмәји нә үчүн журналларын нөвбәти сајыны алана кими узатмаг лазым дејил?

5. Гаршымыза мәгсәд гојмағын һансы фајдасы вар?

6. Тәкрар башчәкмә етмәкдә мәгсәдимиз нәдир?

7. Јахшы һазырлыг сәнә Мүгәддәс Китаб өјрәнмәси башламаға неҹә көмәк етмишдир?