Аллаһдан олан мүдриклик сон дәрәҹәдә дәјәрлидир
1 Бә’зиләри һесаб едирләр ки, Јеһованын Шаһидләри ҝәрәк өз гүввәләрини бәшәријјәтин ән зәрури проблемләринин һәллинә јөнәлтсинләр. Белә адамлар Мүгәддәс Китаб әсасында апардығымыз маарифләндирмә фәалијјәтинин неҹә ҝөзәл нәтиҹәләр ҝәтирдијини баша дүшмүрләр. Һәвари Павел јазырды: “Чармых барәдәки тәблиғ һәлак оланлар үчүн ағылсызлыг, хилас олан бизләр үчүн исә Аллаһын гүдрәтидир” (1 Кор. 1:18). Биз билирик ки, мәсиһчи хидмәти бу ҝүн јер үзүндә ҝөрүлән ишләрдән ән зәрурисидир.
2 Һәјаты артыг индидән јахшылашдырыр. Бәшәријјәтин проблемләрини һәлл етмәкдә инсанларын имканлары чох мәһдуддур. Мисал үчүн, ганунвериҹиләр ҝет-ҝедә артан ҹинајәткарлығын габағыны ала билмирләр. Сүлһ мүгавиләләри вә сүлһмәрамлы гүввәләр мүһарибәләрә сон гојмаға мүвәффәг олмамышлар. Иҹтимаи програмлар јохсуллуғу арадан галдырмаға гадир дејилдир (Мәз. 146:3, 4; Јер. 8:9). Бунун әксинә олараг, Падшаһлыг һаггындакы хәбәр артыг милјонларла инсанларын Аллаһа мәгбул олан јени мәнлији ҝејинмәләринә көмәк едәрәк, һәјатларыны дәјишиб (Ром. 12:2; Колос. 3:9, 10). Онлар артыг индидән өз һәјатларыны јахшылашдыра билмишләр (1 Тим. 4:8).
3 Ҝөзәл ҝәләҹәк. Аллаһдан олан мүдриклик јалныз гаршылашдығымыз проблемләрин өһдәсиндән ҝәлмәкдә јох, һәмчинин ҝәләҹәјимизи мәгсәдјөнлү планлашдырмагда да көмәк едир (Мәз. 119:105). Белә мүдриклик сајәсиндә биз дәрк едирик ки, мөвҹуд олан вәзијјәти дәјишмәк сә’ји һеч бир нәтиҹә вермәјәҹәк (Ваиз 1:15; Ром. 8:20). Биз чох севинирик ки, һәјатымызы садәҹә олараг хүлјаја бәнзәр мәгсәдләрә сәрф етмирик! Бунун әвәзинә биз бүтүн гүввәмизлә Јеһованын вә’д етдији салеһлијин өмүр сүрәҹәји “јени ҝөјләр вә јени јер ҝөзләјирик”. Јеһованын һөкм ҝүнү јахынлашдыгҹа ајдын олур ки, Аллаһдан ҝәлән мүдриклијә архалананлар дүзҝүн сечим етмишләр (2 Пет. 3:10-13; Мәз. 37:34).
4 “Бу дөврүн... мүдриклијинә” ҝүвәнәнләр һесаб едирләр ки, Аллаһдан олан мүдриклик практики дејил, лакин әслиндә бу бизим үчүн ән зәрури олан мүдрикликдир (1 Кор. 1:21; 2:6-8). Буна ҝөрә биз, јеҝанә “һикмәтли олан” Аллаһын хәбәрини бүтүн дүнјада бәјан етмәјә давам едирик (Ром. 14:26).