“Рәбби севин, еј сизләр, бүтүн садигләри”
Биз апрелин 4-дә Исанын өлүмүнүн Хатирә Ҝеҹәсини гејд едәҹәјик
1 Совет һакимијјәти дөврүндә Украјнада Дөвләт Тәһлүкәсизлик Комитәсинин әмәкдашлары Шаһидләри даима ҝүдүрдүләр, хүсусилә дә Хатирә Ҝеҹәсинин кечирилдији әрәфәдә. Онлар буну, ҝөрүшүн һарада кечириләҹәјини өјрәнмәк мәгсәди илә едирдиләр. Һакимијјәт нүмајәндәләри бајрамын тәхминән нә вахт олаҹағыны һәмишә билирдиләр, буна ҝөрә дә бу тәдбири кечирмәк үчүн мүнасиб јер тапмаг олдугҹа чәтин иди. Бәс гардашлар буна неҹә наил олурдулар? Бир дәфә бир баҹымызын евинин зирзәмисини су басды. Һакимијјәт нүмајәндәләри ҝөзләмирдиләр ки, су дизә чыхан бир јердә адамлар топлаша биләр! Гардашлар сујун үзәриндә тахта сәки дүзәлтдиләр вә таван алчаг олдуғундан әјиләрәк отурмалы олдулар. Буна бахмајараг, Хатирә Ҝеҹәсини шән кечирмәкдә онлара һеч ким мане олмады.
2 Украјнадакы гардашларымызын Исанын өз өлүм ҝүнүнүн гејд едилмәсинә даир вердији ҝөстәришә ҹәсарәтлә риајәт етмәләри, онларын Аллаһа олан мәһәббәтләринә ҝөзәл сүбутдур (Лука 22:19; 1 Јәһ. 5:3). Әҝәр биз дә һәр һансы чәтинликлә гаршылашырыгса, ҝәлин бу ҹүр нүмунәләрдән руһ јүксәклији әлдә едәк вә апрелин 4-дә Рәббин Хатирә Ҝеҹәсинә ҝәлмәјә гәти гәрарлы олаг. Бу ҹүр давранараг биз, “Рәбби севин, еј сизләр, бүтүн мө’минләри [“садигләри”, ЈД]” дејә охујан мәзмурчунун сөзләринә шәрик олдуғумузу ҝөстәрәҹәјик (Мәз. 31:23).
3 Аллаһа олан мәһәббәтләринин инкишаф етмәсиндә башгаларына көмәк ет. Аллаһа олан мәһәббәт, һәмчинин бизи тәшвиг едир ки, башгаларыны бу бајрама дә’вәт едәк. “Бизим Падшаһлыг Хидмәтимиз”ин феврал сајынын әлавә вәрәгәсиндәки мәгалә бизим һәр биримизи тәшвиг едирди ки, Хатирә Ҝеҹәсинә дә’вәт етмәк истәдијимиз адамларын сијаһысыны тутаг. Тутдуғун сијаһыдакы адамларын һәр бирини дә’вәт етмәк үчүн сә’ј ҝөстәрмисәнми? Бу һадисәнин әһәмијјәтли олдуғуну изаһ етмәк үчүн вахт ајыр. Хатирә Ҝеҹәсинин кечириләҹәји ҝүнү вә вахты хатырлат. Әҝәр мүнасибдирсә, онлара бирликдә ҝетмәји тәклиф ет. Бу, онлары ҝәлмәјә тәшвиг едә биләр.
4 Мәрасим заманы дә’вәтимизи гәбул едиб ҝәләнләри үрәкдән саламламаг үчүн хүсуси сә’ј ҝөстәр. Сән бу инсанларын Јеһоваја олан мәһәббәтләринин инкишаф етмәсиндә неҹә көмәк едә биләрсән? Онларын суалларына ҹаваб вермәјә һазыр ол. Әҝәр шәраит имкан верирсә, онлара Мүгәддәс Китаб өјрәнмәси тәклиф ет. Һәр һәфтә кечирилән јығынҹаг ҝөрүшләринә дә’вәт ет. Ағсаггаллар Хатирә Ҝеҹәсинә ҝәлән гејри-фәал тәблиғчиләрә хүсуси диггәт јетирәҹәкләр. Ағсаггаллар онларла ҝөрүш тә’јин едә биләр вә теократик фәалијјәтләрини бәрпа етмәјә тәшвиг едә биләрләр. Бу заман онлар Хатирә Ҝеҹәсиндә сөјләнилән мә’рузәдә сәсләнән фикирләрдән истифадә едә биләрләр (Ром. 5:6-8).
5 Јеһоваја олан мәһәббәтимизи ҝүҹләндиририк. Фидијә ән’амы үзәриндә дүшүнмәк Јеһоваја вә Онун Оғлуна олан мәһәббәтимизи ҝүҹләндирә биләр (2 Кор. 5:14, 15). Узун мүддәт Хатирә Ҝеҹәсинә ҝәлән бир баҹымыз демишдир: “Биз Хатирә Ҝеҹәсини сәбирсизликлә ҝөзләјирик. Бу мәрасим бизим үчүн һәр ил даһа да әзиз олур. 20 ил бундан әввәл атамын дәфни заманы дуруб, фидијә үчүн дәрин миннәтдарлыг һисси дујдуғуму хатырлајырам. О вахта кими фидијә мәним үчүн садәҹә олараг нәзәријјә иди. Мүгәддәс Јазылардакы фидијәјә аид ајәләрин һамысыны билир вә онлары чох асанлыгла изаһ едә билирдим. Лакин јалныз өлүмүн нә гәдәр дәһшәтли олдуғуну дујдугдан сонра, бу гәдәр гијмәтли олан фидијә васитәсилә наил олунаҹаг шејләрә ҝөрә гәлбим миннәтдарлыг һиссилә долду” (Јәһ. 5:28, 29).
6 Хатирә Ҝеҹәси јахынлашдыгҹа үрәјини бу мәрасимә һазырламаг үчүн вахт ајыр (2 Тарих. 19:3). “Мүгәддәс Јазылары ҝүндәлик арашдырмаг” брошүрасында вә 2004-ҹү илин тәгвиминдә ҝәтирилән Хатирә Ҝеҹәсиндән габаг Мүгәддәс Китабын охунулмасы програмы әсасында охудугларынын үзәриндә дүшүн. Бә’зиләри аиләви өјрәнмә заманы “Ән бөјүк инсан” китабынын 112-116-ҹы фәсилләрини охумағы хошлајырлар. Диҝәрләри исә садиг вә ағыллы гулун васитәсилә тәгдим олунан вәсаитләрдән истифадә едәрәк, әлавә ахтарышлар апарырлар (Мат. 24:45-47). Мәсиһин фидијә гурбанлығы үчүн бизим һәр биримиз дуада үрәкдән тәшәккүр едә биләрик (Мәз. 50:14, 23). Ҝәлин, Хатирә Ҝеҹәси дөврүндә Јеһованын бизә гаршы олан мәһәббәти үзәриндә дәриндән дүшүнәк вә бизим дә Она олан мәһәббәтимизи тәзаһүр етдирмәк үчүн имканлар ахтараг! (Марк 12:30; 1 Јәһ. 4:10).