Сәнин үчүн әһәмијјәт кәсб едән атлы гошунун һүҹуму
1, 2. Аллаһын хидмәтчиләри Вәһј 9:13-19 ајәләриндә тәсвир олунан пејғәмбәрлик рө’јасынын јеринә јетмәсиндә бу ҝүн неҹә иштирак едирләр?
1 “Алтынҹы мәләк шејпуру чалды” вә бундан сонра чохсајлы “атлы гошунлар” ҝурулту илә ирәли чыхдылар. Бу, ади гошунлар дејил. “Атларын башы... аслан башына бәнзәјир”. Онларын ағзындан од, түстү вә күкүрд чыхыр, гујруглары исә “илана бәнзәр”дир. Бу символик атлы гошун өз јолунда олан һәр шеји мәһв едир (Вәһј 9:13-19). Сән бу валеһедиҹи пејғәмбәрлик рө’јасынын иҹрасында өз ролунун нәдән ибарәт олдуғуну билирсәнми?
2 Мәсһ едилмиш галыг вә онларын һәмкарлары олан диҝәр гојунлар, бирликдә Јеһованын һөкмләри һагда бәјан едирләр. Онлар Христиан дүнјасынын руһани ҹәһәтдән өлү вәзијјәтдә олдуғуну тамамилә ифша едибләр. Ҝәлин бу пејғәмбәрлик рө’јасынын ики сәҹијјәви хүсусијјәтини нәзәрдән кечирәк. Һәмин хүсусијјәтләрдән ҝөрүнүр ки, Јеһованын Шаһидләринин хидмәтләри нәјә ҝөрә бу дәрәҹәдә тә’сирлидир.
3. Сән Аллаһын хәбәрини мәһарәтлә чатдырмаг үчүн һансы һазырлығы кечмисән?
3 Јеһованын хәбәрини инсанлара чатдырмаг үчүн өјрәдилмиш вә тәҹһиз едилмишләр. Теократик Хидмәт Мәктәбиндә вә јығынҹаг ҝөрүшләриндә Јеһованын хидмәтчиләри Онун хәбәрини инсанлара мәһарәтлә чатдырмағы өјрәнирләр. Иса Мәсиһ вә онун шаҝирдләри кими, онлар да инсанлар олан һәр бир јердә тәблиғ едәрәк лајигли оланлары ахтарыб тапмаг үчүн сә’ј ҝөстәрирләр (Мат. 10:11; Марк 1:16; Лука 4:15; Һәв. иш. 20:18-20). Мүгәддәс Китаба әсасланан бу тәблиғ үсулу өзүнүн нә гәдәр мүвәффәгијјәтли олдуғуну артыг сүбута јетирмишдир!
4. Мәһарәтлә тәблиғ етмәк үчүн бир чох тәблиғчиләр һансы вәсаитләрә маликдирләр?
4 Мәсиһчи хидмәтчиләр Аллаһын вердији хош хәбәри тәблиғ етмәк тапшырығыны јеринә јетирәрәк, милјардларла Мүгәддәс Китаб, брошүра вә журнал пајламышлар. Бу нәшрләр тәхминән 400 дилдә чап олунур. Бу нәшрләрдә мүхтәлиф мөвзулар мүзакирә олунур вә онлар ҝениш охуҹу күтләси үчүндүр. Сән бу вәсаитләри мәһарәтлә истифадә едирсәнми?
5, 6. Јеһованын Өз халгыны дәстәкләдији нәдән ҝөрүнүр?
5 Ҝөјдән ҝәлән рәһбәрлик вә дәстәк. Һәмчинин пејғәмбәрлик рө’јасындан ајдын олур ки, символик атлы гошунларын һүҹуму кими тәсвир олунан фәалијјәти Аллаһ дәстәкләјир (Вәһј 9:13-15). Үмумдүнја тәблиғ иши инсан мүдриклији вә ја ҝүҹү сајәсиндә дејил, Аллаһын руһу сајәсиндә иҹра едилир (Зәк. 4:6). Бу ишә рәһбәрлик етмәк үчүн Јеһова мәләкләрдән истифадә едир (Вәһј 14:6). Беләликлә, Јеһова јер үзүндәки хидмәтчиләри васитәсилә һәлим инсанлары Өзүнә ҹәлб едир вә һәмчинин ҝөјдән онлара лазым олан көмәк тәгдим едир (Јәһ. 6:45, 65).
6 Хош хәбәри инсанлара чатдырмаг үчүн өјрәдилмиш вә јахшы тәҹһиз едилмиш Јеһованын халгы мәләкләрин рәһбәрлији алтында фәалијјәт ҝөстәрир. Бу халг јенилмәз бир гүввә тәшкил едир. Ҝәлин даһа сонра да бу һәјәҹан доғуран пејғәмбәрлик рө’јасынын јеринә јетирилмәсиндә иштирак едәк!