Миннәтдарлығыны тәзаһүр етдир
1 “Чәтин анлар”да јашасаг да, Јеһоваја миннәтдар олмаг үчүн сәбәбләримиз чохдур (2 Тим. 3:1). Һәр шејдән өнҹә Аллаһ бизим үчүн Өз әзиз Оғлуну гурбан вериб (Јәһ. 3:16). Үстәлик, јалан динә мәхсус олан инсанлар руһани аҹлыг чәкдикләри һалда, биз бол руһани гидаја маликик (Иш. 65:13). Бундан әлавә, биз бөјүк үмумдүнја гардашлыг бирлијинин үзвләријик вә һәгиги ибадәтин һејранедиҹи сурәтдә ҝенишләнмәсиндә иштирак етмәк шәрәфинә лајиг ҝөрүлмүшүк (Иш. 2:3, 4; 60:4-10, 22). Јеһованын бизим үзәримизә јағдырдығы хејир-дуалара ҝөрә миннәтдарлығымызы неҹә ҝөстәрә биләрик? (Колос. 3:15, 17).
2 Севинҹлә бүтүн үрәкдән едилән хидмәт. Мадди ианәләр һаггында данышаркән һәвари Павел јазмышдыр: “Аллаһ ҝүләр үзлә верәни севир” (2 Кор. 9:7). Бу принсип бизим Аллаһа хидмәтимизә дә тәтбиг едиләндир. Јеһоваја миннәтдарлығымызы шөвгүмүзлә, мәсиһчи ҝөрүшләринә севинҹлә јанашмағымызла, тәблиғ хидмәтиндәки сә’јимизлә вә Аллаһын ирадәсини јеринә јетирмәјә һазыр олмағымызла билдиририк (Мәз. 107:21, 22; 119:14; 122:1; Ром. 12:8, 11).
3 Гәдим Исраилә верилмиш Ганунда мүәјјән гурбанлардан мәһз нә гәдәр ҝәтирмәк лазым олдуғу дејилмирди. Аллаһа иман едән һәр бир кәс ‘Рәббин вердији бәрәкәтә ҝөрә’ өз миннәтдарлығыны билдирә биләрди (Тәс. 16:16, 17). Еләҹә дә бу ҝүн, сәмими миннәтдарлыг һисси илә долу үрәјимиз бизи тәшвиг едәҹәкдир ки, биз Падшаһлығын тәблиғиндә вә шаҝирдләр һазырламаг ишиндә шәраитимизин јол вердији гәдәр чох шеј едәк. Адәтән Јеһоваја миннәтдарлығымызы билдирмәк үчүн јајда даһа чох имканларымыз олур. Бә’зи тәблиғчиләр ҝүнүн узанмасындан вә мә’зунијјәт, јахуд мәктәб тә’тилиндән истифадә едәрәк даһа чох хидмәт етмәјә чалышырлар. Бә’зиләри һәтта көмәкчи пионер кими дә хидмәт едирләр. Бу јај сән өз хидмәтини ҝенишләндирә биләрсәнми?
4 Миннәтдарлыгла долуб дашараг. Адәтән Јеһоваја миннәтдарлығымызы дуада ифадә едирик (1 Салон. 5:17, 18). Аллаһын Кәламы бизи миннәтдарлыгла ‘иманда мөһкәмләнмәјә’ чағырыр (Кол. 2:7). Һәддиндән чох мәшғул олсаг да, јахуд чәтин вәзијјәтләрә дүшсәк дә биз ҝәрәк һәмишә ҝүндәлик дуаларымызда миннәтдарлығымызы билдирәк (Филип. 4:6). Беләликлә, ҝәлин хидмәтимиздә дә, дуаларымызда да ‘Аллаһа етдијимиз шүкүрләр васитәсилә зәнҝинләшәк’ (2 Кор. 9:12).