Суаллар гутусу
◼ Һәмиманлылар арасында шәхси әшјалары, мәсәлән, тибби хидмәт вә ја мәсләһәтләр тәгдим едән әшјалары јајмаг мүнасибдирми?
Һәвари Павел јазмышдыр ки, јығынҹаг — “һәгигәтин дирәји вә әсасы”дыр (1 Тим. 3:15). Јығынҹаг, истәр Падшаһлыг Залында хүсуси тәшкил едилмиш ҝөрүшләрдә, истәрсә дә башга јердә, дәрҹ едилмиш шәкилдә, јахуд аудио вә видео касетләрдә шәхси материаллары јајмаг јери дејил.
“Ҝөзәтчи Гүлләси” вә “Ојанын!” журналларында мүхтәлиф хәстәликләрә вә ган һаггында Аллаһын ганунуна риајәт етмәјә даир јахшы мәгаләләр дәрҹ олунур. Орада һәмчинин мүхтәлиф фобија, депрессија вә диҝәр емосионал проблемләрә һәср олунан Мүгәддәс Јазылара әсасланан мәгаләләр дәрҹ едилир. Бу мәгаләләр охуҹунун нәзәринә садәҹә информасија чатдырыр. Лакин һеч бир диагноз вә мүалиҹә методларыны реклам етмир, һәкимләрин, мәсләһәтчиләрин, јахуд тибби мәркәзләрин хидмәтләрини тәклиф етмир, белә ки, бу кими мәсәләләрә даир хәстә өзү бир гәрара ҝәлмәлидир (Бах. ҝ02 8. 4. с. 21, һашијә, рус.).
Јеһованын Шаһидләри кифајәт гәдәр чохалыблар, буна ҝөрә дә бә’зиләри, о ҹүмләдән бизим гардашларымыз да, тиҹарәтләрини ҝенишләндирмәк, јахуд өз бахышларыны јајмаг мәгсәдилә Шаһидләр үчүн хүсуси нәзәрдә тутулан мәгаләләр, брошүралар вә касетләр бурахырлар. Бу материаллар актуал вә мараглы ола биләр, лакин онлары нәјә ҝөрә јајдыгларынын сәбәби үзәриндә дүшүнмәјә дәјәр. Јени мүштәри вә сифаришчи тапмаг үчүн. Һәмин материаллар пул газанмаг нијјәтилә јајылмаса да, онларда, Мүгәддәс Китабдан ситатлар ҝәтириләрәк, теократик дил илә ифадә едилмиш олса да, киминсә шәхси рә’ји ола биләр. Бу материалын Јеһованын Шаһиди тәрәфиндән һазырланыб-һазырланмамасы бир о гәдәр дә ваҹиб дејил, садәҹә белә бахышлар ағсаггалын вердији Мүгәддәс Китаб рәһбәрлијинә дејил, чох вахт фәлсәфәјә вә ја бу дүнјанын принсипләринә әсасланыр (Колос. 2:8; 1 Тим. 6:20).
Баҹы-гардашларын ән јахшы нијјәтләрдән ирәли ҝәләрәк бир-бирләринә бу ҹүр шәхси әшјалары вермәләри уҹбатындан чох вахт проблемләр вә анлашылмазлыг јаранырды. Бизим һәр биримизә, хүсусилә дә “садиг вә ағыллы гул” илә әмәкдашлыг едән ағсаггаллара вә рәһбәрлик ахтаранлара буна бәнзәр проблемләрдән гачынмаг лазымдыр (Мат. 24:45). Биз гардашлар арасында бу ҹүр материаллары јајараг, киминсә тиҹарәтинин, идејаларынын, јахуд бахышларынын инкишаф етмәсинә көмәк етмәли дејилик (Бах. w94 15. 12. с. 18, рус.; км 07.00 с. 1, рус.).