Мүгәддәс Китабдан мәһарәтлә истифадә ет

1. Тәблиғ хидмәтинә неҹә һазырлаша биләрсән?

¹ Хидмәтдә һансы әдәбијјаты тәклиф етмәјимиздән асылы олмајараг, гулаг асан инсанларла бөлүшмәк үчүн Мүгәддәс Китабдан дүшүнмәјә тәшвиг едән ајәни әввәлҹәдән сечмәк фајдалыдыр (Ибр. 4:12). Ајәни тәклиф етдијимиз әдәбијјатдан сечмәк олар. Бу, нәзәрдә тутдуғумуз әдәбијјата диггәти даһа еффектив јөнәлтмәјә көмәк едә биләр. Бә’зи әразиләрдә тәблиғчиләр инсанлара јахынлашанда, јахуд евдән-евә тәблиғ едәндә, Мүгәддәс Китабы әлләриндә тутмағын фајдалы олдуғуну ашкар едибләр.

2. а) Тәгдимәни Мүгәддәс Китаб ајәси илә неҹә башламаг олар? б) Сизин әразидә јашајан инсанлары һансы Мүгәддәс Китаб мөвзулары марагландырыр?

² Мүгәддәс Китаб ајәси илә башла. Бә’зи тәблиғчиләр башланғыҹда ев саһибинә Мүгәддәс Китаб ајәсинә әсасланан садә суал верирләр. Сонра исә һәмин ајәни охујурлар. Онда инсанын диггәти дәрһал Аллаһын Кәламына јөнәлир. Еһтимал ки, нөвбәти тәгдимәләрдән бә’зиләри сизин әразиниздә еффектив ола биләр.

◼ “Әҝәр сизин имканыныз олсајды, бу ҹүр дәјишикликләр едәрдинизми?” (Вәһј 21:4 ајәсини оху.)

◼ “Биз нә үчүн белә чәтин анларда јашајырыг?” (2 Тимотејә 3:1-5 ајәләрини оху.)

◼ “Әҝәр һәр кәс бу мәсләһәтә риајәт етсәјди, сизҹә јашадығымыз дүнја јахшылашардымы?” (Матта 7:12 ајәсини оху.)

◼ “Неҹә дүшүнүрсүнүз, бизим ушагларымыз бурада тәсвир олунан шәраитләрдә јашајаҹаглармы?” (Мәзмурлар 37:10, 11 ајәләрини оху.)

◼ “Неҹә дүшүнүрсүнүз, бу сөзләрин јеринә јетәҹәји бир вахт һачанса ҝәләҹәкми?” (Ишаја 33:24 ајәсини оху.)

◼ “Мүгәддәс Китаба әсасән, тезликлә јени һөкумәт олаҹағыны нә вахтса ешитмисинизми?” (Даниел 2:44 ајәсини оху.)

◼ “Сиз бу суалы Аллаһа вермәк истәјәрдинизми?” (Ејуб 21:7 ајәсини оху.)

◼ “Өлән әзизләримизи јенидән ҝөрмәк мүмкүндүрмү?” (Јәһја 5:28, 29 ајәләрини оху.)

◼ “Өлүләр дириләрин нә етдикләрини билирләрми?” (Ваиз 9:5 ајәсини оху.)

3. Мүгәддәс Китаб ајәләрини инсанлар баша дүшсүн дејә, биз онлара неҹә көмәк едә биләрик?

³ Асан баша дүшүлән тәрздә изаһ ет. Инсан сөһбәт етмәјә һазырдырса, тәләсмә, охудуғун ајәни баша дүшсүн дејә ону изаһ етмәјә, мүнасиб нүмунә ҝәтирмәјә вә неҹә тәтбиг етмәк лазым олдуғуну ҝөстәрмәјә чалыш (Неһ. 8:8). Инсанлар Аллаһын Кәламынын өјрәтдикләрини баша дүшүб гәбул едәндә, бу, онларын һәјатында мө’ҹүзәли дәјишикликләрә сәбәб ола биләр (1 Салон. 2:13).

4. Тәкрар башчәкмә заманы биз Мүгәддәс Китабдан мәһарәтлә неҹә истифадә едә биләрик?

⁴ Инсанын марағыны артырмаг үчүн Мүгәддәс Китабдан даһа јахшы истифадә етмәјә давам ет. Тәкрар баш чәкәркән сән бу үсуллардан истифадә едә биләрсән: 1) Мүгәддәс Китабдан мүвафиг ајә сеч. 2) Бу ајәјә әсасланан мөвзуја даир һәмсөһбәтинин нөгтеји-нәзәрини соруш. Сонра ајәни оху. 3) Ајәни изаһ ет, ону неҹә тәтбиг етмәк лазым олдуғуну ҝөстәр вә мүнасиб нүмунә ҝәтир. Чалыш ки, һәр дәфә инсанын јанына ҝәләндә о, Мүгәддәс Китабдан јени бир шеј өјрәнсин. Тезликлә Мүгәддәс Китаб өјрәнмәсинә мүвәффәг ола биләрсән.