Мүгәддәс Китабы өјрәнәнләрә руһән бөјүмәкдә көмәк едирик.
ЫЫЫ һиссә. Мүгәддәс Јазылары мәһарәтлә истифадә едирик.
1. Нәјә ҝөрә Мүгәддәс Китаб өјрәнмәси кечирәркән, һәмишә диггәти Мүгәддәс Јазылара јөнәлтмәлијик?
1 Мүгәддәс Китаб өјрәнмәси кечирмәкдә мәгсәдимиз шаҝирдләр һазырламагдыр. Биз буна, инсанларын Аллаһын Кәламындакы тә’лимләри баша дүшмәләринә, гәбул етмәләринә вә онлары һәјатларында тәтбиг етмәләринә көмәк етмәклә наил ола биләрик (Мат. 28:19, 20; 1 Салон. 2:13). Бу сәбәбдән, өјрәнмә заманы диггәт әсас е’тибарилә Мүгәддәс Јазылара јөнәлдилмәлидир. Илк нөвбәдә, Мүгәддәс Китабы өјрәнәнләрә лазыми ајәләри өз Мүгәддәс Китабларында тапмағы өјрәтмәк фајдалы оларды. Бәс онларын руһән бөјүмәсинә көмәк етмәк үчүн Мүгәддәс Јазылардан неҹә истифадә едә биләрик?
2. Һансы Мүгәддәс Китаб ајәләрини охујаҹағымызы вә мүзакирә едәҹәјимизи неҹә мүәјјән едирик?
2 Охумаг үчүн ајәләр сеч. Өјрәнмәјә һазырлашаркән ҝәтирилән һәр бир ајәнин мүзакирә олунан мөвзу илә неҹә бағлы олдуғу һагда фикирләш вә өјрәнмә заманы һансы ајәләри ачыб охујаҹағынызы вә мүзакирә едәҹәјинизи мүәјјән ет. Адәтән, е’тигадларымызын Мүгәддәс Китаба әсасландығыны ҝөстәрән ајәләр охунур. Әлавә мә’лумат верән ајәләри охумамаг да олар. Һәр өјрәнәнин еһтијаҹларыны вә шәраитини нәзәрә ал.
3. Суаллардан истифадә етмәјин фајдасы нәдәдир вә буну неҹә едә биләрик?
3 Суаллардан истифадә ет. Өјрәнән адама Мүгәддәс Китаб ајәләрини өзүн изаһ етмәк әвәзинә, гој о өзү онлары сәнә баша салсын. Ону белә етмәјә суаллардан мәһарәтлә истифадә етмәклә тәшвиг едә биләрсән. Әҝәр ајәнин мә’насы ајдындырса, сән садәҹә бу ајәнин абзасда јазыланлары неҹә тәсдиг етдијини соруша биләрсән. Диҝәр һалларда исә өјрәнән адамын дүзҝүн нәтиҹәјә ҝәлиб чыхмасы үчүн даһа конкрет суал вә ја бир сыра суаллар вермәк лазым ҝәлә биләр. Әҝәр әлавә изаһатлар лазым ҝәләрсә, буну, өјрәнән адамын ҹаваб вермәсиндән сонра етмәк олар.
4. Охудуғумуз ајәләрә нә гәдәр изаһат вермәк лазымдыр?
4 Садә даныш. Һәдәфә дүшмәк үчүн мәһарәтли охатана адәтән јалныз бир ох лазымдыр. Буна бәнзәр тәрздә мәһарәтли мүәллимин дә бир фикри гејд етмәси үчүн чох сөзә еһтијаҹы јохдур. О, мә’луматы садә, ајдын вә дәгиг шәкилдә чатдыра билир. Ајәни баша дүшмәк вә дүзҝүн изаһ етмәк үчүн вахташыры мәсиһчи нәшрләриндә ахтарышлар апармаг лазым ҝәлә биләр (2 Тим. 2:15). Лакин өјрәнмә заманы ајәләрин һамысыны һәртәрәфли изаһ етмәјә чалышма. Јалныз мүзакирә олунан мөвзуја аидијјаты олан ајәләри дахил ет.
5, 6. Өјрәнәнләрә Аллаһын Кәламыны һәјатларында тәтбиг етмәјә неҹә көмәк едә биләрик, лакин бу заман нәдән гачынмалыјыг?
5 Практики фајданы изаһ ет. Лазым ҝәләрсә, өјрәнән адама Мүгәддәс Китаб ајәләринин шәхсән она неҹә аид олдуғуну ҝөрмәсинә көмәк ет. Мәсәлән, һәлә јығынҹаға ҝәлмәјән адамла Ибраниләрә 10:24, 25 ајәләрини мүзакирә едәркән, ҝөрүшләрдән бири һагда даныша вә ону һәмән ҝөрүшә дә’вәт едә биләрсән. Лакин һеч вахт она тәзјиг ҝөстәрмә. Гој Јеһоваја мәгбул аддымлар атмаға ону Аллаһын Кәламы тәшвиг етсин (Ибр. 4:12).
6 Ҝәлин, шаҝирдләр һазырламаг тапшырығыны јеринә јетирәркән, Мүгәддәс Јазылардан мәһарәтлә истифадә етмәклә иман васитәсилә итаәткарлығын јајылмасына көмәк едәк (Ром. 14:25).