Мүгәддәс Китабы өјрәнәнләрә руһән бөјүмәкдә көмәк едирик

В һиссә. Бир мәшғәлә әрзиндә нә гәдәр материал кечмәји мүәјјән етмәјин үсулу

¹ Иса шаҝирдләринә тә’лим верәркән онларын имканларынын мәһдуд олдуғуну нәзәрә алырды вә онлара «ешитмәјә гадир олдуглары гәдәр» сөјләјирди (Марк 4:33; Јәһ. 16:12). Ејнилә бу ҝүн Аллаһын Кәламынын мүәллимләри дә бир мәшғәлә әрзиндә нә гәдәр материал кечәҹәкләрини мүәјјән етмәлидирләр. Мүзакирә олунаҹаг материалын һәҹми һәм өјрәдәнин, һәм дә өјрәнәнин габилијјәтиндән вә шәраитиндән асылыдыр.

² Мөһкәм иман ашыла. Бә’зиләринин бир дәфәјә мәнимсәјә биләҹәкләри материалы, башгалары илә ики вә ја үч мәшғәлә әрзиндә кечмәк тәләб олуна биләр. Өјрәнән адамын материалы јахшы баша дүшмәси, гыса вахт әрзиндә чох материал кечмәкдән даһа ваҹибдир. Һәр бир өјрәнәнин еһтијаҹы вар ки, Аллаһын Кәламына олан иманыны мөһкәмләндирсин (Сүл. мәс. 4:7; Ром. 12:2).

³ Өјрәнән адамын Аллаһын Кәламындан өјрәндикләрини баша дүшмәсинә вә гәбул етмәсинә көмәк етмәк үчүн һәр һәфтә она лазыми гәдәр вахт ајырмаг ваҹибдир. Материалы тез кечмәјә тәләсмә, гој һәгигәт она там фајда ҝәтирсин. Әсас фикирләрә диггәт јетирмәк вә һәмчинин Мүгәддәс Китаб тә’лимләринин әсасландығы ачар ајәләри мүзакирә етмәк үчүн кифајәт гәдәр вахт ајыр (2 Тим. 3:16, 17).

⁴ Мөвзудан јајынма. Биз материалы тезҹә кечмәкдән гачынмагла бәрабәр, һәмчинин диггәт јетирмәлијик ки, мөвзудан да кәнара чыхмајаг. Әҝәр өјрәнән адам өз шәхси нараһатчылыглары илә бөлүшмәјә мејллидирсә, онда онлары мәшғәләдән сонра мүзакирә етмәји тәклиф етмәк олар (Ваиз 3:1).

⁵ Диҝәр тәрәфдән исә бизим һәгигәтә олан шөвгүмүз мөвзудан јајынмағымыза сәбәб ола биләр (Мәз. 145:6, 7). Әлавә фикирләр вә ја һадисәләр өјрәнмәни зәнҝинләшдирә биләр. Лакин онлара чох вахт сәрф етмәмәлијик. Чүнки онлар өјрәнәнин Мүгәддәс Китабын әсас тә’лимләрини мәнимсәмәсинә мане ола биләр.

⁶ Бир мәшғәлә әрзиндә өјрәнән адамла лазыми гәдәр материал кечмәклә, она ‘Рәббин нурунда ҝәзмәјә’ көмәк етмиш оларыг (Јешаја 2:5).