Суаллар гутусу

◼ Башга өлкәләрдә еһтијаҹы олан баҹы-гардашлар үчүн етдијимиз көнүллү ианәләри һара ҝөндәрмәлијик?

Вахташыры олараг башга өлкәләрдә јашајан баҹы вә гардашларын тә’гибләр, тәбии фәлакәтләр вә ја диҝәр чәтин шәраитләр уҹбатындан мадди еһтијаҹ ичиндә олдуглары һагда ешидирик. Бә’зи гардашлар пул вәсаитләрини бирбаша белә өлкәләрдә јерләшән филиаллара ҝөндәрир вә хаһиш едирдиләр ки, пул конкрет баҹы вә ја гардаша, јығынҹаға чатдырылсын, јахуд да мүәјјән тикинти лајиһәси үчүн истифадә едилсин (2 Кор. 8:1-4).

Һәмиманлылара ҝөстәрилән бу ҹүр мәһәббәт долу гајғы тә’рифәлајигдир. Лакин чох вахт ианә верәнин дүшүндүјүндән даһа зәрури тәләбатлар ола биләр. Бә’зи һалларда исә ҝөндәрилән пул чатана гәдәр, һәмән еһтијаҹларын гајғысына артыг галынмышдыр. Әлбәттә, биз әмин ола биләрик ки, ианәчинин үмумдүнја иши, Падшаһлыг Заллары фонду вә ја тәбии фәлакәтләрин нәтиҹәләринин арадан галдырылмасы үчүн јерли филиала ҝөндәрдији пул вәсаити, онун нәзәрдә тутдуғу кими истифадә едиләҹәкдир.

Бүтүн филиалларда хидмәт едән гардашлар јахшы һазырлыг кечибләр ки, ҝөзләнилмәз һадисәләр јаранан заман дәрһал гардашларын еһтијаҹларынын гајғысына галсынлар. Һәр еһтимала гаршы филиал јаранан вәзијјәт барәдә Рәһбәрлик шурасына дәрһал хәбәр верир. Әлавә көмәк лазым ҝәлирсә, Рәһбәрлик шурасы јахынлыгда јерләшән филиаллара көмәк үчүн мүраҹиәт едә биләр, јахуд мадди јардым бирбаша мәркәзи идарәдән ҝөндәрилә биләр (2 Кор. 8:14, 15).

Буна ҝөрә дә үмумдүнја ишинә, башга өлкәләрдәки тикинти лајиһәләринә вә ја тәбии фәлакәтләрин нәтиҹәсинин арадан галдырылмасы үчүн едилән ианәләри ја бирбаша, ја да јығынҹаг васитәсилә јашадығын өлкәнин филиалына ҝөндәрмәк лазымдыр. «Садиг вә ағыллы гул» Рәһбәрлик шурасынын тә’јин етдији јерли тәшкилат васитәсилә үмумдүнја гардашлығынын еһтијаҹларынын гајғысына лазыми тәрздә галыр (Мат. 24:45-47; 1 Кор. 14:33, 40).