Һәгигәтә шәһадәт едән журналлары тәгдим един
1 «Ҝөзәтчи Гүлләси Јеһованын Падшаһлығыны е’лан едир» вә «Ојанын!» журналлары Падшаһлығын тәблиғи вә шаҝирд һазырламаг ишиндә истифадә олунан әсас аләтләр олараг галыр (Мат. 24:14; 28:19, 20). Падшаһлыг хидмәтинин мүхтәлиф саһәләриндә иштирак едәркән вахтлы-вахтында чыхан бу журналлары мүнтәзәм олараг тәгдим етмәк бизә чох хошдур.
2 Илләр кечдикҹә журналларын тәртибатында вә мәзмунунда, о ҹүмләдән онлары тәгдим етмә үсулларында дәјишикликләр едилмишдир. Бу дәјишикликләр журналларын даһа ҹәлбедиҹи вә фајдалы олмасы мәгсәдилә едилмишдир, бунун сајәсиндә дә, мүхтәлиф инсанлар ‘хилас олуб, һәгигәти дәрк едә’ билсинләр дејә, Падшаһлыг хәбәри онларын үрәјинә јол тапыр (1 Тим. 2:4).
3 2006-ҹы илин јанвар ајындан е’тибарән ајлыг нәшр кими чыхан «Ојанын!» журналыны тәгдим етмәк үчүн бир чох өлкәләрдә мүхтәлиф тәгдимәләрдән истифадә едилир. Инди биз тәблиғ хидмәтимиздә ајда ики дәфә чыхан «Ҝөзәтчи Гүлләси Јеһованын Падшаһлығыны е’лан едир» журналынын јалныз бирини белә үсулла тәгдим едәҹәјик. Азәрбајҹан дили дә дахил олмагла, бир чох дилләрдә тә’лим нәшри һәр ај, хидмәтдә тәклиф етмәк үчүн нәзәрдә тутулан күтләви нәшр исә илдә дөрд дәфә чыхаҹаг. «Бизим Падшаһлыг Хидмәтимиз»ин ахырынҹы сәһифәсиндә журналлар үчүн тәгдимәләр чап олунур. Бу тәгдимәләр адәтән журналын ҝириш мәгаләләриндән биринә әсасланыр, анҹаг инди һәрдән чохлары үчүн мараглы олаҹаг мүәјјән мәгаләләрлә дә бағлы олаҹаг. Тәгдимәнин әсасландығы мәгалә илә таныш олсаг вә ону әразимизә ујғунлашдырыб өз сөзләримизлә десәк, чап олунан тәгдимәләрдән даһа сәмәрәли истифадә едәҹәјик.
4 «Бизим Падшаһлыг Хидмәтимиз»дә һәр журнал үчүн тәгдимә чап олунса да, тамамилә башга тәгдимәдән истифадә етмәјә чәкинмә. Бунун бир сәбәби одур ки, журналдакы башга мәгалә сәнин саһән үчүн даһа мүнасиб ола биләр. Јахуд да сәнә мараглы олан мәгалә әсасында даһа јахшы тәгдимә һазырламаг гәрарына ҝәлә биләрсән.
5 Тәгдимәни неҹә һазырламаг олар? Әввәлҹә, тәгдимәни әсасландыраҹағын мәгалә илә јахындан таныш олмалысан. Ола биләр, журналы хидмәтдә тәгдим етмәздән габаг онун бүтүн мәгаләләрини охумаг сәндә һәмишә алынмыр. Анҹаг сечдијин мәгаләни шөвглә вә сәмимијјәтлә тәгдим ет. Бу исә јалныз тәгдим етдијин мә’луматла јахшы таныш олдуғун тәгдирдә мүмкүндүр.
6 Сонра мүхтәлиф вәзијјәтләрә ујғун олан ҝириш сөзләри һазырла. Сөһбәтә башламаг үчүн мәгалә илә бағлы олан мүнасиб, мараг доғуран суал вермәк олар. Инсанларын үрәјинә јол тапмагда Аллаһын Кәламынын гүввәсинә һәмишә е’тибар ет (Ибр. 4:12). Мөвзуја ујғун бир ајә сеч, амма јахшы олар ки, бу ајә тәгдимәнин әсасландығы мәгаләдә ситат ҝәтирилән вә ја истинад олунан ајәләрдән олсун. Ајәни мәгалә илә неҹә бағламаг лазым олдуғу үзәриндә дүшүн.
7 Һәр фүрсәтдә. Тәгдимәнин јахшы нәтиҹәләри олмасы үчүн ондан истифадә етмәк лазымдыр. Јығынҹагла бирликдә шәнбә ҝүнләри хидмәтдә журналлардан истифадә ет. Журналлары әввәлләр башга нәшрләримизи ҝөтүрән адамлара тәклиф ет. Мүгәддәс Китабы өјрәтдијин вә тәкрар баш чәкәркән гаршылашдығын башга адамлара һәмишә журналлар вер. Мағазаја ҝедәндә, сәјаһәт едәндә вә ја һәкимин гәбулунда нөвбәдә дуранда сөһбәт етдијин адамлара да журнал верә биләрсән. Ај әрзиндә тәгдимәни һәр дәфә истифадә етдикҹә ону јахшылашдыр.
8 «Ҝөзәтчи Гүлләси» вә «Ојанын!» ади журналлар дејил. Онлар Каинатын Һөкмдары олан Јеһова Аллаһы уҹалдыр (Һәв. иш. 4:24). Бу журналлар Аллаһын Падшаһлығы һаггында хош хәбәрлә инсанлара тәсәлли верир вә онлары Иса Мәсиһә иман ҝәтирмәјә тәшвиг едир (Мат. 24:14; Һәв. иш. 10:43). Бундан башга, дүнјада баш верән һадисәләрлә Мүгәддәс Китаб пејғәмбәрликләринин неҹә јеринә јетдијини мүшаһидә едир (Мат. 25:13). Саһәндә јашајан инсанлар бу журналлардан фајдалансынлар дејә, онлары һәр бир фүрсәтдә тәгдим етмәјә һазыр ол.
9 Кимәсә журнал верәндә, јахуд киминләсә руһани мөвзуда достјана сөһбәт едәндә бир суалы ачыг сахламаға вә ја мараг доғуран фикир сөјләмәјә һәмишә һазыр ол. Бунунла да сән тәкрар башчәкмәнин, ја да нөвбәти сөһбәтләринин тәмәлини гојмуш оларсан. Һәгигәтин тохумларыны сә’јлә сәпсәк, әмин ола биләрик ки, Јеһова Ону сәмими гәлбдән танымаг вә Она хидмәт етмәк истәјән инсанларын үрәјини ачаҹаг (1 Кор. 3:6).
[Өјрәнилмә үчүн олан суаллар]
1. «Ҝөзәтчи Гүлләси» вә «Ојанын!» журналларынын ролу нәдән ибарәтдир?
2. «Ҝөзәтчи Гүлләси» вә «Ојанын!» журналларында һансы дәјишикликләр едилмишдир вә нә үчүн?
3. Хидмәтдә журналлардан неҹә истифадә едәҹәјик?
4. Нә үчүн «Бизим Падшаһлыг Хидмәтимиз»дәки тәгдимәләрлә јанашы башга тәгдимәләр дә истифадә етмәк мүнасибдир?
5. Журнала тәгдимә һазырламаздан габаг нә етмәлијик?
6. Өз тәгдимәмизи неҹә һазырлаја биләрик?
7. Тәгдимәни неҹә јахшылашдыра биләрик?
8. Нәјә ҝөрә «Ҝөзәтчи Гүлләси» вә «Ојанын!» ади журналлар дејил?
9. Тәкрар башчәкмә үчүн тәмәли неҹә гоја биләрик?