Күчәдә сәмәрәли тәрздә тәблиғ едәрәк мараглананлары ахтармаг

¹ Иса өз шаҝирдләринә Падшаһлыг һаггындакы хош хәбәри ешитмәјә ләјагәтли оланлары ахтармағы тапшырмышды (Мат. 10:11). Амма бу ҝүн бир чох јерләрдә инсанлары евдә тапмаг ҝүндән-ҝүнә чәтинләшир. Буна ҝөрә дә, евләриндә тапа билмәдијимиз адамлара тәблиғ етмәк үчүн нә едә биләрик?

² Күчәдә тәблиғ етмәк, евдән-евә тәблиғ заманы тапа билмәдијимиз инсанлары тапмаг үчүн јахшы үсулдур. Биз, адәтән инсанлар олан јерләрдә, мәсәлән, дајанаҹагларда, јахшы мүһафизә едилән евләрин јанында, истираһәт ҝушәләриндә вә башга әразиләрдә тәблиғ едә биләрик.

³ Бир чохлары күчәдә тәблиғ етмәк лазым ҝәлдијини ешидәндә горху һисси кечирирләр. Бу ишдә иштирак етмәкдә тәрәддүд едирләр, чүнки утанҹагдырлар вә ја Падшаһлыг һаггындакы хәбәрә һиддәтләнән инсанларын гәти сурәтдә имтина едәҹәкләриндән горхурлар. Онларын нараһатчылығы адәтән әсассыздыр. Бу саһәдә тәҹрүбәләри олан тәблиғчиләр бәјан едирләр ки, күчәдә тәблиғ етмәк евдән-евә тәблиғ етмәкдән һеч дә чәтин дејил. Онлар ашкар етмишләр ки, инсанларын чоху онлара күчәдә мүраҹиәт едилмәсинә өјрәшибләр вә бә’зиләри гулаг асмаға вә сөһбәт етмәјә күчәдә даһа чох мејлли олурлар, нәинки евдә. Әҝәр «ҹәсарәт»ли олсаг, еһтимал ки, әлдә етдијимиз мүвәффәгијјәтләр бизи тәәҹҹүбләндирәҹәк (1 Салон. 2:2).

⁴ Күчәдә тәблиғ едәркән даһа да мүвәффәгијјәтли олмаға неҹә наил ола биләрик? Јахшы һазырлыг ваҹибдир. Журналлары габагҹадан оху вә раст ҝәләҹәјин инсанлара мараглы ола биләҹәк бир-ики фикри сеч. Тәгдимәнин ҝириш сөзләри 30 санијәдән артыг чәкмәмәлидир. Мәгсәдимиз инсанларла шәхсән сөһбәт етмәк олдуғу үчүн, адәтән инсанларын чох олдуғу јерләри сеч. Ики тәблиғчинин бир јердә олмасы мүдриклик олса да, ајры-ајрылыгда тәблиғ етмәк даһа јахшыдыр. Бир јердә дуран тәблиғчиләр Падшаһлыг һаггында хәбәрә гулаг асмаға һәвәсли олан инсанлары јаддан чыхарыб бир-бирләри илә сөһбәт едәрәк вахт кечирмәјә мејллидирләр.

⁵ Бир јердә дурмаг вә садәҹә олараг журналлары ҝөстәрмәк, тәшәббүсү өз үзәринә ҝөтүрәрәк инсанлара јахынлашмаг гәдәр еффектли дејил. Инсанын ҝөзләринә бахмаға чалыш. Сөһбәтә башлајаркән сәмими, меһрибан вә ачыг ол. Бә’зи һалларда, һәтта сөһбәт етдијин инсанла бир аз ҝәзмәк дә лазым ҝәлә биләр. Әҝәр о мараг ҝөстәрирсә, она журнал тәклиф ет. Әҝәр журналы ҝөтүрмәк истәмирсә, трактат тәклиф едә биләрсән.

⁶ Адәтән өзүнә суал вә ја мараг ојадан фикир дахил едән тәгдимә һазырламаг јахшыдыр. Инсан сәмими мараг ҝөстәрдији һалда исә онун марағыны инкишаф етдирмәк үчүн, адыны, үнваныны вә ја телефон нөмрәсини өјрәнмәјә чалыш. Сән белә дејә биләрсән: «Әҝәр сиз даһа чох мә’лумат алмаг истәјирсинизсә, ја мән өзүм сизә баш чәкмәјә, ја да Јеһованын Шаһидләриндән бириндән буну етмәсини хаһиш етмәјә шад олардым».

⁷ Бир ағсаггал күчәдә гадына тәблиғ етмиш вә һәмин гадынын Шаһидләрлә өз евиндә сөһбәт етмәк имканын һеч вахт олмадығыны өјрәнмишдир. Һәмин гадын тәклиф едилән китабы ҝөтүрмүш вә баҹыларымызын биринин онун јанына ҝәлмәсинә разылыг вермишдир. Шүбһәсиз ки, даһа чох ләјагәтли инсан тапыла биләр вә әҝәр биз күчәдә сәмәрәли сурәтдә тәблиғ едириксә, онда онлара көмәк ҝөстәрилә биләр (Һәв. иш 17:17).