Мүгәддәс Китабы өјрәнәнләрә руһән бөјүмәкдә көмәк едирик.

ВЫЫ һиссә. Мүгәддәс Китаб өјрәнмәсиндә дуа етмәк

1. а) Мүгәддәс Китаб өјрәнмәсини дуа илә башламаг вә гуртармаг нәјә ҝөрә мүнасибдир? б) Мүгәддәс Китаб өјрәнмәсиндә өјрәнмәдән габаг дуа етмәјә неҹә башлаја биләрик?

¹ Мүгәддәс Китабы өјрәнән инсанларын руһән инкишаф етмәләри үчүн Јеһованын хејир-дуасы ваҹибдир (1 Кор. 3:6). Буна ҝөрә дә өјрәнмәни дуа илә башламаг вә гуртармаг мүнасибдир. Аллаһа инанан инсанларла бирликдә дуа етмәји елә биринҹи мәшғәләдән башлаја биләрик. Башга адамларла исә дуа етмәјә башламаг үчүн мүнасиб вахт сечмәк лазым ҝәлә биләр. Өјрәнән инсанын дуа етмәјин лазым олдуғуну баша дүшмәсинә көмәк етмәк үчүн Мәзмур 25:4, 5 вә 1 Јәһја 5:14 ајәләрини охујуб мүзакирә етмәк олар вә дуаны Иса Мәсиһин васитәсилә етмәјин нәјә ҝөрә ваҹиб олдуғуну изаһ етмәк үчүн исә Јәһја 15:16 ајәсини охумаг олар.

2. Әҝәр өјрәнмәдә баҹыны вәфтиз олунмуш гардаш вә ја вәфтиз олунмамыш тәблиғчи киши мүшајиәт едирсә, дуаны ким етмәлидир?

² Мүгәддәс Китаб өјрәнмәсиндә ким дуа етмәлидир? Әҝәр өјрәнмәни вәфтиз олунмуш гардаш илә баҹы апарырса, дуаны гардаш етмәлидир. Өјрәнмәни баҹы да апара биләр, амма бир шәртлә ки, башы өртүлү олсун (1 Кор. 11:5, 10). Әҝәр өјрәнмәдә вәфтиз олунмамыш тәблиғчи киши баҹыны мүшајиәт едирсә, онда дуаны баҹы етмәлидир. Белә һалда һәм дуа едән, һәм дә өјрәнмәни апаран заман баҹынын башы өртүлү олмалыдыр.

3. Мүгәддәс Китаб өјрәнмәсиндә етдијимиз дуалара һансы мүнасиб шејләри дахил едә биләрик?

³ Нә һагда дуа етмәк олар? Мүгәддәс Китаб өјрәнмәсиндә етдијимиз дуалар узун чәкмәмәли вә конкрет олмалыдыр. Јеһовадан өјрәнмәјә хејир-дуа вермәсини истәмәкдән вә өјрәндијимиз һәгигәтләрә ҝөрә Она тәшәккүр етмәкдән савајы, Јеһованы нәсиһәт Мәнбәји кими мәдһ етмәјимиз дә мүнасибдир (Јешаја 54:13). Һәмчинин өјрәнән адама гаршы сәмими марағымызы вә Јеһованын истифадә етдији тәшкилата ҝөрә миннәтдарлығымызы ифадә едән шејләр барәдә дуа едә биләрик (1 Салон. 1:2, 3; 2:7, 8). Мүгәддәс Китабы өјрәнән инсанын өјрәндикләрини һәјатында иҹра етмәк үчүн сәрф етдији гүввәјә Јеһованын хејир-дуа вермәсини дә диләјә биләрик. Бунунла биз она «кәламын иҹрачысы» олмағын ваҹиб олдуғуну баша дүшмәјә көмәк едәҹәјик (Јаг. 1:22).

4. Өјрәнмәни дуа илә башлајыб, гуртармаг һансы фајдалары ҝәтирир?

⁴ Өјрәнмә заманы дуа етмәјин фајдасы чохдур. Бу, Јеһованын хејир-дуасына сәбәб олур (Лука 11:13). Аллаһын Кәламыны өјрәнмәјин ваҹиблијини ҝөстәрир. Дуаларымыза гулаг асаркән, өјрәнән адам да дуа етмәји өјрәнир (Лука 6:40). Үстәлик, Јеһоваја гаршы мәһәббәтлә долуб-дашан үрәјимиздән ҝәлән дуалар вә Онун мисилсиз хүсусијјәтләринә ҝөрә етдијимиз миннәтдарлыг, өјрәнән адама Јеһова илә шәхси мүнасибәтләр инкишаф етдирмәјә көмәк едә биләр.