Суаллар гутусу

◼ Әҝәр Мүгәддәс Китаб өјрәнмәси гапы ағзында кечирилирсә, бу заман дуа етмәк лазымдырмы?

Мүгәддәс Китаб өјрәнмәсини дуа илә башлајыб, дуа илә гуртармағын бөјүк фајдасы вар. Адәтән, дуада Јеһовадан мүзакирә заманы бизә мүгәддәс руһ вермәсини диләјирик (Лука 11:13). Дуа һәмчинин өјрәнәнә Мүгәддәс Китабы арашдырмағын ҹиддилијини баша дүшмәјә вә неҹә дуа етмәји өјрәнмәјә көмәк едир (Лука 6:40). Буна ҝөрә дә, Мүгәддәс Китабы өјрәнән адамла бирликдә нә гәдәр тез дуа етмәјә башласаг, бир о гәдәр јахшыдыр. Анҹаг шәраитләр мүхтәлиф олдуғундан тәблиғчи өјрәнмәни гапы ағзында кечирән заман дуа едиб-етмәмәјә гәрар верәркән мүдрик олмалыдыр.

Илк нөвбәдә, өјрәнмәнин һансы мүһитдә кечдијини нәзәрә алмаг лазымдыр. Әҝәр өјрәнмә мүәјјән мәнада сакит бир јердә вә мүнтәзәм олараг кечирилирсә, нәзакәтлә өјрәнмәни дуа илә башлајыб, дуа илә гуртармағы тәклиф етмәк олар. Јох, әҝәр бу, әтрафдакыларын диггәтини ҹәлб едәҹәксә вә өјрәнән өзүнү нараһат һисс едәҹәксә, өјрәнмәни бир аз хәлвәт јердә кечмәк мүмкүн олана гәдәр ҝөзләмәк даһа јахшы оларды. Өјрәнмәнин һарада кечмәсиндән асылы олмајараг, нә вахт дуа илә башлајыб-башламамагла әлагәдар бизә сағлам дүшүнҹәли олмаг лазымдыр. («Бизим Падшаһлыг Хидмәтимиз» вәрәгәсинин 2005-ҹи ил март сајынын 4-ҹү сәһифәсинә бах.)