Диггәти даһа чох Мүгәддәс Китаба јөнәлдирик!
1. «Ҝөзәтчи Гүлләси» вә «Гызыл әср» журналы башланғыҹда кимләр үчүн нәзәрдә тутулмушду?
1 1919-ҹу ил октјабрын 1-дә «Гызыл әср» журналынын илк нүсхәси ишыг үзү ҝөрдү. Бу журнал тәблиғ ишиндә чох дәјәрли васитә олду. Нәјә ҝөрә? Чүнки бу журнал хүсуси олараг ҝениш охуҹу күтләси үчүн нәзәрдә тутулмушду. Буну, узун илләр әрзиндә «кичик сүрү» үчүн нәзәрдә тутулан «Ҝөзәтчи Гүлләси» һаггында демәк олмазды (Лука 12:32). Падшаһлығын тәблиғчиләри «Гызыл әср» журналынын бурахылышыны елә бөјүк шөвглә гаршыладылар ки, онун тиражы бир чох илләр әрзиндә «Ҝөзәтчи Гүлләси»нин тиражыны үстәләјирди.
2. «Гызыл әср» журналы һал-һазырда неҹә адланыр вә башланғыҹдан һансы мәгсәди дашыјырды?
2 «Гызыл әср» журналы, бәшәријјәтин проблемләринә јалныз Мәсиһин Миниллик һөкмранлығынын сон гојаҹағыны ҝөстәрмәк үчүн нәшр едилмәјә башланмышдыр. Бу һөкумәтин идарәси бәшәријјәт үчүн һәгигәтән дә хошбәхт дөвр, «гызыл әср» олаҹаг. Илләр өтдүкҹә «Гызыл әср» журналына бир сыра дәјишикликләр дахил едилмишдир ки, дөврүн тәләбатларына ујғун олсун. 1937-ҹи илдә һәмин журнал «Тәсәлли» адланмаға башланды. 1946-ҹы илдә исә, һал-һазырда бизә мә’лум олан «Ојанын!» адыны дашымаға башлады.
3. «Ојанын!» журналы һансы пејғәмбәрлијин һәјата кечирилмәсиндә ваҹиб рол ојнамышдыр?
3 1919-ҹу илдә дәрҹ олунмаға башладығы вахтдан тәблиғ ишиндә бу журналын бөјүк көмәклији олмушдур (Мат. 24:14). Лакин сонун јахын олдуғуну нәзәрә алараг, ҝөрүнүр, «Ојанын!» журналына нөвбәти дәјишикликләри етмәк мүдрик давраныш оларды.
4. а) Әҝәр инсанлар «Рәббин [Јеһованын] гәзәб ҝүнүндә» сағ галмаг истәјирләрсә, онда нә етмәлидирләр? б) Вәһј 14:6, 7 ајәләринә әсасән, ‘ҝөјүн ортасында учан мәләк’ һамыны нә етмәјә чағырыр?
4 Милјонларла инсанлар «Ојанын!» журналыны охумағы хошлајырлар, чүнки бурада дини мөвзуларла бағлы олмајан мүхтәлиф мараглы мәгаләләр дәрҹ олунур. Шүбһәсиз ки, һәр ил Рәббин Хатирә Ҝеҹәсиндә иштирак едән инсанларын әксәријјәти «Ојанын!» журналынын даими охуҹуларыдыр. Лакин әҝәр кимләрсә «Рәббин [Јеһованын] гәзәб ҝүнүндә» сағ галмаға үмид едирләрсә, онда онларын нәшрләримизин даими охуҹусу олмагдан башга даһа артыг иш ҝөрмәләри үчүн көмәјә еһтијаҹлары вар (Сеф. 2:3; Вәһј 14:6, 7).
5. а) 2006-ҹы илин јанвар бурахылышындан башлајараг «Ојанын!» журналы диггәти даһа чох нәјә јөнәлдәҹәк? б) Бир чохлары нә етмәјә тәшвиг олунаҹаглар вә бунунла һансы пејғәмбәрлик јеринә јетәҹәк?
5 Бу сәбәбдән, 2006-ҹы илин јанвар ајындан башлајараг «Ојанын!» журналы диггәти даһа чох Аллаһын Падшаһлығына јөнәлдәҹәк. Бу журналда дәрҹ олунаҹаг мәгаләләр охуҹулары өз проблемләринин һәллини тапмаг үчүн билаваситә Мүгәддәс Китаба мүраҹиәт етмәјә тәшвиг едәҹәк вә ҹәрәјан едән һадисәләри Мүгәддәс Китаба әсасән даһа ајдын изаһ едәҹәк. Беләликлә охуҹулар дүнјада баш верән һадисәләри даһа јахшы баша дүшәҹәк вә еһтимал ки, бу онлары, охудуглары материалдан Јеһова һагда даһа чох өјрәнмәјә тәшвиг едәҹәк (Зәк. 8:23).
6, 7. а) «Ојанын!» журналы 1 Салониклиләрә 2:13 ајәсинә мүвафиг давранмагда бир чох инсанлара неҹә көмәк едәҹәк? б) «Ојанын!» журналы ајда нечә дәфә чыхаҹаг вә бу дәјишиклик нә гәдәр дилә тә’сир ҝөстәрәҹәк?
6 «Ојанын!» журналында бундан сонра да мүхтәлиф мөвзулу мәгаләләр дәрҹ едиләҹәк. Лакин әсас диггәт Мүгәддәс Китаба јөнәлдиләҹәк (1 Салон. 2:13). «Ҝөзәтчи Гүлләси»нин дәрин руһани мәгаләләрлә зәнҝин олдуғуну вә «Ојанын!» журналында да Мүгәддәс Јазылара әсасланан мәгаләләрин әсас јер тутаҹағыны нәзәрә алараг, «Ојанын!» журналыны ајда ики дәфә чап етмәјә еһтијаҹ галмыр. Бу сәбәбдән, 2006-ҹы илин јанвар ајындан башлајараг «Ојанын!» журналы ајда бир дәфә чыхаҹаг. Бу, нәшрләримизин чапа һазырланмасыны, тәрҹүмәсини вә дашынмасыны хејли асанлашдыраҹаг.
7 Бу дәјишиклик «Ојанын!» журналынын чап едилдији тәхминән 40 фаизә јахын дилә тә’сир ҝөстәрәҹәк. Әксәр дилләрдә «Ојанын!» журналы ајда вә ја үч ајда бир дәфә чыхыр. «Ҝөзәтчи Гүлләси»нин нәшриндә һеч бир дәјишиклик олмајаҹаг.
8. Тәблиғчиләр «Ојанын!» журналыны «Ҝөзәтчи Гүлләси» илә бир јердә неҹә истифадә едә биләрләр?
8 Тәблиғчиләр һәр ај чыхаҹаг «Ојанын!» журналыны һәмин ајда нәшр едилән «Ҝөзәтчи Гүлләси»нин истәнилән сајы илә тәгдим едә биләрләр. «Ојанын!» журналыны пајлајан тәблиғчиләр һәмин ај үчүн олан журналы бүтүн ај әрзиндә тәгдим едә биләрләр вә бунун үчүн ајын ортасында өз тәгдимәләрини дәјишмәјә биләрләр.
9. «Ојанын!» журналы һансы ролу ојнамаға давам едәҹәк?
9 1919-ҹу илдән чап едилмәјә башланан «Гызыл әср», «Тәсәлли» вә һал-һазырда «Ојанын!» кими јахшы танынан журнал тәблиғ ишиндә бөјүк рол ојнамышдыр. Биз дуа едирик ки, Јеһова дәјишиклик едиләҹәк бу журналын пајланмасына хејир-дуа вермәјә давам етсин вә «Ојанын!» журналы «һәр милләтдән, бүтүн гәбиләләрдән, халглардан вә дилләрдән олан» бир чох инсанлара јеҝанә үмид јери кими Аллаһын Падшаһлығына үз тутмаға көмәк етсин (Вәһј 7:9).