Мүгәддәс Китабы өјрәнәнләрә руһән бөјүмәкдә көмәк едирик. ХЫЫ һиссә.
Јени тәблиғчијә Мүгәддәс Китаб өјрәнмәси башламағы вә апармағы өјрәдирик
1 Мүгәддәс Китабы өјрәнән адамлар тәблиғ хидмәтиндә иштирак етмәјә башлајанда, киминләсә өјрәнмә башламаг вә апармаг һагда фикир онларда горху һисси јарада биләр. Хидмәтимизин бу ваҹиб саһәсинә даир мүсбәт нөгтеји-нәзәрә малик олмалары үчүн онлара неҹә көмәк едә биләрик? (Мат. 24:14; 28:19, 20).
2 Әҝәр өјрәнән адам вәфтиз олунмамыш тәблиғчидирсә, еһтимал ки, артыг Теократик Хидмәт Мәктәбинә јазылыб. О, Мәктәбдә верилән тапшырыглары һазырламагла вә онларла чыхыш етмәклә Мүгәддәс Китаб өјрәнмәсини мәһарәтлә апармағы вә «утанмаға әсасы олмајан вә һәгигәт сөзүнү доғрулугла өјрәдән бир ишчи» олмағы өјрәнәҹәк (2 Тим. 2:15).
3 Өз нүмунәнлә өјрәт. Иса шаҝирдләрини дәгиг рәһбәрлик вә јахшы нүмунә вермәклә өјрәдирди. О демишдир: «Тәкмилләшдикдән сонра, һәр шаҝирд өз мүәллими кими олаҹаг» (Лука 6:40). Исаны тәглид едәрәк хидмәтини нүмунәви шәкилдә јеринә јетирмәк сәнин өзүн үчүн дә чох ваҹибдир. О, сәнин неҹә тәблиғ етдијини мүшаһидә едәрәк баша дүшәҹәк ки, тәкрар башчәкмәнин мәгсәди Мүгәддәс Китаб өјрәнмәсинә башламагдыр.
4 Өјрәнәнә баша сал ки, ев саһибинә Мүгәддәс Китаб өјрәнмәси тәклиф едәндә, адәтән өјрәнмәнин неҹә кечирилмәсини әтрафлы сурәтдә изаһ етмәк лазым дејил. Өјрәнмәнин неҹә кечирилдијини ҝөстәрмәк үчүн садәҹә олараг нәзәрдә тутулан нәшрдән бир-ики абзас мүзакирә етмәк кифајәтдир. Буна даир фајдалы мәсләһәтләри «Бизим Падшаһлыг Хидмәтимиз»ин бу сајынын 8-ҹи сәһифәсиндә вә 2002-ҹи илин јанвар сајынын 6-ҹы сәһифәсиндә тапмаг олар.
5 Јери ҝәләндә, өјрәнәни башга Мүгәддәс Китаб өјрәнмәсиндә ја сәни, ја да диҝәр тәҹрүбәли тәблиғчини мүшајиәт етмәјә дә’вәт ет. Өјрәнән, абзаса вә ја ачар ајәјә даир шәрһ верә биләр. Мүшаһидә етмәклә о, Мүгәддәс Китаб өјрәнмәләринин кечирилмәси һаггында чох шеј өјрәнә биләҹәк. (Сүл. мәс. 27:17; 2 Тим. 2:2). Она мәсләһәтләр вер вә неҹә тәкмилләшә биләҹәјини онунла мүзакирә ет.
6 Јени тәблиғчиләрин Аллаһын Кәламынын мүәллимләри олмалары үчүн, онлара вердијимиз тә’лим «хејирли иш» олан Мүгәддәс Китаб өјрәнмәси башламаға вә апармаға көмәк едәҹәк (2 Тим. 3:17). «Арзу едән гој һәјат сујуну мүфтә ҝөтүрсүн» дә’вәтини бирликдә мәһәббәтлә инсанлара чатдырмаг неҹә дә хошдур! (Вәһј 22:17).