Мүгәддәс Китабы өјрәнәнләрә руһән бөјүмәкдә көмәк едирик — Ы һиссә.

Мүгәддәс Китаб өјрәнмәси нәдир?

¹ Бүтүн дүнјада Јеһованын хидмәтчиләри һәр ај тәхминән алты милјон Мүгәддәс Китаб өјрәнмәси кечирирләр. Еффектив тә’лим методлары сајәсиндә биз Мүгәддәс Китабы өјрәнәнләрә руһән бөјүмәкдә, Јеһоваја һәср олунуб, вәфтиз олунмагда, һәмчинин онларын “диҝәрләрини дә өјрәтмәјә габил” олмаларына көмәк едә биләрик (2 Тим. 2:2). Мүгәддәс Китабы өјрәтдијин инсанларын руһән бөјүмәләринә көмәк етмәк истәјәрдинми? “Бизим Падшаһлыг Хидмәтимиз”ин бу сајындан е’тибарән, башгаларыны өјрәдән заман неҹә мүвәффәгијјәтли олмаға даир бир сыра мәгаләләр дәрҹ едиләҹәк.

² Мүгәддәс Китаб өјрәнмәси һаггында нә вахт һесабат вермәк олар? Әҝәр сән мүнтәзәм олараг, гыса да олса, Мүгәддәс Китабын вә мәсләһәт олунан көмәкчи вәсаитләрдән биринин көмәји илә киминләсә Мүгәддәс Китаб ајәләрини мүзакирә едирсәнсә, демәли, Мүгәддәс Китаб өјрәнмәси кечирирсән. Бу, гапынын ағзында вә ја телефон васитәсилә кечирилсә дә, өјрәнмә һесаб олунур. Әҝәр өјрәнмәнин давам едәҹәјинә әсасын варса вә Мүгәддәс Китабы неҹә өјрәнмәји ҝөстәрдијин вахтдан бәри артыг ики дәфә дәрс кечмисәнсә, өјрәнмә һаггында һесабат вермәк олар.

³ Бир гајда олараг, өјрәнмә “Аллаһ тәләб едир” брошүрасынын вә “Билик” китабынын васитәсилә кечирилир. Бунлары өјрәндикдән сонра, марагланан кәсин, јаваш да олса, руһани наилијјәтләр етдији ҝөрүнүрсә вә әлдә етдији биликләри гијмәтләндирирсә, онда өјрәнмәни “Аллаһа ибадәт един” (рус.) китабынын көмәји илә давам етдирмәк олар. Аз тәһсилли олан вә јахшы охумағы баҹармајан инсанларла өјрәнмәк үчүн “Сән, Аллаһын досту ола биләрсән!” брошүрасы мүнасибдир.

⁴ Мүгәддәс Китаб өјрәнмәси милјонларла инсанлара Иса Мәсиһин һәгиги давамчылары олмагда көмәк едиб (Мат. 28:19, 20). Бу мәгаләләрдә верилән мәсләһәтләри тәтбиг етмәклә, сән Мүгәддәс Китабы өјрәнәнләрә руһән бөјүмәкдә көмәк едәҹәксән.