Гапы ағзында вә телефон васитәсилә Мүгәддәс Китаб өјрәнмәси башлајырыг
1, 2. Вахты олмајан инсанлара көмәк етмәк үчүн Мүгәддәс Китаб өјрәнмәси програмыны онларын шәраитләринә неҹә ујғунлашдыра биләрик?
1 Бу ҝүн инсанлар чох мәшғулдур. Лакин чохларынын руһани ишләрә мараглары вар. Онлара руһани тәләбатларыны тә’мин етмәк үчүн неҹә көмәк едә биләрик? (Мат. 5:3). Бир чох тәблиғчиләр инсанларла Мүгәддәс Китаб өјрәнмәсинә гапы ағзында вә ја телефон васитәсилә башлајырлар. Бәс сән хидмәтини бу үсулла ҝенишләндирә биләрсәнми?
2 Мүгәддәс Китаб өјрәнмәси башламаг үчүн биз һәр фүрсәтдән истифадә етмәјә һазыр олмалыјыг. Буну неҹә вә һарада етмәк олар?
3. Мүгәддәс Китаб өјрәнмәсини неҹә кечирдијимизи нә үчүн илк ҝөрүш заманы ҝөстәрмәк олар вә буну неҹә едә биләрик?
3 Гапы ағзында. Әҝәр хидмәтдә Мүгәддәс Китаб һаггында сөһбәт етмәјә һазыр олан инсанларла растлашсан, садәҹә олараг габагҹадан һазырладығын абзасы, мәсәлән, «Аллаһ тәләб едир» брошүрасындан биринҹи дәрсин биринҹи абзасыны ач вә мүзакирәјә башла. Абзасы оху, суалы вер вә бир-ики ајәни мүзакирә ет. Буну гапы ағзында беш-он дәгигә әрзиндә етмәк олар. Мүзакирә һәмсөһбәтинин хошуна ҝәләрсә, ҝәлән дәфә бир вә ја ики абзас арашдырмаға сөзләш. (Бу үсул һаггында әлавә мә’луматы «Бизим Падшаһлыг Хидмәтимиз»ин 2002-ҹи илин јанвар сајынын 6-ҹы сәһифәсиндә тапмаг олар.)
4. Тәкрар башчәкмә заманы Мүгәддәс Китаб өјрәнмәсинә гапы ағзында неҹә башлаја биләрик?
4 Тәкрар башчәкмә едәркән дә бу үсулдан истифадә етмәк олар. Мәсәлән, «Аллаһ тәләб едир» брошүрасындан икинҹи дәрсин 1-2-ҹи абзасларын көмәји илә Аллаһын ады һаггында даныш. Ҝәлән дәфә, Мүгәддәс Китабын Јеһованын хүсусијјәтләриндән нә дедијини өјрәнмәк үчүн 3-4-ҹү абзаслары арашдыр. Нөвбәти башчәкмә заманы исә 5-6-ҹы абзаслары нәзәрдән кечир вә 5-ҹи сәһифәдәки шәкилдән истифадә едиб, Мүгәддәс Китаб өјрәнмәсинин Јеһованы танымаға неҹә көмәк етдијини ҝөстәр. Бүтүн бунлары гапы ағзында етмәк олар.
5, 6. а) Нә үчүн бә’зи инсанлар Мүгәддәс Китабы телефон васитәси илә өјрәнмәјә үстүнлүк верирләр? б) Телефон васитәсилә өјрәнмәјә башламаг үчүн һансы үсулдан истифадә едә биләрик?
5 Телефон васитәсилә. Бә’зи инсанлар өјрәнмәни тәблиғчи илә үз-үзә јох, телефон васитәсилә кечирмәк истәјә биләр. Нөвбәти мисалы нәзәрдән кечирәк: бир баҹы евдән-евә хидмәт едәркән чох ишләјән ҝәнҹ ана илә растлашыр. Бу гадыны бир неҹә дәфә евдә тапа билмәдијиндән, баҹы она зәнҝ етмәк гәрарына ҝәлир. Гадын, Мүгәддәс Китаб һаггында сөһбәт етмәк үчүн доғрудан да вахты олмадығыны сөјләјир. Баҹы тәклиф едир: «Сиз Мүгәддәс Китабдан јени шејләри һәтта телефон васитәсилә 10-15 дәгигә әрзиндә өјрәнә биләрсиниз». О дејир: «Јахшы. Әҝәр бу телефон васитәсилә олаҹагса, онда разыјам». Һәмин андан е’тибарән телефон васитәсилә мүнтәзәм олараг Мүгәддәс Китаб өјрәнмәси башланыр.
6 Сәнин баш чәкдијин инсанлардан кимсә Мүгәддәс Китабы телефон васитәсилә өјрәнмәк истәјирми? Сән ја бурада дејилән үсулдан истифадә едә, ја да ки дејә биләрсән: «Әҝәр сиз истәјирсинизсә, биз Мүгәддәс Китабы телефон васитәсилә мүзакирә едә биләрик? Сизин үчүн бу даһа мүнасиб олармы?» Мүгәддәс Китаб өјрәнмәси програмыны инсанларын шәраитләринә ујғунлашдырмагла онлара ‘Аллаһы танымаға’ көмәк едә биләрик (Сүл. мәс. 2:5; 1 Кор. 9:23).